ИСА МӘСІХТІҢ ҚАЙТА КЕЛУІ ИЛИЯС ПАЙҒАМБАРДЫҢ ҚАЙТА КЕЛУІНДЕЙ.

Ең қызығы, қазіргі мұсылман ғұламаларының көпшілігі көктен Исаның оралуын күтіп жүргендей, дәл осындай жағдай яһуди ғұламаларында да болған. Өйткені, яһудилердің кітаптарында айтылғанға сай, кезінде Илияс пайғамбар (ас) аспанға денесімен көтерілген екен, және ол Масих келерде аспаннаң қайта түседі делінген. Сондықтан Хазірет Иса (ас) исраилдіктерге Масих ретінде келдім деп айтқанда, яһуди дін басылары одан әлгі көріпкелдіктің орындалуын сұраған, яки: егер сен Масих болсан, онда сенің алдында Илияс аспаннан түспейді ме? –деп. Сонда Хазірет Иса (ас): бұл астарланып айтылған көріпкелдік, оны тура мағынада түсінуге болмайды. Ал сендердің аспаннан күтіп жүрген Илиятарың - мына Яхия пайғамбар деген. Яғни, Хазірет Исаның (ас) пікірі бойынша: Илиястың қайта келуі Яхия пайғамбардың келуінде жүзеге асқан. Алайда мұндай түсіндірмені күлкіге айналдырған яһуди дін басылары өздерінің Мәсіхтерінен бас тартып, оны (Аллаһ сақтасын) «жалған Масих», «кәпір», «адасқан және басқаларды адастырушы» - деп жариялап, бірауыздан пәтуа шығарған.
Кезінде осындай жағдайдың орыналғаның білсе де, біздің мұсылман молда-ғұламаларымыз тарихтан сабақ алуға қауқарсыз болуда:

Уәделенген Мәсіх Хазірет Мирза Ғұләм Ахмед (алейхи сәләм) айтады: "Мәсіхтің келуі үшін хадистерде "Раджу" (қайта оралу) сөзі емес, "Нузул" (түсу) сөзі қолданылған. Біріншіден, "Раджу" сөзі қайта оралу үшін қолданылады, ал Хазірет Исаға (әлейхи сәләм) қатысты бұл сөз ешбір жерде қолданылмаған. Екіншіден, Нузул сөзі "аспаннан түсуді" еш білдірмейді. Әдетте жолаушыны да "нәзил" деп атайды".