Найман - Белгібай - Сүйініш - Төлегетай - Қытай - Қаракерей - Байторы - Мейрам - Байыс - Мұрын (Сарымырза) - Жолымбет - Назар - Жанболат - Тоқабай - Атан - Қожакелді - Жылқыайдар - Мәметек - Елеусіз - Мұхамеджан - Зейтінғазы - Құрманбек.

Керемет ақын ,өлеңді Мұқағалиша төгеді екен.

,Азаматтык арымдаи курметтеимын,Олен менин кыршыксыз бои тумарым деп акын жырлагандаи, расындада бугинги бизде бар сараи акындарына улги создер емеспе,Курманбек агамыз ози аиткандаи Беи уакыттын быры болдым баигусы мен, дегендеи сол заманнын курбаны болып жазыксыз акеси жабирленсе, сонын азабын озы тартып откен АКЫН ,дегенменде артында осындаи кунды дуние ошпес ыз калдырган,асыл мурасын жалгасы кеиынгы урпактары суисыне окып омирден откен осындаи каисар, асыл алтын агаларынын,жалгасы алтыннын сыныктары екенине мактанышпен аитатын болады, Жанын жанатта ,Иманын жолдас болсын асыл АГА

Қытай елінде тұратын қандасымыз, белгілі ақын Құрманбек Зейтінғазыұлы дүниеден озды
Сенбі, 8 қаңтар күні Қытай елінде тұратын қандасымыз белгілі ақын, айтыс сахнасының тарланбозы, жыр дүлдүлі Құрманбек Зейтінғазыұлы ұзаққа созылған науқастан кейін дүниеден озды.

Айтыскер ақын Құрманбек Зейтінқазыұлы 1940 жылы ҚХР Шынжаң өлкесі Алтай аймағы Шіңгіл ауданында дүниеге келген.

Құрманбек Зейтінқазыұлы Шынжаң қазақ әдебиетінің бүгінгі айтыс өнерінің көшін бастаушы. Бұрынғы өткен ақындарда көп ұшырайтын жұмбақ айтыс түрін қайта түлетіп, кейінгі буынға өзіндік үлгі көрсете білген ақын. Ол әр жылдары қатысқан аламан айтыстарда бас жүлдені жиырма мәрте жеңіп алып, «Ерекше еңбек сіңірген халық ақыны», «Халық ақыны», «Құрметті ақын» секілді ШҰАР-дың жоғарғы дәрежелі марапаттарын еншілеген. Құрманбек Зейтінқазыұлы Іле қазақ автономиясы облыстық ауыз әдебиеті қоғамының, Алтай аймақтық әдебиет-көркемөнер қоғамының құрметті төрағасы. Қытай мемлекеттік ауыз әдебиеті қоғамының, мемлекеттік саны аз ұлт жазушылары ғылыми қоғамының мүшесі.

Айтыс өлеңдері ШҰАР оқулықтарына кірді. «Ақындар айтысы», «Жылып өткен жылдар-ай» т.б. жыр жинақтарын көпке ұсынды. Сонымен қатар ақын шығармалары жеке кітап болып қытай тіліне де аударылған.

Өнер сапарымен 1991 жылы Қазақстанда, 1992 жылы Түркияда, 1994-1996 жылдары Моңғолияда, 2006 жылы Германия, Франция, Голландияда болып, алыстағы ағайындар ортасында жыр төгіп, жұрттың алғысына бөленді.

ӘКЕМ ТУҒАН АҚСУАТ
Құрманбек Зейтінғазыұлы

Әуелі саған мың сәлем,
Әкем туған Ақсуат.
Орайы келген мұрсамен,
Мұңдасайын жақсырақ.
Оған да менің шарам жоқ,
Өгейсің сен Ақсуат.
Тумаған мен де балаң деп
Тұрмысың әлде жатсырап.
Даңғайыр дархан даласың
Бар ма сенде нағашым
Мінетұғын ат сұрап.
Жатсынсаң жанды қинайсың,
Оған да несін жасиын.
Тұрмысың маған қимай шын
Әкемнің салған тас үйін.
Неге ылдилай бересің,
Боғас пенен Тебіске.
Ойларымның өресін
Жібермесеңші өріске.
Анарындай анамның
Базар менен Қарғыба.
Шалғынында жағаңның
Әкемнің ізі қалды ма?
Бір гүліңе тиіспейін,
Еркелер ақын қайда елге.
Топырағын иіскейін,
Бабамның басы қай жерде.
Танысып мынау жеріммен
Табысып елмен сырласып,
Кетейін деп келіп ем,
Топырағын бір басып.
Аңсаған ата мекенім,
Өлеңім саған таққан гүл.
Риза болып кетейін,
Кейітпей мені аттандыр.


--------------------------------------------------------------------------------