«...СОНЫМЕН ҚАТАР БІР-БІРІҢДІ ТАНУЛАРЫҢ ҮШІН СЕНДЕРДІ ҰЛТТАР, РУЛАР ҚЫЛДЫҚ».
ҚҰРАН,
«Хұжырат» сүресі,
13-ші аят
ЫБЫРАЙЫМ АХУН ҚҰЛБАЙҰЛЫ
(1886-1982)
Он екі ата Байұлының шежіресі
Байұлының екеуі-
Адай менен Таз еді.
Кемшілігі аз еді,
Көңілі тура жаз еді.
Мал менен басы тең өсіп,
Күннен күнге өрледі.
Сан тәрбиет, салтанат,
Қызық болды көргені.
Сарыарқаның кең дала –
Таздар еткен мекені.
Ата қоныс – Сыңғырлау,
Жақсыбай менен Жекенді.
Алымдары кім десең,
Досеке мен Бекен-ді,
Сөздері тәтті шекер-ді.
Жиенқұл, Есенбақ, Қашқынбай,
Қызыл тілге шешен-ді.
Бала Ораз бенен Рүстем,
Сөз бастауға көсем-ді.
Кем демейді көрген жан,
Төремұрат пен Өтенді.
Құлымбай менен Нарынбай,
Қасына ерткен нөкерді.
Осылардан өткен дүния –
Таз руының батырлары жөнінде халық ақыны Қоспақ Шолақұлы былай деп жырлаған:
"...Біздің Тазға біткен жігіттің,
Бірқатары нар еді.
"Нары кім?" деп сұрасаң:
Шарғадағы Нарынбай,
Жастабанның ішінде,
Төремұрат, ер Өтен.
Келдібайдың ішінде,
Бәкен, Пыштан, Күнжарық,
Басығара, Серікбай -
Осылар елдің бары еді.
Сол батырлар барында,
"Таз" деген ауыл бөп-бөлек,
Әлі жаудан аман жүр.
Бұрындағы жігіттің,
Бірқатарын батыр дер...
Ал атақты айтыскер ақын Бала Ораз Өтебайұлы былай деп айтады:
Мен бабында жүрген қатукер,
Бәйгелі жерден жүлде алған.
Ұраным – "Бақай" – Қаратаз,
Қаратаздың ішінде
Құлманбет пен Қоспақ бар –
Мен солардан үлгі алған.
Айт десең өлең бұлданбан,
Шабандықты құлданбан.
Ерегіс, айқай жерлерде,
Солар сынды "жынданған".
Күнде-күнде шабылып,
Бір терге бір тер ылғанған.
Шешендерден тіл алған,
Шеберлерден мін алған.
Қалағаның сөз болса,
Қараша қаздай тізілтіп,
Шылбыр берем шұбалған...
Адам болатын бала 15-де баспын дер,
адам болмайтын бала 25-де жаспын дер!
Тектіден қыз алсаң ошағың сөнбейді, жиынның ішінде сөзіңді бөлмейді.
Тексізден қыз алсаң, басыңа өрлейді, санасыз-сабырсыз айтқанға көнбейді.
Әйелді есіктен, баланы бесіктен тәрбие бермесең, боласың кешіккен.
Жаман ат келтірме аяулы анаңа, 9 ай көтеріп, әкелген жалғанға.
Қаттырақ тіл қатпа әкеге, анаға, жүрегін ауыртпа, қашанда бағала.
Сынақтан сүрінбе, түңілме, бүгілме, сан өткел тұрсада алдыңда күніге.
Байлықтың соңынан қуалап жетпейсің, маңдайға жазғаннан құтылып кетпейсің.
12 ата Байұлы, Таз руы, Абдал-Келдібай... Бекқұлы Ата, оның 7 баласы Олжабай, Құлжабай, Сапы, Сағал, Иткүшік, Бақат, Кенжалы ұрпақтары, осы жеті аталарымызға, Кесене-ескерткіш салу жұмыстарын Атырау облысы, Жылыой ауданы, Құлсары қаласы, Бақашы қауымында 2011 жылы 12-і мамырда бастап кетті.
Қоғамдық қайырымдылық қоры
Бекқұл АТА
филиал АО Банка Центр кредит в г. Кульсары, благотворительный фонд «Беккулы – Ата РНН 150900215895 КБЕ 18 р/с № KZ658560000000522138(KZT) БИК KCJBKZKX
Осындай игі шаруаға барлық Таз руы азаматтары және Таз руының тумалары атсалысып, қол ұшын берейік ағайындар.
Құлсары қаласы. Ұйымдастыру комитетінің төрағасы Ордабай Сырлыбаевқа хабарласыңыздар, 87011891218, 8(71237)51632 үй.
Адамда ең болмағанда сөз көмек деген болады. Ата-әжелерімізге рахмет, үйде отырып, ағайындарға телефон арқылы болсада хабар таратып жатқындарына.
Ақтөбе облыстық ПМПК ММ-ің басшысы, дәрігер, Таз руының шежіресін жинаушы, 2009-2010 жылдары «Тастүлек-Бақай» ҚҚ, Республикалық Таз руы ұйымдастыру комитетінің төрағасы Нұрлан Ізденұлы ЕСЕНҒАЗЫ, ұялы: 87014552854, тел.: 8(7132)779380 үй, факс: 8(7132)550422, e-mail:
yessengazy@mail.ru 22.06.2011 ж.
