Откройте свой Мир!

Алматыда 2003 жылы ашылған физика-математика мектебі 2008 жылы желтоқсан айында жаңа ғимаратқа көшті. Осылайша №173 гимназияның пайдалануға берілуі - қала өміріндегі елеулі оқиғаның бірі де бірегейі болды. Біріншіден - бұл мектеп шағын аудандағы жалғыз білім ордасы болса, екінші ерекшелік - бұл физика-математиканы тереңдетіп оқытатын шаңырақ.
Гимназияны басқаратын аса тәжірибелі маман, Құрмет белгілі орденінің иегері Әбдімәжит Ђтеш қос пәннің қадірін білетін ұстаз ретінде білім ордасын дем- де биік белеске көтерді. Бұған бір дәлел ретінде биылғы Бірыңғай ұлттық тестілеу қорытындылары бойынша түлектердің орташа 113,09 балл жинауын айтуға болады. Қазіргі білім беру талаптары бойынша бұл қала бойынша бірінші орын деген сөз. Сөйтіп, Жәутіков атындағы республикалық физика-математика мектебінен де озып шықты. 
Әуезов ауданында 40 мектеп болса, Мамыр шағын ауданындағы жалғыз гимназияда 2200 ұл-қыз оқиды. Ең бастысы, білім ордасы ауданда үнемі бірінші орында келеді. 
- Осындай көрсеткішке жетуімізге мұғалімдердің қажырлы еңбегі дәнекер болғаны анық. 45 минут - олар үшін аса қымбат. Осы уақытта әр баланың санасына тек білім нәрін құятын мамандар қазір адал еңбек, маңдай терлерінің жемісін көре бастады. Тағы бір мәселе, бүгінгі балалардың білімі, ой-өрісі, талғамы биік. Сондықтан да әр ұстаз өз пәніне күнделікті даярланып келеді. Оқушының сұрағына жауап бере алмайтын мұғалім болмау тиіс. Осыған байланысты біз ұжымнан көп нәрсені талап етеміз. Соған шыдай алған маман ғана білім ордасында қалады. Бұл - 120 ұстазға ортақ қағида, талап. Олардың дәріс беру тәсілі ұдайы қадағаланады. Кез келген ұстаз уақыт талап етіп отырған құралдар мен тәсілдерді, озық тәжірибені, интерактивті тақтаны күнделікті пайдалануы керек. Айталық, математика пәнінің мұғалімі Зәмзәгүл Қиябаева, Сағаидат Мадияр, физик Балғын Нұрбекова секілді мамандарды алматылық әріптестері жақсы біледі, - дейді Әбдімәжит Қоңырбайұлы. 
2008, 2009 жылдары Бірыңғай ұлттық тест тапсыруда қала бойынша үшінші орында тұрған гимназия 2010 оқу жылының қорытындылары бойынша көш бастады. Биыл мектепті 134 бала бітіріп, бәрінің де оқуға тегін түсу мүмкіндігі бар. Тек үш бала ғана 96,97,98 балл жинапты. 120 оқушы 100-ден көп балл жинаған. Қазірдің өзінде Ақпараттық технологиялар, Қазақ-британ университетінен бастап, қаладағы небір білікті университеттер гимназия шәкірттерін оқуға аса зор ықыласпен шақырыпты. Тіпті 40 шақты түлек биыл Астанада ашылған Назарбаев университетіне құжат тапсырған. 
- Былтыр 24 түлегіміз Ақпараттық технологиялар университетіне түскен еді. Олардың біліміне сүйсінген университет басшылары бізге ризашылықтарын білдіріп, биыл тағы да шәкірт жинап жатыр. Энергетика институтының да өкілдері оқушыларды үгіттеп жүр. Ал Қазақ-британ университеті тек біздің түлектеріміз үшін 50 пайыз жеңілдік жасап отыр. Осының барлығы мектеп ұжымының белсенділігін арттырып, әлі де тың ізденістерге жетелеп отыр, - дейді мектеп директоры. 
Соңғы жылдары Алматыда физика-математика пәндерін тереңдетіп оқытатын арнаулы екі мектеп ашылды. Ал Әуезов ауданында мұндай мектеп жоқ. Дәл осы жерде №173 гимназияны физика-математика пәндерін тереңдетіп оқытатын арнаулы мектепке айналдыру қажеттігі бірден ойға оралады. Мұның өзі осы пәндерді жан-жақты оқып үйренуге ықыласы зор дарынды балалардың өзге білім ордаларына кетіп қалуына да тоқтау салар еді. 
- Бұл мектепке Білім және ғылым министрі Жансейіт Түймебаев мырза арнайы бас сұғып, ұстаздардың озық тәжірибесімен танысатын, білім ордасын қаладағы ең ірі физика-математика пәнін тереңдетіп оқытатын арнаулы мектепке айналдыру мәселесін шешетін уақыт келді. Биылғы түлектердің түгел оқуға түсу оқиғасын ешбір жерден кездестіре алмайсыз. Ендеше, баянды бастама министрлік тарапынан қолдау табуы тиіс, - дейді ата-аналардың бірі Гүлнәр Жұмабайқызы. 
Расында да, ата-аналардың талап-тілегі өте орынды. Жақында ғана алматылық мектеп түлектерімен кездесуде Білім және ғылым министрі №173 гимназияның 26 баласына «Алтын белгі» тапсырыпты. Мектеп директоры Құрмет грамотасымен марапатталған. Осының бәрі ұжым үшін мақтаныш десек те, аталған мектепке шенеуніктер бұдан да көбірек назар аударатын уақыт келген секілді. Ђзге аудандар озық ұжымдарға, оқушыларға сый-сияпат жасап жатқанда, Әуезов ауданы, қала әкімшілігі, тіпті қалталы азаматтар гимназияның еңбегін ерекше бағалағаны жөн болар еді. Мысалы, қалада білім көшін бастаған гимназия ұжымында бірден-бір мұғалімнің баспаналы болмауын қалай түсіндіресіз? 
Бізді ата-аналардың осындай көкейкесті сауалдары шынында да ойға қалдырды. Мүмкін осы мақаладан соң құзырлы орындар түйінді мәселелерді шешуге мұрындық болып, мектептің «отымен кіріп, күлімен шығып жүргендердің» есіл еңбегін ескерер.
Жолдасбек ДУАНАБАЙ

poseshaite sait 173 na 173.ucoz.kz

Ocenite i ostavliaite fotki!!!!!!!

Vsem privet!A eto pravda chto nashego fizmata netu i chto nasha shkola-fizmat teper' stala obychnoi??? 

RESPECT to ФМГ№173 !!! because this school "ONE OF THE BEST" 
 
 
 

Kak proshel vipusknoi?