Log in
Discussions
Sort: by updates | by date | by rating Show posts: Full text | Headings
OK 00, 01-06-2009 15:29 (link)

Адам қимылынан тану


Адамдардың кейбір әрекеттері мен қимылы оның ойы мен мақсатын да білдіріп қояды:

1. Аяқты айқастырып отыру қорғанысқа көшуді білдіреді. Мұны көбінесе әйелдер жасайды. Және де бұлай отыратындардың көбісі тұйық мінезді келеді. Жалпы осылай отыру әдепке де қайшы.

2. Сұқ саусағын көтеріп сөйлейтіндер жасырын түрде қарсы алдындағы адамға ескерту жасап жатқаны. Тіпті, жаңадан тағайындалған басшы күлімдеп тұрып өз қызметкерлеріне: «Біздер әлі бірге көп жылдар бойы жұмыс істейміз», - деп тұрып, жаңағыдай қимыл жасаса, ол оның: «Аяқтарыңды байқап басыңдар» дегені.

3. Қолдарын айқастырып отыру жағымсыз көрінге-німен, ол мұң шегіп отырғандық. Қолдарын артқа байлап тұру сенімділік және қарсыласын «жекпе-жекке» шақырғандық.

4. Қолмен жақты сипау бір шешім қабылдайын деп жатқандық. Алдыңдағы адам сенің сөзіңді тыңдап отырғанында қолымен жағын сүйеп отырса, қолының бас бармағы жағының астында болса, онда оның сені сынап отырғаны, тіпті қарсы пікірде екендігі. 5. Өтірік айтып тұрғандар бетіңе тура қарамай, екі көзін алып қашады. Ер адамдар өтірік айтқанда көбінесе жағасын ұстап, көйлегінің алқымын кеңейтіп жатады.

Сексендегі шалдың тосын сыйы


Қытайдың 80 жастағы қариясы өзінің кемпіріне айтпастан хирургиялық жолмен жыныс мүшесін ауыстырған. 60 жылға жуық ерлі-зайыптық өмірде түрлі тосын сый жасап жүрсе де күйеуінен мұндайды күтпеген кейуана шалқасынан түсе жаздапты. Ол ол ма, ауруханадан оралған шал кемпіріне бұдан былай өзін «әпке» деп атауын өтінген көрінеді. 
Кемпірі әуелгіде мұны шалының алжығанына жорығанымен, кейін болып, бояуы сіңген істі көргенде сенбеске амалы қалмаған. Мынадай мазаққа шыдамаған Хуан қызымен ақылдасып, ендігі әйел жынысты күйеуінен ажырасуға арыз берген. Сот Қытайдың батыс өлкесіндегі Сычуань қаласында өтеді. Көпшілік соттың Хуанның арызын қанағаттандыратынына сенімді. Тек байғұс кемпір өмірінің соңында көрген мына жайдан әлі есін жия алмай жүрсе керек. Бәрінен бұрын кемпір-шалдың немерелері ендігі уақытта аталарын қалай деп атайтындарын білмей жүр дейді.


Құлағын қолына тігіп алған


Оның есімі – Стеларк. Ол Автралияда тұрса да, «биопанк» стиліндегі суреттері АҚШ пен Жапонияда да танымал. Стеларктың салған суреттері мен іс-әрекеттері адамзаттың қалыптасқан қағидаларын бұзып жарып, өзіндік бір нәрсе ойлап табумен ерекшеленеді. Мәселен, оның соңғы «туындысы» - өз құлағын кесіп алып, қолына орналастырғаны. 
Стеларктың ойынша, Тәңірі жаратқан адам денесі әбден ескірді, тіпті біркелкі құрылымнан шаршап кеткен. Сондықтан да ол өз денесіне өзгеріс енгізу мақсатында құлағын қолына тігіп алған. Әрине, қолға орналасқан құлақ мүлдем естімейді, есесіне көрген адамның зәре-құтын ұшырып, балалардың қызығушылығын тудырады.  
Құлағын қолына орналастыру туралы ой Стеларкқа осыдан бірнеше жыл бұрын келген екен. Адамның сұранысын қанағаттандырып үйренген батыс дәрігерлері құлақтың қолда іріп-шірімей «өмір сүруі» үшін қолдың тамырларына әуелі құлақ түбіндегі тіндерді орналастырған, содан кейін ғана құлақтың «көшіп келуіне» жағдай жасапты. Стеларктың бұл «туындысы» шынында да күллі елдің назарын өзіне аударды. Ал «суретшінің» өзі болса осы саладағы ізденісін әлі де жалғастыра түспек.

Әр елдің заңы басқа...



Айдахо штатында түйенің үстінде отырып балық аулауға болмайды.

Балтимор штатында арыстан ертіп театрға келуге болмайды.

Провиденс қаласында жексенбі күндері бір сатып алушыға тіс шөткесі мен пастасын бірге сатуға тыйым салынған.

Канзаста түн ортасында жаяу жүргіншілер жолды кесіп өтетін болса, міндетті түрде қолдарына жарықтандырғыш құрал ұстап өтуі керек екен. 

Алабамада көзді байлап алып, көлік жүргізуге болмайды.  
Миннесотада тыр жалаңаш ұйықтаған адам түрмеге жабылады. 

Аляскада суретке түсіру мақсатымен аюды ұйқысынан оятуға тыйым салынған.

Оклахомада бөтен біреудің иттерін айтақтауға болмайды, сондай-ақ, итке көрсетілген құрмет ретінде біреудің гамбургерінен тістеп, дәм татуға да қарсы заң бар. 

Иллинойс штатының Юрик қаласында мұртты мырзаларға әйелдерді сүюіне тыйым салынған. Осы штаттың Гейлсбур қаласында көртышқандарды бейсбол құралымен ұрсаңыз, 1000 доллар көлемінде айыппұл саласыз.  

Индианада қазан мен наурыз айлары аралығында ванна қабылдауға қарсы заң шығарылған.  

Алабамада пойыз жолға тұз сеуіп қойған адамды өлім жазасына кеседі. 
Сондай-ақ, осы штатта балмұздақты қалтасына салып жүрген адамға, әйелдердің көзінше түкірінген, шіркеуге жапсырылған мұртпен барған, көшеге бетперде киіп шыққан адамдарға айыппұл салынады.

Небраскада сіздің балаңыз құдайға құлшылық жасау кезінде ықылық ататын болса, жазаға тартыласыз. 


OK 00, 20-01-2009 13:39 (link)

Ғажайып ғалам

Алып жемістер

Үйреншікті ұғымымызда жерден өсетін көкөніс-жеміс біткеннің ең үлкені деп қауын-қарбызды ойлаймыз. Негізінде салмағы мен көлемі жағынан үлкен жеміс – Сейшель аралында өсетін пальманың жаңғағы екен. Оның диаметрі жарты метрге жетіп, 25 кг-ға дейін салмақ қосады. Бір пальма осындай отыз жемістен бере алады. Олардың қабығы өте қатты болады және баяу жетіледі. Гүлденгеннен кейін төртінші жылы ғана көлемі өсіп, пісуіне тағы екі жыл керек екен.
Нанағаш боп аталатын ағаштың жемісі сол ағаштың тура діңгегіне бітеді. Оның 40 кг-ға жететін салмағын ешбір бұта көтеріп тұра алмас еді. Олар көлемі жағынан да Сейшель жаңғағынан ірі. Ұзындығы 90 см, ені 50 см-ге жуық. Нанаағашының жемісінен жергілікті тұрғындар қамыр илеп нан пісіреді.
Дегенмен, ең ірі жемістер ағаш басында емес жерде өседі деген пікір дұрыс. Көкөністің ішіндегі ең ірісі – асқабақ. 1970-жылы Англияда салмағы центнерге жуық 92 кг 750 гр. Асқабақ өсіріліп, көрмеде көрсетіліпті.

Көп сүт беретін ағаш

Бразилияда сүт беретін ағаш бар, ол Амазонка өзенінің жағасында өседі. Жергілікті халық оны «сорвейра» деп атайды, қазақшаға аударғанда «емшек» дегенді білдіреді екен. Сол сорвейра ағашының бір жерін кертіп қалса, одан сүт тәрізді ақ шырын саулап қоя береді. Өзі сүттен сәл қышқылдау. Сондықтан, оны алғаш тағам ретінде пайдалана қоймаған. Кейіннен ботаниктер зерттеп, оның сиыр сүтінен ешбір кем еместігін анықтаған. Халықтың айтуынша, ақ шырынға аздап су қосып пісірсе, сүттен дәмі айнымай қалады екен. Ағашты бір сауғанда 2-4 литрге дейін сүт алуға болады екен.

Ең ұзақ есім

Бұл дүниеде есімнің ұзындығы жөнінен үнділік Брахматмамен таласа қояр пенде табыла қояр ма екен. Оның атының ұзындығы сондай, есте сақтау мүмкін емес. Есімді айту үшін кемінде 10 минут керек. Ол 1478 әріптен тұрады, иесі өзіне өзі қойып алған ат тарихи орындардың, атақты адамдардың, тағы басқа нәрселердің атауларынан біріктіріліп құрастырылған екен. Брахматманың бұрынғы аты да тілге оңай емес екен: Хумананоджасваматашетаргандас.

Адамның асқазанынан шыққан заттар

Асқазаннан шыққан әр түрлі заттардың көптігі жөнінен әлемдік рекорд 1960 жылы АҚШ-та жасалған көрінеді. Сол жолы бір емделушінің асқазанынан 258 ұсақ-түйек затттар шығыпты, соның ішінде: 88 монет, тырнақ қырнайтын 39 егеу, 26 кілт және үш таспиыққа жетерлік ұсақ моншақтар шыққан екен.

Алып ара

Индонезияның қалың ормандарында алып ара тұқымы табылды. Америкалық бір газеттің жазуына қарағанда, араның ұзындығы 5 см. Бір қызығы ол термиттермен бейбіт қатар өмір сүретін көрінеді.

OK 00, 19-01-2009 13:47 (link)

Ескі заттардың кері әсері

Кез-келген ескі заттардың біздің тағдырымзға әсері бар көрінеді және тағдырымызды түбегейлі өзгертіп жіберуі мүмкін екен.
Аргентина халқы 70 адамның өмірін жалмаған бір кресло жайында жиі сөз қылады. Бұл креслоның бұрынғы иесі сол креслоға отыруды ұнатады екен, қанішер кісі болғандықтан, асып өлтірер алдында ол: «кімде-кім осы креслоға отырса, өлім құшсын», - деп қарғаған көрінеді. Оны жұртқа көрсету мақсатында бір қонақүйде тұрыпты. Бұл креслоны көруге жан-жақтан жұрт ағылып келіп жататын көрінеді. Бір австриялық саяхатшы «қарғыс атқан кресло» жөнінде естіп, ондай тылсымның жоқ екеніне сенбей, дәлелдеу үшін сол кресло тұрған қонақүйге келіп тұрып жатады Әлгі креслоға күніне бір рет отырумен болады. Алдындағы кресло иесі балконнан құлап өлген болатын. Соны біле тұра әлгі кісі креслодан тұрған сайын балконға барып, сағаттар бойы тұратын болған. Мұны көрген қонақүй қызметкерлерінің жандары қалмайды. Алайда оған ешнәрсе де болмайды. Тек бір аптадай уақыт өткенде саяхатшы ұшты-күйлі доғалып кетеді. Ертеңіне полицейлер оны біреулер бауыздап кеткен жерінен тауып алады. Оның ең соңғы құрбаны америкалық бір әйел адам болыпты. Ол қызығушылығы оянып, креслоға отырғанда, еш әсер алмағанына таң қалыпты. Бірақ, ол жарты сағат өтпей жатып, жан тапсырыпты. Яғни ол мінген лифтінің тросы үзіліп кетіп, төмен құлапты.
Мұндай заттардың арқадан пышақ тығып немесе у беруге аяқ-қолы жоқ. Сондықтан да ондай «қарғыс атқан» заттар жайында сөз болса, көпшілік сене бермейді. Олардың онысы бекер, себебі жақында ғалымдар Кирлион эффектілі приборының көмегімен, тіпті тастың өзінде адамға әсер ететін энергия барын байқаған. Мұндай энергетикалық қабықша кез-келген затта болатын көрінеді. Ол әсіресе, жек тұлғаның еңбегінде көп болады екен. Егер денсаулығы мықты, ақкөңіл, адал жан жасап шығарған затты қолға алғар болса, адам бойында жеңілдік сезіледі. Ал, егер сапалы, әсем дүние бола тұрып, бірақ көңіліңіз құлазыса онда ондай затты алмағаныңыз жөн екен.
Осы күндері кейбір адамдар коллекция жинаумен айналысады. Жоғарыдағыдай қауіпті заттар да кездесіп қалуы мүмкін. Оның ішінде қарғыс атқан дүниелер де болуы мүмкін. Ондай бола қалған жағдайда, оп-оңай бақытсыздыққа ұшырау ғажап емес. Демек, әлгіндей заттар бір қарағанда қарапайым көрінгенімен, сонымен қатар тілсіз жау болуы мүмкін.
Міне, сондықтан да біреудің ескісін алуға онша құмар болмаған жөн.

Түсінбедім

– Керiктiң (жираф) төлi туған бетте бiр жарым метр биiктiктен құлайды екен.
– Иттiң еркегiнен гөрi қаншықтары көбiрек тiстейтiн көрiнедi.

– Жыл сайын жыланнан гөрi араның шаққанынан адамдар көбiрек өлетiн көрiнедi. 

– Шөлге шыдамды жануар түйе деп жүрсек, одан да төзiмдiсi бар екен. Ол – егеу­құйрық.

– Көртышқан бiр түнде 76 метрқашықтықта туннель қазып тастай алады.

– Ұлуда 25 000 тiс болады.

– Жалқаулар өмiрiнiң 75 пайызын ұйқыда өткiзедi.

– Еуропалықтар алғаш Аустралияға бар­ғанда, секiрiп жүрген аңды көрiп, аборигендерден: «Бұл не аң?» – деп сұрапты.
Аборигендер: «Кенгуру», – деп жауап берiптi. Ал «кенгуру» сөзiнiң мағынасы "Түсінбедім" екен

OK 00, 17-12-2008 11:52 (link)

Құрандағы қайталанатын сөздер

Құранда аталмыш әрбір сөздің қайталануы төмендегідей екен:
Дүние 115 — ақірет 115
Періште 88 — шайтан 88
өмір 145 — өлім 145
Пайда 50 — зиян 50
Адамдар 50 — пайғамбарлар 50
Күн 365, күндер 30, ай 12
өсімдік 26 — ағаш 26
Жаза 117 — кешірім 2х117 = 234
Иман 25 — күпір 25
Жәннат 77 — тозақ (жәһаннам) 77
Зекет 32 — берекет 32
Жақсы 6 — жаман 3
Шарап 6 — мастық 6
Ақыл 49 — нұр 49 (бұл жерде нұр сөзінің тек жалаң түрі)
Мұсибет 75 — шүкірлік 75
Күн (аспандағы) 33 — сәуле 33
Жаз-ыстық 5 - қыс-суық 5
Махаббат 83 - бой сұну 83
Қиындық 114 — сабыр 114
Қайтарылу 28 - шексіздік 28
Тура жол 79 - рақмет 79
Тыныштық 13 - азап 13
Сатқындық 16 - жексұрындық 16
Ер (адам) 23 — әйел 23
Садақа 73 — қанағат 73
Мұхаммед 4 — шәриғат 4
Мүмин 41 — жихад 41
Намаз 5 — Ай 12
Теңіз 32 — жер 13 Енді мына ғажапқа қараңыз:
Жер + теңіз = 13 + 32 = 45
Теңз = 32/45*100 = 71.111111111%
Жер = 13/45*100 = 28.88888889%
Жер + теңіз = 100%

Расында да планетамыздың 71.111%-ін теңіз, 28.888%-ін жер алып жатады. Бұлардың барлығы кездейсоқтық болмас.

mood: Бодрое

OK 00, 17-12-2008 10:37 (link)

Иіс туралы

«Еркек - көзімен ұнатады, әйел – құлағымен ұнатады» деген сөзді жиі естіп жүрміз. Алайда, ғалымдар тартымдылықтың басқа да құпитясын ашуға қол жеткізіпті. Олардың айтуынша, адам тек қана көзімен, құлағымен емес, мұрнымен де жақсы көреді екен. Осы заманғы зерттеу құрал-жабдықтарының нәтижесі арқылы.
Көзбен көру және құлақпен есту арқылы түскен ақпараттарды біз сезіне аламыз. Мұның 4 пайызын адам миындағы торшалар арқылы бақылау жасайды. Ал, қалған 96 пайызын адам иіс сезу арқылы сезеді екен. Аңдар мен жануарлар иіс арқылы бір-бірін бірнеше метр қашықтықтан іздеп табады. Көбелектер иіс арқылы бірнеше километр жерге ұшып барады екен.
Адамдар да өзі ұнатқан ғашығының бойынан табиғи иісті іздейтін көрінеді. Бұл иіс – адам қанында болатын «феромон» деген химиялық зат. Ғалымдар электронды микроскоп арқылы адамның мұрын құрылысында өзгеше мүше барын тауып, ол тек қана ұнату, жақсы көру, немесе керсінше болатын қасиеттерді сезеді екен. Мұндай иіс сезетін имундық жүйе барлық адамдарға тән. Ал әр адамның өзіне тән иісі болады, тіпті туысқан адамдардың иісі де бір-біріне ұқсас келеді.
Еркек пен әйел адамдар арасындағы иіс бір-біріне сәйкес келмесе, ұнамаса, онда ажырасу қауіпі бар. Яғни, олардың мінездері де сай келмеуі сондықтан екен. Адамның табиғи иісі олардың бір-бірін таңдауда қателік жасамауға жәрдем береді.
Қазіргі уақытта теледидардан неше түрлі иіс сулар мен дезодоранттарды жарнамалап жатыр, сол арқылы адамдарды қызықтырып, оларды табиғи иісінен айырып, жасанды етіп қойды. Сондықтан да Англияда қазір еркектер қауымы әйелдердің дезодорант пайдалануына қарсы шығып жатыр. Дезодорант – адамның табиғи иісін жойып, сол себепті де жар таңдауда дұрыс шешім жасауға зияны тиетінін айтуда.
Демек, түрлі иіс сулар мен әлгіндей дезодоранттарға қызығып, өзіңіздің табиғи иісіңізді жоғалтып алмаңыз – деп, кеңес береді мамандар.

mood: Бодрое

OK 00, 04-12-2008 20:58 (link)

Жанбыр суының ерекшеліктері


Жаңбыр кезінде бойыңызға пайдалы энергия жиғыңыз келсе, онда сұқ саусағыңыз бен бас бармағыңызды уқалаған жөн. Ал, егер жауын-шашыннан кейін өзіңізді үнемі нашар сезінетін болсаңыз, онда ішкі ағзаңызды оған қарсы қоюға болады. Ол үшін ер адам сол қолының, әйел адам оң қолының шынашағын уқалау керек. Халық емшілері жаңбыр суын емдік дәрілер жасау үшін қолданған. Ондай дәрілер әйел затын ажарлы да жас қылып көрсетеді екен.
Мамандардың пікірінше мына сағаттар аралығында алынған жаңбыр сулардың ерекшеліктері:
• 6-7 сағат аралығында алынған жаңбыр суы – жұмыста сәттілік әкеледі.
• 7-8 сағат аралығында алынған жаңбыр суы – бас ауруына ем.
• 8-9 сағат аралығында алынған жаңбыр суы – ми қабілетін арттырады.
• 9-10 сағат аралығындағы су – қайғы-қасіреттен арылтады.
• 10-11 сағат аралығындағы су – жүрекке күш беріп, шығармашылықты арттырады.
• 11-12 сағат аралығындағы су – көңілге қуаныш сыйлап, жайландырады.
• 12-13 сағат аралығындағы су – тіл-көзден сақтап, өкпе-назды азайтады.
• 13-14 сағат аралығындағы су – адамның қасиетін оятып, көріпкелдікті күшейтеді.
• 14-15 сағат аралығындағы су – ашушаңдықты басып, сабырға шақырады.
• 15-16 сағат аралығындағы су – адамды жаңа қырынан танытады.
• 16-17 сағат аралығындағы су – ұрсып қалған адаммен достасуға қолайлы.
• 17-18 сағат аралығындағы су – отбасын сақтап, қиындықтан жеңіп шығуға
көмектеседі.
Кемпірқосақ шыққан кезде алынған сумен денедегі жарақатты, жүрек ауруын, белді жазып емдеуге болады. Кемпірқосақ шыққан кездегі жаңбыр суы магиялық жағынан ең күшті болып келеді. Кемпірқосақ сан түрлі болғандықтан, онда ол суда неше түрлі магиялық энергия сақталады. Ол суды түрлі мақсаттарға қолдануға болады.
Егер жалғыздықтан шаршап жүрсеңіз, мына жоралғыны жасап көріңіз:
Жаңбыр суы тікелей ыдысқа тамшылауы керек. Алынған суды өзіңіз жататын кереуеттің төрт бұрышына бірнеше ғана тамшысын шашу керек. Ыдыстағы қалған суды алып, кереуеттіғң ортасына отырып: «осы бір таза, әрі тәтті жаңбыр суы арқылы менің жалғыздығымды бөлісетін жанды беруіңізді сұраймын» деп, қалған суды өзі буланып кеткенше, ашық қалдыру керек. Міне, табиғат құбылысы жаңбырдың біз білмейтін осындай қасиеттері жетерлік екен.

mood: Любознательное
want: Жанбыр
listening to: Ак жауын

OK 00, 23-11-2008 13:07 (link)

Адам организміне қатысты мәліметтер


Күнделікті сүйретіп жүрген ағзамызда біз білмейтін кейбір жайлар бар екен:

1. Тұмау індетінен 1918-1919 жылдары АҚШ пен Еуропа елдерінде 20 миллионнан астам адам өлген.

2. Күніне бір қорап темекі шегетін адам, жылына жарты кесе қарамай ішкенмен бәрдей зиян шегеді.

3. Адам түзу сызық сыза алатын жалғыз тіршілік иесі.

4. Бар өмірінде адам басындағы шашы 725 километрге дейін өседі.

5. Адам күлгенде 17 бұлшық еті қимылдайды.

6. Адам ДНК-сында 80 000-дай ген болады.

7. Адамның әр саусағы бүкіл өмір бойы шамамен 25 миллион рет бүгіледі.

8. Адам жүрегінің көлемі оның жұдырығындай болады.

9. Адам ағзасында өмір сүретін бактериялардың жалпы салмағы 2 кг болады.

10. Адам миында бір секундта 100 000 химиялық реакция өтеді.

11. Адам миында туғанынан 14 миллиардтай жасуша болады және өлгенінше ол көбеймейді. Керісінше, 25 жастан кейін күніне 100 мыңға азайып отырады. Кітап, газет оқуға кеткен әр минутта шамамен 70 жасуша өліп отырады.

12. Еркектер әйелдерге қарағанда 40 пайыздай артық терлейді.

13. Ересек адам күніне шамамен 23 000 рет дем алады (шығарады).

14. Бар өмірінде әйел адам организмі 7 миллион жұмыртқа жасушасын шығарады

15. Адам көзі 10 000 000 түрлі түсті ажыратуға қабілетті

16. Адам аузында 40 000 дай бактерия болады

17. Көзді ашып түшкіру мүмкін емес

18. Әйелдер көздерін еркектерге қарағанда 2 есе көп жыпылықтатады.

19. Еркек организміндегі ең ұсақ жасуша сперма жасушалары.

20. Адам организміндегі ең мықты бұлшық ет – тіл.

21. Дүниеге келген сәбидің денесінде 300 сүйек болады, үлкейгенде оның тек 206 ғана қалады.

22. Адам денесінде 7 кесек сабын шығаруға жететіндей май болады.

23. Адам денесіндегі жүйке тербелісі секундына 90 метр шапшаңдықпен ауысып отырады.

24. 36 800 000 – бір жыл ішіндегі адамдағы жүрек соғу саны

25. Қолдағы тырнақ аяқтағымен салыстырғанда 4 есе жылдам шығады.

26. Бар өмірінде адам терісі 1000 рет ауысады.

27. Ересек адам денесінде 75 км (!) жүйке талшығы бар.

28. Адам сүйегінің 50 пайызын су құрайды.


OK 00, 23-11-2008 13:02 (link)

Естімеген елде көп

1. Үндістанда жылына 300 миллион фильм билеті сатылады
2. АҚШта интернет қолдану 69%, ал Үндістанда 5.5%
3. Әлемдегі ең күшті зілзала 1557 жылы Қытайда болған. Оның салдарынан 830,000 адам қайтыс болған.
4. АҚШ азаматтарының 8.3%-i Азиялықтар
5. Күн сәулесі жер бетіне 8 минут 3 секундта келіп жетеді
6. Ер адам күніне орта есеппен 4850 сөз сөйлейді
7. Леонардо да Винчи бір қолымен жазып отырып, екінші қолымен сурет сала алатын
8. Металдың тапшылығынан Дүние Жүзілік ІІ соғыс
кезіндегі Оскар сыйлықтары ағаштан жасалған
9. Адам демін қысып, өзін-өзі өлтіре алмайды
10. Әлемдегі ең көп қолданылатын есім "Мұхаммед"
11. Бас бармақтың тырнағы ең баяу, ал ортаңғы саусақтың тырнағы ең жылдам өседі
12. Бас шайқау Үндістан мен Шри Ланкада "иә" дегенді білдіреді
13. Мона Лизаның қасы жоқ
14. Бармақ ізі сияқты, тілдің ізі де ешқашан қайталанбайды
15. Қытайда ағылшынша сөйлейтін адамның саны
АҚШтағыдан көп
16. Кока коланың алғашқы түсі жасыл болған
17. Ер адамдардың көзі өткір, ал әйел адамдардың құлағы сақ болады
18. Доңыз әуеге қарай алмайды
19. 111,111,111 x 111,111,111 = 12,345,678,987,654,321
20. Брюьс Ли өте жылдам болғандықтан, оның қозғалысын анық көрсету үшін киноларында баяулатқан. Ал керісінше басқа актерлердің қозғалысын жылдамдатып көрсеткен.

OK 00, 23-11-2008 12:58 (link)

Шаш жөнінде

Қысқа шаш пен ұзын шаштың артықшылықтары

Қысқа шаштың артықшылығы:

1) Шампунь, бальзам көпке жетеді;

2) Бір тюбик краска екі-үш рет бояғанға жарайды;

3) Прическа жасау арзан, оны өзің-ақ жасай аласың;

4) Ештеңкеге ілініп қалмайды, жұлынбайды;

5) Соңғы ағынға сай шашүлгісін өзгерте бересің;

6) Тарағанда қиналмайсың;

7) «Қияйыншы!...» деп ата-анаңа жалынбайсың;

8) Шаштың жұқалығы байқалмайды;

9) Өз жасыңнан үлкен болып көрінесің;

10) Су шашты желдеткішпен кептіруге 10 минуттан артық керек емес.

Ұзын шаштың артықшылығы:

1) Ыстықтасың түйіп аласың;

2) Қыста жылы;

3) Көзіңе кекіл түспейді;

4) «Шашым айғайлап тұр» дегеннің саған қатысы жоқ;

5) Шаш өрудің түр-түрін білесің;

6) Тез кірлемейді;

7) Жігіт көзіне тез түсесің;

8) Жайып адам қорқытасың, жинап сүйсіндіресің;

9) Шаштаразға жылына 2 рет барасың;

10) Укладка жасап әуре болмайсың, буасың, жаясың, түйесің, бұйралайсың, өресің және т.б.

11) Бір заколкадан артық керек емес;

12) Түскен шашыңды санай аласың;

13) Қазақ қызына сай боласың;

14) Ұзын шаш модадан ЕШҚАШАН қалмайды.

Таңдау өздеріңізде, қыздар, ұзын шашты қияр алдында ойланыңыздар!

 

Аскар Акипов, 20-11-2008 13:32 (link)

олім жазасы кай елде калай колданылады?

- ерініѕ кґзіне шґп салєан јйелдерге (Иранда, ЌХДР-да, Мавританияда, Біріккен Араб Эмиратында, Сауд Арабиясында, Суданда)
- ресми ќўжаттарды ќолдан жасаєандарєа (иракта)
- гомосексуалистерге (Иран, Мавритания)
- порнографиялыќ материалдарды басып шыєарєандарєа немесе кґрсеткендерге, жалдаптарєа, жезґкшелер їйлерін ўстаушыларєа (Ќытайда)
- мемлекет мїлкін талан-таражєа салєандарєа (Сомалида)
- ґрт ќоюшыларєа (Марокко мен Батыс Сахарада)
- жалєан аќша жасаушыларєа (Албанияда)
- астыртын алыпсатарларєа (Мозамбикте)
- ќатты зардаптарєа соќтырєан ауа мен суды ластаушыларєа (Йемен Халыќ-Демократиялыќ Республикасында)
- Мўхаммед пайєамбардыѕ атына єайбат сґз айтќандарєа (Пакистанда)
- Кісі ґліміне соќтырєан кґзбояушылыќ жасаєандарєа (Руанданда)
- Жезґкшелікке салынєандарєа, «жер бетінде абыройсыз ґмір кешкендерге», Ќўдайєа ќарсыларєа, Рамазан айы кезінде кїндізгі уаќытта тґрт рет тамаќ, су ішіп, темекі шеккендерге, ішімдік ішкендерге (Иранда)

OK 00, 17-11-2008 13:00 (link)

No title

Асылзат, ашқан блогың құтты болсын, ұзағынан болсын! Құтты болсын айта келгесін, құр қол келмейін деп, шашуыммен келіп отырғаным.
А т а у л а р ы  Ө л ш е м д е р :
Үлкен материкЕуразия -54,9 млн. км2
Кіші материкАустралия- 9 млн. км2
Ылғалды материкОңтүстік Америка- 18,3 млн. км2
Ылғалды жерЧерапунджи (Үндістан),Гавай аралдары (Тынық мұхиты)- 11 680 мм
Ылғалсыз жерАрабия түбегінің оңтүстігінде (Еуразия) - 10-15 мм
Суық материкАнтарктида- 14 млн. км2
Суық жерВосток станциясы (Антарктида)- 89,2 градус
Ірі материктік мұздақАнтарктида жағалауы- 12 000 000 км2
Ыстық материкАфрика- 30,3 млн. км2
Ыстық жерӘл-Азизия қаласы (Африка,Сахара) + 58 градус
Үлкен шөлСахара (Африка) -7 млн. км2
Үлкен аралГренландия (Солтүстік Америка) - 2 175 600 км2
Ірі архипелагКанада-Арктика
(Солтүстік Америка)- 1 335 500 км2
Үлкен теңізФилиппин (Еуразия)- 5 726 000 км2
Үлкен түбекАрабия (Еуразия) - 3 млн. км2
Ұзын тау жүйесіАнд (Оңтүстік Америка)- 9 000 км
Биік шыңДжомолунгма (Эверест) -8 848 м
Биік сөнбеген жанартауЛьюльяйльяко (Анд тауы) - 6 723 м
Биік әрекетті жанартауКилиманджара (Африка)- 5 895 м
Терең ойысГхор (Өлі теңіз)- 405 м
Ұзын үңгірФлинт - Мамонт (АҚШ)- 530 км
Үлкен мұхитТынық- 178 620 000 млн. км2
Терең шұңғымаМариан (Тынық мұхиты)- 11 022 м
Тайыз жерДоггер-Байка қайраңы (Еуразия)- 13 м
Ұзын мұхиттық ағысБатыс желдер (Тынық мұхиты, Атлант мұхит, Үнді мұхиты)- 30 000 км
Үлкен шығанақБенгал (Үнді мұхиты) -2 172 000 км2
Ұзын бұғазМозамбик (Үнді мұхиты)- 1 670 км
Енді бұғазДрейк (Тынық, Атлант мұхиттары)- 950 км
Ұзын өзенНіл (Кагера саласымен) (Африка) -6 671 м
Ірі өзен алабыАмазонка (Оңтүстік Америка)- 7 180 000 км2
Ірі көлКаспий (Еуразия)- 396 000 км2
Тұзды теңізҚызыл теңіз (Еуразия) - 41 ‰
Терең көлБайкал (Еуразия)- 1 637 м
Биік сарқырамаАнхель (Оңтүстік Америка)- 1 054 м
Күшті жел - Адели (Антарктида)- 87 м/с
Биік құйылдарФанди шығанағы
(Солтүстік Америка) - 18 м
Үлкен айсбергТынық мұхитының түстік бөлігі - 32495 км2

Tags: Атаулы өлшемдер

No title

Ең қымбат деликатес?
Бұл - құртпа балықтың ақ уылдырығы. Оны 100 жыл жасаған балықтан алады. Неғұрлым балықтың жасы үлкен болса, соғұрлым уылдырықтың дәмі тәтті болады деп саналады. Бұл қымбат тағамның бөлшектеп өлшеуімен әлемде бір ғана ирандық House Almas фирмасы айналысады. Деликатес 998 сынамалы алтыннан жасалған банкада сатылады. Бір киллограммға бағасы 23 000$ тұрады екен.

Әлемдегі ең "сусыз" мемлекет?
Таяу шығыста, дәлірек айтсақ, Сауд Арабиясы. Бұл елде мұнай көп болғанымен, бір де бір өзен жоқ.

Қай жерде қар фантастика болып саналады?
Сахара шөлінде. Бұл жерге қар бір-ақ рет - 1979 жылдың 18 ақпанында ғана жауған.

Әлемдегі ең танымал кітап?
Қалай айтқанда да ең танымал болып Гиннес рекордтар кітабы есептеледі. Бұл кітап кітапханаларда ең көп оқылатындардың бірі болып саналады екен. Одан кейін Толкиеннің "Властелин колец" кітабы болса, жүлделі үшінші орын - Пауло Коэльоның "Алхимигінде".

Адамның өмір бойы өсуін тоқтатпайтын дене мүшесі бар ма?
Антропологтардың зерттеуінше адам ағзасы 25 жасқа дейін толық жетіліп бітеді. Тек қана мұрын физикалық өлімге дейін жайлап өсе береді екен.

Tags: кызыкты

Президенттер жайлы қызықтар

117 жылы Үндістанға жорыққа шыққан жерніде Рим императоры Траян қайтыс болды. «Қарадан шығып хан болған» (асырп алынған бала) император. Халықтың әл-ауқатына көп көңіл бөліп, салық саясатын жетілдірген, хал-күйі нашарларға қарасатын қор құрған. Сол кездің өзінде алиментті (тауқымет) енгізген.

*** 

Корея халқының ұлы көсемі Ким Чен Ир өзінің Солтүстік Корея қоғамының түрлі саласындағы тамаша табыстарымен қатар, тағы бір жетістігімен – ғаламат есте сақтау қабілетімен ерекшеленеді.  «Guardian» газетінің жазғанына қарағанда, Корея басшысы КХДР әскері қатарындағы кез келген солдаттың аты-жөнін атап бере алады екен.

Ким Чен Ирдің ерекше қабілет-қарымын кез келген телефон нөмірін кез келген уақыт жаңылыспай айтып бере алатыны да анық аңғартқандай. Мысал үшін келтірсек, бір үкімет мүшелерімен кездескен кезде Ким Чен Ир жиналғандарды олардың телефон нөмірлерін найзағайдың жарқылы іспетті жылдамдықпен тақ-тақ етіп айытп беруімен естерінен тандырыпты.

***

1221 жылы 24 қарашада хорезмшах Жалел әд-Дин (хорезмшах Мұхаммед ибн Текештің үлкен ұлы) Инд өзенінің жағасында моңғол әскерімен шешуші  шайқасқа шықты. Шыңғыс ханның қолын ықтырғанымен, өзінің қолы да быт-шыт болған жалел әд-Дин қолға түспеу үшін әйелін, шешесін, балаларын құздан құлатып жіберіп, артынша өзі де ат-матымен суға секірген. Онымен бірге 4 мың адам құтылған. Жауының қайсарлығына, батырлығына сүйсінген Шыңғыс хан Жалел әд-Дин қолын қуудан бас тартқан.

*** 

1977 жылы 4 желтоқсанда Оңтүстік Африка Республикасының президенті Жан Б. Бокассаны ұлықтау рәсімі өткізілді. Оның таққа отырып, тәж икю салтанатына (коронация) 50 миллион марка жұмсалды. Бұл ақша елдің жылдық бюджетінің үштен біріне жуықтайтын.

*** 

1610 жылы аңға шыққан жерінде Жалған патша Дмитрийді (Лжедмитрий ІІ) оның күзет бастығы Петр Урусов  өлтіріп, басын кесіп алды. Петр – Ораз Мұхамедтің досы. Лжедмитрий Ораз Мұхамедті опасыздықпен өлтірген болатын.

*** 

1747 жылы 12 желтоқсанда Кастилия королі Генрих ІҮ қайтыс болғаннан кейін таққа талас басталып, ол талас азамат соғысына ұласып кетті. Кастилия королдігіндегі билік таласы 1479 жылға дейін созылды.

*** 

1906 жылы 19 желтоқсанда СССР-ді он сегіз жыл бойы басқарған саяси қайраткер Леонод Ильич Брежнев дүниеге келді. Совет Одағы батырын бес мәрте алған (бәрін де бейбіт заманда).

***

54 жылы Калилуладан кейін Римді билеп тұрған император Клавдийді өзінің әйелі Агриппигна уланған саңырауқұлақ беріп өлтірді. Сол күні император тағына Нерон отырды. Бұл бір барып тұрған қаскөй болып шықты. Қаскөйлігі сондай, Нерон 59 жылы өзінің анасын өлтіруге бұйрық берген. 64 жылы Рим қаласын түгелдей өртеп жіберген.

***

1967 жылы 26 қазанда Иранды 26 жылдан бері билеп келе жатқан 48 жастағы Мұхаммед Реза Пехлевиге тәж кигізу рәсімі өткізілді. Осыған орай елде жеті күндік мереке жарияланды. Шах резиденциясынан тарихи Гүлістан сарайына дейінгі аралықтағы 17 шақырым жолдың екі жиегіне 15 мың солдат тізіліп қойылды.

*** 

1941 жылы 31 қазанда Рашмор тауында АҚШ-тың ұлттық мемориалы салынып бітті. Мемориалда АҚШ-тың төрт президентінің тау гранитінен қашалып жасалған бас мүсіндері бейнеленген. Олардың әрқайсысы ел өміріндегі ең белесті кезеңдердің (Джордж Вашингтон – дүниеге келудің, Томас Джеферсон – ақыл-ойдың, Авраам Линкольн – бірліктің, Теодор Рузвельт - өрлеудің) баламалы бейнелері ретінде орнатылған. Әр бастың биіктігі – 18 метр. Мемориал 14 жылда салынған.

***

1960 жылы 29 қыркүйекте Біріккен Ұлтар Ұйымының Бас Ассамблеясының мәжілісі кезінде Ұлыбританияның премьер-министрі Гарольд Макмиллан мінберде сөйлеп тұрғанда СССР басшысы Н.С. Хрущев оның сөзіне келіспейтінінің белгісі ретінде туфлиін қолына алып, үстелді тоқпақтай бастады... БҰҰ-да ғана емес, жалпы халықаралық қарым-қатынастар тарихында болып көрмеген сорақылық. Макмиллан да сабырлы сабаз екен, сөзін тоқтатып, жайлап қана: «Президент мырза, маған осы айтқаныңызды аударып бермес пе екен, сөзіңізге онша түсінбей тұрмын» деген.

***

1921 жылы Канаданың Кампобелло аралында демалып жатқан Делано Рузвельттің аяғы полиомелит ауруынан біржола семіп қалды. Алайда, көп ұзамай, қайран қаларлықтай ерік-жігерінің арқасында, әйелі Элеанордың көмегімен Рузвельт қоғамдық қызметке қайта оралып, тамаша табыстарға жетті. 1932  жылы ел президенті болып сайланды. Рузвельт – АҚШ президенті қызметін қатарынан төрт мерзім атқарған жалғыз адам. Экономикалық  дағдарыстан шығу мақсатымен американдықтар кезінде Конституцияға қайшы келетін осындай қадамға да барған.

*** 

1952 жылы 11 тамызда Иордания парламенті ел королі Талалды ем қонбайтын қояншық («хроническая шизофрения») деп тауып, тақтан тайдырды. Тақ оның Англияда оқып жүрген ұлы Хұсейінге тиді.

***

1984 жылы 11 тамызда АҚШ президенті Рональд Рейган Санта-Барбара қаласындағы баспасөз мәслихатында Совет Одағына әуеден бір шабуыл жасап тастауға да болар еді деген «әзіл» айтып, әлемді айран-асыр қалдырды.

***

1928 жылы 7 шілдеде Мексиканың жаңа ғана сайланған президенті Альваро Обрегон қызметіне кіріспей жатып атып өлтірілді.

*** 

64 жылы 18 шілдеде «Мәңгілік қала» Рим түгелге жуық өртеніп кетті. Өрт үш күнге созылған, қаладағы он төрт ауданның он ауданындағы ағаш үйлерден түк қалмаған. Осы өртке император Нерон себепкер болды деген жорамал бар. Өрт кезінде лира тартып,  өлең оқып тұрғаны – тарихи факт. Ондағы ойы негізінен ағаштан салынған қаланың орнына тастан өрілген қала тұрғызу болған сияқты.

***

1762 жылы  шілдеде Россия сарай төңкерісі жүзеге асты. Бір топ ұлан офицерлеріне арқа сүйеген Екатерина ІІ өзінің күйеуі Петр ІІІ-ні тақтан түсіріп, орнына император болды. Онымен де қоймай, бірнеше күннен кейін бұрынғы императорды өлтіртіп тастады.

***

1559 жылы 10 шілдеде Франция королі Ггенрих ІІ ат сайыс жекпе-жегі (турнир) кезінде қаза тапты. Осы оқиғадан кейін турнирлер өткізуге тыйым салынды. Шріеку мұны сонау он екінші ғасырдан бері талап етіп келе жатқан болатын.

***

Майами қаласында Панаманың бұрынғы президенті генерал Норьеге есірткі бизнесіне қатысқаны үшін 40 жыл абақтыға кесілген.

***

1849 жылы Авраам Линкольн қалқымалы доктың (кеме) конструциясын жасағаны үшін 6469 нөмірлі патент алды. АҚШ президенттерінің арасында, тіпті жалпы президенттер арасында өнертапқыштығы үшін куәлік алған жалғыз кісі болуы мүмкін.

***

1819 жылы 24 мамырда Ұлыбритания кокролевасы Виктория дүниеге келді. Бүкіл Еуропадағы билік басындағылардың бәрімен дерлік құда-құдандалы болып кеткен адам. Бір немересі – Россияның соңғы императоры Николай ІІ-нің әйелі Александра Федоровна.

***

1961 жылы 25 мамырда АҚШ президенті Джон Кеннеди алдағы он жылдықтың аяғына дейін Ай бетіне адам қондыру ұлттың абыройына сын болатын міндет деп жариялады.

***

1805 жылы 26 мамырда Миланның кафедральды соборында Напалеон І Италия королі ретінде тәж киді. Бұған дейін ол Итальян Республикасының президенті болатын.

***

1682 жылы 29 мамырда қайтыс болған орыс патшасы Алексей Михиловичтің қызы Софья Алексеевна өзінің туған бауыры Иван ІҮ мен немере інісі Петр І-ге ортақ регентша  етіп тағайындалды. «Бірінші патша» лауазымы Иванға берілген болатын. Алайда 1689 жылы, кәмелет жасына толысымен Петр әпкесін Новодевичье монастырына қаматып тастап, билікті тартып алған.

***

 1608 жылы 1 маусымда Россияда тағы бір жалған патша – Лжедмитрий ІІ деген шықты. Ол өзін кезінде «Смутада» өлмей қалған Дмитрий патшамын (Лжедмитрий) деп жариялаған. Поляктардың көмегімен Мәскеуге дейін жетіп, Тушино селосының түбіне қосын тігіп, астананы алуға әрекет еткен.  Тарихи әдебиетте «Тушино ұрысы» (Тушинский вор) делінетіні сондықтан Кейін Калугаға қарай қашып шыққан жерінде ұсталып, өлтірілді. Аты-жөні ақыры анықталмай қалған. Алғашқы жалған патша Лжедмитрий І – Г.Отрепьев деген біреу еді.

*** 

1806 жылы Напалеон І өзінің інісі Луи (Людовик) Бонопартты Голландияның королі етіп бекітті. Жалпы, Напалеон іні-қарындастарына Еуропа елдерін билетіп шығаруды, солар арқылы ықпалын жүргізуді ойластырған. Мысалы, Жозеф – Испания королі, Элиза – Тосканияның ұлы герцогиниясы, Королина – Неаполь кокролевасы, Жером – Вестваль королі болған.

***

1502 жылы 7 маусымда Рим папасы Григорий ХІІІ дүниеге келеді. Тарихта жаңа күнтізбені енгізу арқылы қалған тұлға. Қазіргі күнтізбенің аты қазақша кей басылымдарда «григориан күнтізбесі» деп жазылатыны – орысша жалғауына («григорианский») қарап жіберлген жаңсақтық. Дұрысы – Григорий күнтізбесі.

***

68 жылы 9 маусымда Рим императоры Нерон (Луций Домиций Агенобарб) өзін өзі өлтірді. Неронның өлімімен Юлий-Клавдий әулеті үзілді. Нерон - әлем тарихындағы ең қанқұйлы қылмыскердің бірі: 54 жылы император Клавдийді өлтіріп, билік басына келген ол 59 жылы өзінің туған анасын өлтірткен. Қандықол императордың өмірі жайында «Парасат» журналында (1996 жыл, №4) жазылған.

***

1886 жылы дәрігерлер консилиумы Бавария королі Людовик ІІ-нің денсаулық жағдайына қарап, кокрольдің есі ауысқан деп тапты. Шынында да, король үш күннен кейін көлге барып, суға батып кеткен.

***

1964 жылы 11 мауысмда мұнан бұрын бес жылға кесілген Нельсон Мандела жаңа жаламен қайтадан сотталып, ол бұл жолы қалған өмірін абақтыда өткізуге жазаланды. Сол отырғаннан 28 жыл отырып, 1990 жылдың ақпанында ғана босатылды. Кейін өзін сонша жылға соттан елдің президенті болды. Нобель сыйлығын алды.

***

Б.д.д. 323 – Вавилон қаласында, жасы отыз үшке де толмаған шағында, жаңа жорыққа дайындық  кезінде Ұлы Александр (Александр Македонский, қазақ арасында Ескендір Зұлқарнайын деп деп айтылады) безгек ауруынан қайтыс болды. Кейбір тарихшылар ұлы қолбасшыға у берілген деп санайды. 329 жылы Яқсарт өзенінен (қазіргі Сырдариядан) өтпек болған кезінде сақ жебесі тиіп, жараланған.

***

1722 жылы 16 маусымда ағылшынның атақты қолбасшысы, генерал-фельдцейхмейстер, герцог Джон Черчилль Мальборо қайтыс болды. Уинстон Черчильдің арғы атасы. У.Черчиль алты томдық «Мальборо» романы үшін 1953 жылы әдебиет саласындағы Нобель сыйлығын алған. Кезінде «Мальборо» темекісінің ерекше танымал болып кеткенінің бір сыры – Черчиль аузынан түспегендігі.

***

Ағылшындардың атақты мемлекет қайтаркері әрі премьер-министрі Черчильдің 24 сағат бойы аузынан тастамайтын үлкен мүштегі болған. Әуеде, жерде, теңізде, тіпті ұйықтап жатқан кезде де аузынан тастамайды екен. Ол туралы жарияланбаған естеліктерді бөлме қызметшісі Лоролей өз ұлына аманат еткен. Лоролейдің ұлы былай дейді: «Әкем Черчильге қатысты көп естелікті жасырып келіпті, сүйіспеншілігінен емес әрине. Алайда мен бұларды жариялауды жөн көрдім. Мысалы, Черчильдің үстіне темекі исінің сіңгендігі соншалықты, мүңкіген иістен оның жанында тұру мүмкін емес-ті. Премьер-министр айына бір-ақ рет суға түсетін болған. Король мен ханшаның қабылдауында болатын күні суға түсуге мәжбүр болғандықтан, сұмдық ашуланады екен. Мұндай күндер қызметшілер үшін де азапқа толы болыпты.»

***

1722 жылы Петр І сақалға салық салды. Сақал жібергендер жылына 50 рубль төлейтін болды.

***

1921 жылы король Фердинанд ІІ чех көтерілісінің 27 басшысын дарға астырған. Олардың 12-нің кесілген бастарын жұртты қорқыту үшін Волтава өзеніндегі көпірге іліп қойған.

***

Әркімнің өзіне тән өзгеше қылықтары бар.  Ал ұлы адамдар бұл жағынан таңқаларлық. Мәселен І Петр кәдімгі таракандардан өте қатты қорыққан. Князь Тотемкин дәріні ұнатпағандықтан, оған дәрігерлер жас балаға жасайтын қулықпен дәрі-дәрмекті жасырын ғана тамағына араластырып берген. Сондай-ақ, ол тырнақтан жиіркеніп, күн сайын алдырып отырған.

Атышулы билеушілер

Адамның қандай екенін тану үшін, оның қолына портфель, астына тақ беру керек деген сөз бар. Санасыз адамдар алда-жалда билік тағына отыра қалса, есіріп кететіні соншалық, дүниені астан-кестеңін шығарады. Оны біз тарихтан білеміз.

Мысалы, 1722 жылы І Петр сақалға салық салған. Билеушінің әмірімен сақал жібергендер жылына 50 рубль төлейтін болып белгіленеді. Қазір күлкілі болғанымен, кезінде қаба сақал орыс тамырлар үшін бұл үлкен проблема болған шығар. Ал «атың шықпаса, жер өрте» деген мәтелі мына оқиғаға байланыстырылып айтылғандай. Римді «мәңгілік қала» атауымыз дұрыс па осы? Өйткені кезінде көрікті қала күлге айналған ғой. Иә, Рим түгелге жуық өртеніп кетті. Өрт үш күн бойы тоқтамай, қаладағы он төрт ауданның онын от құшқан. Осы өртке император Нерон себепкер болған деген сөз бар. Өрт кезінде ол лира тартып, өлең оқып тұрған дейді. Ондағы ойы ағаштан салынған қаланың орнына тастан өрілген қала тұрғызу болған.

Еріккен билеуші жаңадан қала саламын деп қаншама халықтың көз жасын арқалаған.

Атышулы қанішер билеушілер де болыпты тарихта. Екі елдің қаншама адамы соғыссыз-ақ осындай қанішерлердің кесірінен опат болып кеткен. 1404 жылы барон Жиль де Ре дүниеге келген. Халық аңыздарында Көк сақалды герцог атанып кеткен барон онан да тумай-ақ қойғаны жақсы еді. Өйткені көзін шел басқан көк сақалды герцог қаншама сәбидің «қанын ішкен». Дәлірек айтақнда, нәрсетенің қанынан алтын шығады дегенге сеніп, 600 баланы өлтірген. Тарихта бұдан өткен қаныпезерлік жоқ шығар.

1921 жылы король Фердинад ІІ чех көтерілісінің 27 басшысын дарға астырған. Олардың он екісінің кесілген басын жұртты қорқыту үшін Валтава өзеніндегі көпірге іліп қойған. Айта берсе, осы сияқты сұмдық оқиғалар көптеп кездеседі.

Қатерлі сандар

Қазақта «қасиетті сандар» деген ұғым бар. Наным-сенімдерге орай тақ сандарды тәуір көреміз. Мысалы, үш, жеті, тоғыз... жиырма бір. Осы сандармен байланыстырылып айтылған мақал-мәтелдерді, нақыл-өсиеттерді әлі күнге басты қағида санаймыз. Бір жақсысы, қазақта «жаман сан», «қатерлі сандар» деген ұғым жоқ. Қазақ не айтса да жақсыға жорып айтады.

Ал, қытайлықтар төрт санынан қорқады. Мәселен, қазір Шанхай көшелерінде нөмір белгісінде «үрейлі» 4 саны бар көліктердің жүруіне тыйым салынған. Сынақ тапсыратын студенттер емтиханда «4» деген баға алғаннан гөрі, «құлап қалғанды» тәуір көреді екен. Өйткені төрт алған студенттің әрі қарай да жолы болмайды деген сенім қалыптасқан.

Ал енді христиандарда 13 санын жек көрмек түгілі, орта ғасырларда бұл санды дауыстап айтуға тыйым салған. Аңыз бойынша осы күні жын-періге он үшінші болып шайтанның өзі қатысады-мыс.

Әр айдың он үші күні капитандар болсын, теңіз қарақшылары болсын сапарға шықпаған. 13-ші нөмірлі ұшақ та жоқ, бір де бір кемеде мұндай нөмірлі каюта болмайды.

Американың көп қабатты ғимараттарында 12-ші қабаттан кейін бірден 14-ші қабат келеді.

Сондай-ақ, американдықтар осы ырымды коммерциялық негізде пайдаланып, «Нью-Йорктегі ырымшылдар қоғамы» тиісті ақыға 13 саны жоқ күнтізбе шығаратын болған. Бір қызығы, қоғамның президенті болып неміс сазгері Рихард Вагнер тағайындалған. Ол 1813 жылы туған, 13 жасында музыкалық училищені бітірген, 13 опера жазған, тіпті латынша жазғанша аты-жөніде 13 әріптен тұрады екен.

Немістер де 13 санын аса жақтыра қоймайды. Немістің атақты актрисасы Марлен Дитрихтің кезінде Эрнест Хэмингуэймен жақын болғаны, олардың бірін-бірі сүйгені жөнінде көп жазылған. Осыдан бір-екі жыл бұрын Боннан М.Дитрихтің естелік кітабы басылып шықты. Дитрих атақты жазушы туралы былай деп жазады: «Еуропадан АҚШ-қа кемемен келе жатқанбыз. Кеменің иесі мені түскі асқа шақырды. Есікті ашып қарасам, залда он екі адам отыр екен. Он үшінші болып отырғым келмеді. Аса ырымшыл едім. Сол кезде қасыма зор денелі біреу келді. «Сіз он үшінші болып отырыңызшы, мен он төртінші болып отырайын» дедім әлгіге. Кейін білдім ғой, бұл Эрнест Хэмингуэй екен. Хэмингуэйдің өмірде жолы болмағаны (жазушы өзін өзі атып өлтірген) есіме түскен сайын, неге Эрнестті он үшінші етіп отырғыздым деп бармағымды шайнаймын».

Дәл сол уақытта Эрнесттің он үшінші болып отыруы кейін оның өзін атып өлтіруіне себеп болмаған шығар-ақ. Бірақ, мәселе бұл жерде Дитрихтің аса ырымшылдығында болып тұр ғой.

Америкалықтар 13 санынан «өлердей» сескенетінін айттық қой жоғарыда. Бірақ АҚШ-тың туына қатысты тағы бір жайт бар. 1777 жылы (біздің сенім бойынша қандай тамаша сан!) Филадельфияда өткен Континенттік Конгрессте АҚШ-тың ұлттық туы бекітілген. Туда 13 жолақ, 13 жұлдыз бар болатын. Бұл сол кездегі штаттардың санын білдіретін. Кейіннен штат саны көбейген сайын жұлдыздар қосыла берген , бірақ жолақ саны сол күйінде қалған.

Құпиясы ашылмаған таңғажайыптар

1992 жылы 4 қаңтарда Жапонияның Киишу қаласының маңындағы Икеда көлінің тұсынан өтіп бара жатқан автомобиль жүргізушісі көл бетінен көрінген ұзындығы 35 футтық алып құбыжықты бейнетаспаға түсіріп алған.

***

1968 жылы 26 қаңтарда Жерорта теңізінде бір-бірінен 1000 мильқашықтықта тұрған екі суасты кемесі – Израильдің «Даккары» мен Францияның «Миневрасы»  бір мезгілде із-тозсыз жоғалып кеткен.

***

1953 жылы Бермунд аралдарының маңында ағылшынның «Йорк» атты транспорт ұшағы із-тозсыз жоғалып кетті.

***

1783 жылы 5 ақпаннан бастап екі ай бойы Италияның Калабрия деген жерінде ұдайы жер сілкініп тұрған. Осы екі айда 949 рет жер сілкінгені тіркелген. 60 мың адам қаза тауып, 181 елді мекен қираған. 10 адам кейіннен жұқпалы дерттен қаза тапқан.

***

1933 жылы 7 ақпанда сағатына 126 шақырым жылдамдықпен соққан дауыл кезінде Сан-Диегоның маңында ең биік теңіз толқыны тіркелген Сонда су 34 метрге көтерілген екен.

***

1938 жылы 7 наурызда Ливерпульға бет алған «Ульрих» кемесіндегі үш адам бір мезетте өз-өзінен от-жалынға оранып, жанып кетті. Олардың әрқайсысы палубаның әр тұсында тұрған еді.

Тағдыр мен тарих сәйкестігі

Әлемді жаулап алуды мақсат тұтқан француз қолбасшысы Напалеон 1760 жылы, ал неміс қолбасшысы 1889 жылы туған, айырмашылығы 129 жыл.

Напалеон 1804, Гитлер 1933 жылы үкімет басына келген, айырмашылығы 129 жыл. Екеуі де таққа 44 жасында отырған.

Напалеон Ресейге қарсы 1812 жылы, ал Гитлер 1941 жылы соғыс ашты, айырмасы 129 жыл. Ресейге қарсы соғыс жоспарын жүзеге асырғанда екі қолбасшы да 52 жаста екен. Алайда екеуі де жеңіліс тапты.

***

АҚШ-та Абрам Линкольн 1861 жылы, Джон Кеннеди 1961 жылы ел басқарған. Арадағы уақыт 100 жыл. Екеуінің таққа отырған уақытының арасы бір ғасыр болса да, екеуі де жұма күні кісі қолынан қаза тапқан. Оның үстіне екеуінің де әйелдері сол сәтте жандарында болған.

Бір ғажабы – А.Линкольннің хатшысы Кеннеди, ал Д.Кеннедидің хатшысы Линкольн есімді адамдар өз басшыларының бұл сапарға шығуына қарсы болған екен.

Линкольн қаза тапқаннан кейін Э.Джонсон, ал Кеннедиден кейін Л.Джонсон АҚШ президенттігіне сайланады. Екі Джонсонның туған жылдарының арасы 100 жыл екен.

Қабілет жас таңдамайды

Юлий Цезарь, Александр Македонский, Бонопарт Напалеон секілді атақты қолбасылар өздерінің қарамағындағы 25-30 мың солдаттың әрқайсысын жеке-жеке танитын әрі аттарын да білетін болған.

***

«Еңлік-Кебек» таргедиясы тұңғыш рет қазақ сахнасына қойылған кезде Мұхтар Әуезов 20 жаста болған.

***

Карл Линней өзінің өсімдіктер классификациясын 24 жасында, Исаак Ньютон әйгілі әлемнің тартылыс заңын 25 жасында жасаған.

***

Әйгілі француз композиторы Ж.Бизе 10 жасында Париж консерваториясына қабылданған. 37 жыл өмір сүрген. Ол 20-ға жуық опера жазған.

Құмырсқа

Бір жұп құмырсқаның ұрпағы бір жыл ішінде 120 миллиондай жәндік, 150 мыңдай жұлдызқұрт жейді. Ал бір жазда бір илеу құмырсқаның 5 миллион ағаш зиянкестерін жоятындығына ғалымдардың көзі жеткен. Құмырсқаның тіршілік әрекеті күшті болу үшін 30-35 градус ыстық қажет.

Дүниеде бал беретін құмырсқалар да кездеседі. Олар да бал жинау кезінде аралар сияқты жер кезіп, сірне жинайды. Бірақ құмырсқа балы қышқыл болады. Бал беретін құмырсқалар Австралияда және Орталық Америкада кездеседі. Құмырсқа балынан салқын сусындар, емдік дәрі-дәрмектер жасалады. Тіпті осы бал беретін құмырсқаларды ауызға салып кәдімгі шекілдеуікше шағып жейтін де ел бар. Құмырсқа балды ара сияқты ұяда емес, өз бойларында жинайды. Сондықтан бал жинаған кезде құмырсқалар торсықтай болып семіріп кетеді де, өте дәмді болады.

МӨР

Моңғолияның басты мемлекеттік мөрін жай ғана көтеріп ала алмайсыз – оның салмағы бес килодан асады.

Мөрді дайындауға және ол тұратын ағаш қобдишаны сәндеп безендіруге жеті килодан аса таза күміс жұмсалған.

Мұнтаздай

Ұлы Моғолдар империясының  сұлтанының (1952 жылы 4 қаңтарда туған) әмірімен өзінің асыл жары – Мунтаз Маһалға арналып әлемдегі ең сұлу ғимараттың бірі – Тәж Маһал кесенесі тұрғызылған. Қазақтың айрықша тазалыққа орай айтылған «мұнтаздай» деген сөзі Мунтаз аруға байланысты шыққан болуы мүмкін. («Адамзат күнтізбесі», С.Абдрахманов, Астана 2002). Өйткені қазақ тілінде мұнтаздай деген сөздің ешбір баламасын кездестіре алмайсың. Сендер қалай ойлайсыңдар?

This group may contain posts available to members only.
Join the group to read them