azam khojasta

Гуфтӣ:”агар мехоҳӣ манро дар бағал,
Дар васфи ишқи ман бигӯ байту ғазал.

Шеъре бигӯ к- аз ҳар калому мисрааш
Бар дафтари поки дилам резад ғазал”.

Гуфтам:”намехоҳам, ки бо ин соддагӣ
Дар шаҳри ту ишқам шавад зарбулмасал".

Гуфтӣ:”бигӯ, ман ошиқи шеъри туам
Гӯё канорат будам аз рӯзи азал".

Хушбоварӣ, эй хонуми руъёву ноз,
Ман мекунам бар ҳарфи қалби ту амал.

Шоир наям, аммо барои ишқи ту
Тан медиҳам дар кӯшишу ҷаҳду ҷадал.

Аммо бидон, шеъри муҷассам худ туӣ,
Ҳарфу ҳиҷои ман ҳама пучу дағал.

Пас эй ҳама шеъру ғазал сӯям биё,
Пештар аз он к- ояд суроғи мо аҷал.