Әйел деген әдемі

Әйел деген ән салғанда әдемі,
Жақсылыққа тамсанғанда әдемі.
Сүйгенімен қимай ғана қоштасып,
Қуанышпен қарсы алғанда әдемі.

Тана көзі жалт еткенде әдемі,
Ақ білегі жарқ еткенде әдемі,
Көрген жанды өнегелі, ибалы,
Қылығымен тәнті еткенде әдемі.

Әйел деген мәз болғанда әдемі,
Көктем келіп, жаз болғанда әдемі.
Алма бетін аяз сорып қызарып,
Кірпігіне қар қонғанда әдемі.

Әйел деген гүл атқанда әдемі,
Ұнағанда, ұнатқанда әдемі.
Мөлдіреген жанарынан кей сәтте,
Жалғыз тамшы құлатқанда әдемі.

Жүгрігенде не жүзгенде әдемі,
Нәрестесін емізгенде әдемі. more…