Азалы күн
(31 мамыр – Саяси куғын-сүргін құрбандарын еске алу күні)
Наламызды,жарамызды жазады кім,
Қайғыларға,қуанышқа жазалы гүл.
Қаралы күн қайғы ортақ қазақ жұртым
Білесің бе? бүгін шерлі азалы күн.

Тең жартысы лақат құшқан қазағыңның,
Соры сортаң құдайым-ау азабыңның.
Ақыреттің қақпаларын қақпастан-ақ
Тірідейін отын көрген дозағыңның.

Не жазып ед,
Қандай күнә басымызда?
Даламыз кең,мүмкін содан досым аз ба!
Қонақтарын сыйлайтұғын құдайындай
Жыландарға ақ құйатын аңғалмыз ба?

Азаптаған асыл алаш қандасыңды,
Ашаршылық қолдан жасап жандар сұмды. more…