Shuhrat Davlatshoev

was last seen 8 October at 10:34

53 года / Душанбе, Таджикистан

Write a message Подружиться Send gift

Unsubscribe from irrelevant news

To unsubscribe from another user's news, click the settings icon in this post and select the necessary option.

Все

Guestbook

Shuhrat Davlatshoev added a photo

15 July 2016 at 13:47

photo-add-collage.html

Эй қиблаи нигоҳи ту самти наззораҳо,
Эй чашмҳои шӯхи ту барқи шарораҳо.

Эй дидаҳову мижаат дар дашти оразат,
Шаҳдухтарони баставу ҷамъи савораҳо.

Аз он даҳони қанд, аз он лаб, аз он забон,
Ҳарфе бигӯй бар ману кам кун ишораҳо.

Ман аз Замин ҷониби ту мебарам паноҳ,
Ман дар суҷуд сӯи ту дар кӯю бораҳо.

Қалбам зи сӯзи ишқи ту аз ҳам шикасту рехт,
Лутфе куну пайванд кун ин пора-пораҳо.

Номам ба лаб намебарӣ, донӣ, ки Шуҳратам,
Эй номи ту муродифи шаҳри ситораҳо.

© Душанбе. 09.06.2015
#ишқ, #Шуҳрат, #шеър

Нравится Комментировать 0

Shuhrat Davlatshoev added a post

26 August 2014 at 18:17

user-post.html

Намеравад

Хаёли рӯи дилкашат маро зи сар намеравад.
Дилам хумори кӯи туст ба ҳар гузар намеравад.

Савори аспи орзу ба шаҳри ишқ хониям,
Маро ҳавас пиёда аст, биёву бар, намеравад.

Маро, ки бе туам Худо биҳишт бахшадам, дилам
Чу саҳнаи ҷаҳаннам аст, ба ин сафар намеравад!

Қарори авф нашр шуд, ба сархати расонаҳо
Халои иттилоӣ аст, ба ту хабар намеравад?

Агарчӣ бомби қаҳри ту ба бӯса шуд безарар,
Ҳазор ханда пушти лаб, вале хатар намеравад.

Барои итминони худ гулӯлае зи нози чашм,
Бизан маро, намурдаам, ки барҳадар намеравад.

© Душанбе. 11.08.2014

Нравится Комментировать

Shuhrat Davlatshoev added a photo

27 July 2014 at 21:14

photo-add-collage.html

Лайлатулқадри ман

Ту шабеҳи гулӣ, на, шабнамӣ, на, боронӣ!
Масалан, бар лаби як ташна мисоли ҷонӣ!

Фарз кардем, ки ту як мӯъҷизаӣ, ҷозибаӣ,
Мани раҳгумзадаро сӯи худат гардонӣ.

Бо ҳамин шиддату ин ҷозибаи кайҳонӣ,
Ту далели ради се қонуни як Нютонӣ.

Гуфтӣ як бӯса ба вом медиҳаму суд – дучанд,
Магар, эй ёр, ту ҳам тоҷирӣ, бозаргонӣ?

Мардумон рӯзи хуш аз қадр бихоҳанд, аммо,
Лайлатулқадри ман он шаб, ки ту пешам монӣ!

То сияҳрӯзу сияҳрӯ нашавад Шуҳрати ту,
Бояд он мӯйи сияҳро ба сарам афшонӣ!

© Душанбе, 23.07.2014