Откройте свой Мир!

Мы применяем рекомендательные технологии

Yaver Hasan

was last seen 7 May at 18:42

Москва, Россия

*** Bu aləm sirr aləmidi, yox bu sirri bilən adam. Bulud kimi yağış tökür çiçək kimi gülən adam. Saqinin

Write a message Подружиться Send gift

342 View
all

Unsubscribe from irrelevant news

To unsubscribe from another user's news, click the settings icon in this post and select the necessary option.

Все

Guestbook

Yaver Hasan added a post

yesterday at 18:05

user-post.html

Məf’Ulü məfA’İlü məfA’İlü fə’Ulün
(Həzəc)
***
Qəm süfrəsi açdım, durum iftar eləyim mən,
Bilməm kimə öz dərdimi izhar eləyim mən.

Həqq olduğum isbat ilə təsdiqdir, ey adəm,
Fikrimdə günahdırmı ki, israr eləyim mən?

Kim sirrimi bildi, mənə yad oldu, gərəkdir
Bir sirrimi yüz sirr edib əsrar eləyim mən.

Dəhşətdi hər addımda ölüm kölgəsi görmək!
Ya Rəb, mənə Yar ol, mıxı mismar eləyim mən.

Mən məndə qərar tutmadım, ey Sən, Sənə gəldim,
İnsafdımı, Aşiqlik üçün ar eləyim mən?

Min şər yaxacaqlar mənə şeytanə uyanlar,
Ol kəsləri, fikrim budu ki, xar eləyim mən. more…

Нравится Комментировать

Yaver Hasan added a post

Monday at 18:10

user-post.html

***
Qar yağıb gilənar ağaclarına, –
çiçək qarı.
Çiçək açıb gilənar ağaclarının arzuları.
Hər çiçək – beş ləçək,
bir-birindən bəyaz,
bir-birindən göyçək
miniatür şeir vərəqləri,
təbiətin gözəllik
və xeyir vərəqləri.
Nəzərlərim miniatür şeirlər yazır
gilənar çiçəklərinin
bəyaz ləçəklərinin üstünə, –
özü özünü oxuyan şeirlər.
Bu gecə yuxunda
çiçəklərlə nəqşlənmiş
gilənar ağacları görəcəksən.
Bu gecə sübhə qədər
miniatür-miniatür şeirlər
növbəylə yaxınlaşıb
oxuyacaq özünü,
çatdıracaq ürəyimin sözünü Sənə.
Ürəkdə, başda Sənsən,
hamıdan başda Sənsən.
Hamının bənzəri var,
Sənin yox, başqasan Sən. more…

Нравится Комментировать

Yaver Hasan added a post

Sunday at 12:14

user-post.html

TƏBİƏT NƏ İSƏ DEMƏK İSTƏYİR...

İldırımlar şaxır şaraqqaşaraq,
küləklər yüyürür dağlar aşaraq.
Göyün sinəsində qucaqlaşaraq
buludlar ağlayıb kömək istəyir,
təbiət nə isə demək istəyir.

Gəlir bərabərdi burda çıxara,
o yağış suyudu dönür buxara.
Ağaclar üzünü tutub bahara
özünə bir yaşıl köynək istəyir,
təbiət nə isə demək istəyir.

Əyri göstərməsin doğrunu güzgün,
torpaqdan kim olmaq istəyir sürgün?
Ən hündür zirvəyə qalxan da bir gün
ən hündür zirvədən enmək istəyir,
təbiət nə isə demək istəyir.

Susayan gözünü dikib yağana,
Saığmayan mərhəmət edir sığana.
Günəş gözləriylə baxıb cahana more…

Нравится Комментировать

Yaver Hasan wrote

21 April at 22:53

status.html

***
Bu aləm sirr aləmidi,
yox bu sirri bilən adam.
Bulud kimi yağış tökür
çiçək kimi gülən adam.

Saqinin əlində camdı,
sevgi meyi içmək kamdı.
Bir adamda min adamdı
el dərdini bölən adam.

Sehirdi sağ, tilsimdi sol,
Haqqa varır bu uzun yol.
Adəm oğlu, baxəbər ol,
yox olmur ha ölən adam.

Soluxub gedən tər gəlir,
heç kim bilmir nətər gəlir.
Özündən bixəbər gəlir
o dünyadan gələn adam.

Нравится Комментировать

Yaver Hasan wrote

16 April at 23:57

status.html

***
Nainsaf zəmanə, bimürvət fələk
mənim bu ömür-gün vaxtıma düşdü.
Qızıl ildırımlar şaraqqaşaraq
qırğıtək şığıdı taxtıma düşdü.

Cümlə varlığımın mənincə sevdim,
hamıdan, hər kəsdən mən incə sevdim.
Bütün sevənlərin cəmincə sevdim,
bütün həsrət əhli bəxtimə düşdü.

Tanrı bəşər etdi bir ovuc gili
və ona dil verdi,— məhəbbət dili.
Hamının dərdini öz dərdi bilib
bəyan etmək mənim öhdəmə düşdü.

Нравится Комментировать

Yaver Hasan wrote

14 April at 23:30

status.html

***
Günəşin üzündə şeh damlasıdı,
Sənin gözəlliyin qələmə gəlmir.
Sənintək bənzərsiz, qənirsiz gözəl
milyon ildə bir yol aləmə gəlmir.

Нравится Комментировать

Yaver Hasan wrote

6 April at 23:10

status.html

***
Bir vaxt səhərimi sevgi açırdı,
ürəyim sinəmdən Haqqa uçurdu.
Qızıl qalam vardı, fələk uçurdu,
mümkünmü yanmayım, yaxılmayım mən?

Bir gözüm oyaqdı, bir gözüm yatıb,
həsrət can evimdə bir alov çatıb.
Ürəyim sinəmdə qan-tərə batıb
çalışır varımdan yox olmayım mən.

Sağımı qar döyür, solumu dolu,
dolanır boynuma ömrün dərd qolu.
Sirat körpüsüdü bu həyat yolu,
gərək, Yavər Həsən, yıxılmayım mən.

Нравится Комментировать

Yaver Hasan wrote

4 April at 21:19

status.html

***
Ömür sürmək nədi? — Qanlı bir seli
cilovlamaqdımı, daşırmaqdımı?
Dünyanın çiyninə dırmaşmaqdımı,
dünyanı çiynində daşımaqdımı?

Fərqi çox fərqlidi gülnən alağın,
dəyəri bir deyil atnan ulağın.
Hər ağlı şikəstin, zövqü çolağın
gödən gəzdirməyi yaşamaqdımı?

Mən Səsdə sükutam, sükutda Səsəm,
Ruhumu məst edir bir şehli süsən.
Əhli-Eşq olmayıb, ey Yavər Həsən,
çırpa bilərəmmi daşa Baxtımı?

Нравится Комментировать

Yaver Hasan wrote

2 April at 7:04

status.html

***
Könlünüzə nur köynəyi
geyək, Allaha xoş getsin.
Zəhmət çəkək, halal çörək
yeyək, Allaha xoş getsin.

Əzizləyək sayğılını,
məhəbbətə duyğulunu.
Şeytanların quyruğunu
düyək, Allaha xoş getsin.

Şər insanın yeyir için,
yüz tərəfdən əyir için.
Qapıları xeyir üçün
döyək, Allaha xoş getsin.

Ürəyə yükdü daş sözlər,
Eşqə bağlıdı baş sözlər.
Bir-birimizə xoş sözlər
deyək, Allaha xoş getsin.

Нравится Комментировать

Yaver Hasan wrote

31 March at 9:09

status.html

***
Güneylərdə qar əriyib,
qüzeylərdə qar var hələ.
Havada qış soyuğundan
qalmış xəfif bar var hələ.

Adımız yox bir kağızda,
səslənmir dildə-ağızda.
Hələ qəhər var boğazda,
ürəkdə qubar var hələ.

Biz sükuta Səs deyirik,
Sevgiyə Nəfəs deyirik.
Önə çıxmaq istəyirik,
qarşıda divar var hələ.

Hələ şərdi burda sakin,
amma və ancaq və lakin
Son Sözü söyləyən Hakim,
o Laməkan Yar var hələ...

Нравится Комментировать

Yaver Hasan wrote

30 March at 9:11

status.html

***
hər an düşür sənnən keçən
günüm yada bilirsənmi
sənsən mənə məndən əziz
bu dünyada bilirsənmi

sənsiz hər anım əzabdı
ömrüm bağlı bir kitabdı
getdin gəldi məni tapdı
qan və qada bilirsənmi

vəslin baldan şirin arzum
bu mənəm sənin tamarzın
yoxdu busən dilim-ağzım
gəlmir dada bilirsənmi

qınayırlar qınanırıq
ədalətə inanırıq
bəndələrik sınanırıq
bu sevdada bilirsənmi

Нравится Комментировать

Yaver Hasan wrote

28 March at 23:53

status.html

***
şəklinə baxıram
və mənə elə gəlir ki
tanrı təbiətdəki çiçəkləri
sənin gözlərinin
təbəssümünə baxaraq
rəsm eləyib

Нравится Комментировать

Yaver Hasan wrote

27 March at 23:55

status.html

ЯПОСКИЕ МОТИВЫ 71
Явер Гасан

Выключи свет,
я тебя
в темноте лучше вижу.

© Copyright: Явер Гасан, 2024
Свидетельство о публикации №124032708011

Нравится Комментировать

Yaver Hasan wrote

27 March at 23:38

status.html

ЯПОНСКИЕ МОТИВЫ 70
Явер Гасан

Сегодня
моё зеркало – это окно,
окно в темноту…

© Copyright: Явер Гасан, 2024
Свидетельство о публикации №124032707912

Нравится Комментировать

Yaver Hasan wrote

27 March at 22:42

status.html

***
Uzaq eldən gələn qonaq,
gəl otur mənnən yanaşı.
Mən min ildi otururam
dumannan, çənnən yanaşı.

Hal deyil halımın halı,
dən oldum, durmaq istədim
sünbül olmaq ehtimalı
olan bir dənnən yanaşı...

Kim nə gəzir, onu tapır,
dərd üçündü hazır qapı.
Haqq evinə qızıl qapı
sevgidi dinnən yanaşı.

Bədən – Can evinə divar,
bir gün çat versə, qəm yemə,
Ruh deyilən bir şey də var,
fani bədənnən yanaşı.

Нравится Комментировать

Yaver Hasan wrote

25 March at 23:26

status.html

***
Gerçək yazmaq, doğru demək var ikən
niyə düyün vuraq yalandan Sözə?
Nə lazım cürbəcür naxışlı dəri
götürüb yamayaq ilandan Sözə?

İnam olan yerdə yoxdu bəlkələr,
işıq düşən yerdən qaçır kölgələr.
Tikan gəlməz, buta-buta gül gələr
məhəbbətə səcdə qılandan Sözə.

Sevən sevdiyini yadla bölərmi?
Məhəbbət yolunda nadan ölərmi?
Yavər Həsən, xələl gələ bilərmi
Sözün divanəsi olandan Sözə?

Нравится Комментировать

Yaver Hasan wrote

25 March at 0:12

status.html

***
inanmıram gedənlərim
darıxıb geri dönə
dünyanın bütün güzgüləri
ayrılıq göstərir mənə

alovuma su səpirəm
su oddan betər yandırır
dünya məni yavaş-yavaş
yoxluğuma inandırır

varlığımda nə tapdım ki
yoxluğumda itirəm
ta özümdən gizlənirəm
özgələrdən itirəm

başımın üstündən göy
ayağımın altından yer qaçır
ürəyimin yarası
yenə qan gülü açır

inanmıram gedənlərim
darıxıb geri dönə
dünyanın bütün güzgüləri
ayrılıq göstərir mənə

Нравится Комментировать

Yaver Hasan wrote

23 March at 23:10

status.html

***
yorğun bir yuxu
özünü gözlərimə yetirib
qapayır göz qapaqlarımı
uyuyur gözlərimdə
gözlərimi açmıram
oyatmaq istəmirəm
yuxusundan yuxunu
istəmirəm
incisin məndən
bu dünyanın yorğunu
sən mənim xoş arzum
saf istəyimsən
sevdalım
gəlmək istəyirsən əgər
ömrümün xanəsinə
buyur gəl
mən gözlərimdən çox
ürəyimlə görürəm səni