Энже Ганиева(Сахибгараева)

БАЛАКАЙЛАРЫМ
Балаларым, балакайлар…
Юлдаш булдым картлык белән.
Аяклар да абыналар,
Кайчандыр йөгереп йөргән.
Мин сезне җитәкләгәндәй
Хәзер мине җитәкләгез.
Битәрләмәгезче зинһар,
Зарланмагыз һәм көлмәгез.

Иренмәгез минем белән
Сөйләшергә килеп янга.
Тыңлагыз сүземне, хәтта
Ничә кат кабатласам да.
Хәтерем дә начарланды,
Тотлыгадыр телләрем дә…
Түзем булыгыз балалар,
Бу санаулы көннәр генә.

Кулга тоткан әйбер төшсә,
Яман ис тә килсә яннан,
Акылга зәгыйфьлек килеп
Үзем киенә алмасам
Хәтерләгез, сезне бактым
Кадерләп һәм сөеп кенә.
Онытмагыз, мондый халәт
Гомер кичкәннәргә килә.... more…