Откройте свой Мир!

Біз кімбіз?

Біз кімбіз?
Шөмекейміз, тараған Кіші жүзден,
Шетте жүріп қазақшылығын үзбеген.
«Дөйт» айтып ел үшін, намыс үшін
Жауларын найза ұшымен түйреген.

Біз кімбіз?
Біз ұрпағымыз Балқылардың,
Елі, жері, халқы бардың.
Мекеніміз Тауелібай, Әйтім ауыл
Қосбармақ, Сырымбет бабалардың.

Біз кімбіз?
Ұрпақпыз, Тамдыбұлақта өрбіп - өскен,
«Өз ағам»ның ылаңына іштей көнген.
Бір Алланың әмірімен жолға шығып
Тарихи Отанымызға жаппай көшкен.

Біз кімбіз?
Жандармыз жасайтын арманменен,
Серік қылған шындықты, жалғанменен.
Дәстүрін, тілін, дінін сақтай келіп
Ата жұртта  лақап  алған «оралман» деген.

Біз кімбіз?
Адамгершілік, сыйластық - шын бетіміз,
Қазақ деп жасау — шын ниетіміз.
Халықпыз ақ көкірек, қарапайым
Пайғамбар Мұхамметтің үмбетіміз!..


Рудный қаласы. Тамыз. 2013 ж.
Камаладдин Нуралы улы