Откройте свой Мир!

“Құран оқыңдар, өйткені, расында ахирет күні ол өзін оқығанға шапағатшы ретінде келеді” (Муслим).
«Құран үйренушілер мен оны үйретушілер сендердің араларыңдағы жақсыларың болып табылады» (әл-Бухари).
«Кім Құран оқудың шебері болып, оны әдемілеп оқыса, ол абыройлы және бойұсынушы жазғыштармен бірге болады. Ал кім Құранды ежелеп оқып, сонысымен қиналатын болса, онда оған екі сауап бар» (Муслим).
«Құран оқушы мүмин - тамаша иісті және дәмді, тәтті лимон секілді. Ал Құран оқымайтын мүмин - иісі жоқ, бірақ дәмді, құрма секілді. Құран оқитын екіжүзді - хош иісті, бірақ дәмі ащы райхан секілді. Ал Құран оқымайтын екіжүзді - иісі де жоқ, дәмі де ащы колоквин секілді» (әл-Бухари, Муслим).
«Екі түрлі қасиеті бар адамнан басқа ешкімге қызығуға болмайды, олар: Аллаһ оған Құран білімін нәсіп етіп, оны күндіз-түні оқыған адам және Аллаһ оған байлық нәсіп етіп, ал ол оны күндіз-түні игілікке жұмсаған адам» (әл-Бухари, Муслим).
«Кім Құраннан бір әріп оқыса оған бір жақсы амал жазылады, ал әр бір жақсы амал үшін он сауап жазылады. Мен: “Алиф, Ләм, Мим” - бір әріп деп айтпаймын. Жоқ, “Алиф” – бір әріп, “Ләм” – бір әріп және “Мим” – бір әріп» (ат-Тирмизи).
«Ішінде Құраннан еш нәрсе болмаған кісі - қираған үй секілді» (ат-Тирмизи).


Құран жаттауға көмек берер бірнеше ақыл-кеңестер
1. Құран жаттаушының ықылас-ниеті болуы керек, яғни Құранды Аллаһтың разылығы үшін және шын жүрегімен жаттауы тиіс.
2. Құран жаттаушы тәжуидті және махражды (әріптердің шығу орындары) білуі тиіс. Құранды міндетті түрде жақсы білетін адамнан үйрену керек.
3. Дауыстап оқу адамның тез жаттап алуына көмектеседі.
4. Құран жаттауды бастамас бұрын белгілі бір аяттар тізбегін анықтап алу өзінің оң септігін тигізеді.
5. Бір күнде белгілеп алған жерден артық жаттамаған абзал. Шатастыру қаупі туады.
6. Құранның бір ғана түрін алған дұрыс.
7. Жаттап отырған сүренің қазақша мағынасын білу де – жақсы.
8. Бір сүрені жаттап жүріп, екінші бір сүрені жаттап кетпеген дұрыс.
9. Жаттаған сүрелерді үнемі қайталап, тыңдап жүрген жақсы жәрдем береді.
10. Құран жаттаушы міндетті түрде ұстазға тапсырып, тексеріліп тұрғаны қатаң ескертіледі.
11. Құранда 6000-дай аят бар, соның 2000-ы – ұқсас аяттар. Сондықтан ұқсас аяттарға мұқият көңіл бөлу қажет.
12. Құран жаттағанды адам өзінің алтын уақытын жіберіп алмауы тиіс. Адамның жадына сақтау процессі 23 жасқа дейін жақсы жүреді екен. Араб халқында мынандай мақал бар екен:


«Жастық шақта алған білім

Қашалған сөздей жартасқа.

Кәрілікте алған білім

Тұрақтамас көп баста».


Сондықтан алтын уақытты жіберіп алмайық!!!

Аллаһ тағаланың бұл есімдері “Көркем есімдер” болып саналады. Бұған Ағраф сүресінің 180 аятындағы: “Ең көркем есімдер Аллаһқа тән, ондай болса сол есімдер арқылы дұға жасаңдар”,-деген сөздері дәлел. Ендігі кезекте осы есімдерді түсіндіруге кірісіп, Аллаһқа тәуекел еттік!
Алдымен осы 99 есімді жалпы қамтитын Аллаһ есімін сөз етер болсақ, бұл Аллаһтың өзіне тән есім. “Аллаһ” дегеніміз-араб тіліндегі “құлшылық жасау” етістігінен туындап, Аллаһқа қатысты айтылғанда “Құлшылық қылынуға лайық жалғыз Құдай” дегенге тура келеді. Ол Аллаһ тағала өз құлдарының құлшылығына лайықты. Халифа Алтай атамыз Құран Кәримнің сөздікшесінде: “Алла: “Әл Иләһ” деген атаудың арапша грамматика бойынша біріктіріліп айтылуы. Ұғымы: “Құлшылық істелуге лайық зат”. Түрікше-”Тәңір”, Фарсыша-”Хұда”, қазақша “Құдай” деп аталады. Бұл аудармада Алла түрінде жазылады. Арап елдері жәһилиет дәуірінде “Алланы” Алла деп атап, пұттарды “Иләһ” деп, Аллаға дәтімізді жалғастырады деген сеніммен соларға сиынып, Аллаға ортақ қосатын еді”,-деп өте жақсы түсіндіріп өткен. Сөзінің жалғасында: “Құран Шарифте “Алла” деген атау 2697 (2698 дұрысырақ) жерде, “Иләһ” деген атау 167 жерде бар”,-деп сілтеме жасаған.

Бұл есімге амал жасағысы келген адамға қойылатын ең алғашқы талап-ол Аллаһтан өзге ешкімге құлшылық жасамауы керек. Тәуекел етсе, де, қорықса да, үміт етсе де, құрбан шалса да, бала сұраса да, пана сұраса да, шипа тілесе де, сөз берсе де тек Аллаһқа бағыттауы керек, себебі ол Аллаһ, құлшылық қылынуға лайық жалғыз Құдай. Одан өзге “құдайсымақтардың” бәрі де тек қана жаратылыс. Християндардың Исаны, Яһудилердің Ғузайрды, отқа құлшылық жасаушылардың отты, пұтқа табынатындардың пұтты, Үндістердің сиырды, Буддистердің Будданы, Католиктердің Рим папасын, ежелгі гректердің Зевсті, ежелгі мысырлықтардың Перғауынды, түркі жұртының әруақтар мен аспанды, ғұндардың жануарларды құдай тұтуы түкке тұрғысыз жалған сенім. Тіпті құдай деп білмесе де, Аллаһқа ғана тән сипаттарды олар да атқара алады деп сенулері де үлкен қателік. Бәлкім табиғатты басқару да, оны жарату да, сұрағанның сұрауын беру де тек қана Аллаһтың құдіретінде. Оған ешкім тең емес, Оған жәрдемші де, серік те, көмекші де керек емес.
Сондай-ақ, ескерте кетер бір жайт: Бұл есімді қайта-қайта айтып, айналып, билеп, оны еске алып жатырмыз деу мүлдем дұрыс емес. Себебі Аллаһ елшісі (с.а.с) Аллаһты еске алғанда тек бір есімді қайта-қайта қайталап айтпайтын. Егер де шынымен осы есімді ауызға алып, Аллаһты еске алғысы келсе, “Субханналлаһ, Әлхамдулилләһ, Аллаһу әкбар”, “Субханаллаһи уа бихамдиһ, субханаллаһил ғазыйм”-деп айтатын.
Бұл есімді ешкім де өзіне тағуына болмайды. Бұл барлық 99 есімді қамтитын, Аллаһтың жеке аты. Тіпті сорақы жаратылыс, перғауынның өзі де өзін Аллаһ деп атауға дәті бармай: “Мен сендердің раббыларыңмын”- деп кеуде қағатын. Бұл жайында Назиғат сүресінің 24-ші аятында айтылған.
Аллаһ есімін адам есіміне қосқан кезде Абдулла деп аталады, яғни Алланың құлы. Аллаһқа ең қатты ұнайтын есім осы Абдулла. Бұл өте көркем есімдердің бірі.

1. الله TАллаһ – Оның (Аллаһ тағаланың) бар екендігі және Оның иләһи сипаттарын білдіретін есім. Раббымыздың ең ұлық есімі. Кім Жаратушының осы әдемі есімін күніне 1000 рет қайталап зікір етсе, иманы берік болады.
2. الرَّحْمَنُ T Ар-Рахману – Аса қамқор. Оның қамқорлығы Өзі жаратқан бүкіл мақұлықтарына тиесілі. Қамқоршы Аллаһ тағала мүмин-мұсылмандардың, сондай-ақ кәпірлердің өмірлік қажеттерін өтейді. Алланың бұл есімін зікір еткен адамның ойлау және жаттау қабілеті күшейеді. Сондай-ақ ол адам қаталдықтан арылады.
3. الرَّحِيمُ T Ар-Рахиму – Ерекше мейірімді, Рахымды. Бір жақсы іс үшін бірнеше есе береген және ешқашан сауап істерді жоймайды. О дүниеде тақуа мұсылмандарға мейірімді болады. Кімде-кім бұл есімді 100 рет атап жүрсе қайғы-қасіреттен аман болады.
4. المَلِكُ T Әл-Мәлику – Патша, Ол T қалай басқарам десе де Өзі біледі. Оған кеңесші керек емес. Оған барлығы тәуелді. Мұсылман адам бұл есімді зікір етіп жүрсе, ақшадан қысылмайды.
5. القُدُّوسُ T Әл-Қуддусу – Қасиетті, Өте пәк, кемшіліктерден пәк және адам баласының ойына келетін пішін келбеттен тыс.
6. السَّلاَمُ T Ас-Сәламу – Есендік беруші. Жетіспеушіліктерден пәк. Өзінің жаратқан мақұлықтарына амандық береді. Егер бұл есімді 99 рет оқып, науқасты ұшықтаса шипа табады.
7. المُؤْمِنُ T Әл-Му:мину – Қорғаушы, Сенуші. Өзі туралы ұлық кітаптар мен пайғамбарлар арқылы білдіртеді. Өзінің сүйікті құлдарын қауіп-қатерден сақтайды.
8. المُهَيْمِنُ T Әл-Мухаймину – Үстем, Қорғаушы. Баршаның үстінде билік жүргізеді және бәрі де Оның иелігінде. Жаратқан мақұлығының үстінен қарап, бақылап тұрады. Кімде-кім бұл керемет есімді ғұсыл алғаннан кейін екі рәкағат намаз оқып, 100 мәрте шынайы ықыласпен айтса Аллаһ тағала оны рухани тазартады.
9. العَزِيزُ T Әл-Азизу – Аса зор, Ұлық, Қуатты, зор кеңшілік Иесі. Онымен ешкім теңесе алмайды. Кімде-кім Алланың бұл көркем есімін таң намазынан кейін 40 рет қайталап оқыса Аллаһ тағала оны қаржы мәселесінде басқалардан тәуелсіз етеді.
10. الجَبَّارُ T Әл-Жәббару – Аса өктем. Билік пен қуат Иесі. Нені қаласа соны кімге де болсын істете алады.
11. المُتَكَبِّرُ T Әл-Мутакаббиру – Паң, ұлылық және биіктік Иесі. Кім бұл көркем есімді зікір етіп жүрсе халық арасында құрметті болады.
12. الخَالِقُ T Әл-Халиқу – Жаратушы. Мақұлықтарын Өз еркімен жаратады. Ол T әр нәрсені көркем түрде жаратады.
13. البَارِىءُ T Әл-Бариу – Жаратушы, жоқтан бар етуші. Жаратқан мақұлықтарына әр түрлі пішін және бейне береді. Аллаһ әрдайым жаратуда. Егер бала таба алмаған әйел 7 күн ораза ұстап, «Әл-Бариу, Әл-Халиқу, Әл-Мусаууиру» деп 21 рет айтып суға дем салып ауызды сол сумен ашып, шынайы ықыласпен жалғыз Аллаһ тағалаға дұға етсе, иншааллаһ оған Жаратушы бір нәресте береді.
14. المُصَوِّرُ T Әл-Мусаууиру – Келбет беруші. Өзінің қалауымен әрбір жаратқан нәрсесіне өзгеше келбет және әр түрлі пішін береді. Миллиардтаған келбет жаратқан Аллаһ тағалаға ешкім теңесе алмайды.
15. الغَفَّارُ T Әл-Ғаффару – Аса жарылқаушы. Күнә және жаман істерді кешіруші. Бұл дүниеде құлдарының жамандықтарын жасырып, қияметте күнәларын кешіріп, жарылқайды. Кім осы әдемі есімді жұма намаздан кейін 100 рет қайталаса оған Аллаһ тағала ғафу етеді. Ал кім екінті намазынан кейін «Иә Ғаффару ғфирли» деп айтып жүрсе, Аллаһ тағала оны кешірім еткен құлдардың қатарына қосады.
16. القَهَّارُ T Әл-Қаһһару - Өте үстем, Қаһарлы. Өзіне қарсыларды қатты азаппен қорлайды, өлтіреді не болмаса көпшіліктің алдында беделін түсіреді. Оның жазасынан ешкім аман қалмайды. Дүние сәнін жақсы көретін пенде Алланың бұл есімін қайталап Оған мойынсұнып жүрсе Аллаһ тағала ол адамның иманын күшейтеді.
17. الوَهَّابُ T Әл-Уаһһабу - Өте жомарт, Береген. Адамдарды Өз нығметтерімен ризықтандырады. Берем деген нәрсесін береді. Кімде-кім дұғада бұл есіммен Аллаға жалбарынса, ол ешқашан қайыршы болмайды.
18. الرَّزَّاقُ T Ар-Раззақу – Ризық, тамақ беруші. Алуан түрлі ризықтарды жаратады және сол ризықтарымен мақұлықтарын ризықтандырады.
19. الفَتَّاحُ T Әл-Фәттаху – Жақсылық жасаушы. Асқан мейірімінен құлдарына төгіп беріп, жақсылық істейді. Шындықты әшкерелеп, өтірікті өрге асырмайды. Кімде-кім өзінің оң қолын кеудесіне қойып Аллаһ тағаланың бұл әдемі атын таң намазынан кейін 70 рет қайталаса жүрегі нұрланады, көңілі шаттанып жәй табады.
20. العَلِيمُ T Әл-Алиму – Бәрін білуші, Терең білім иесі. Ол T әр нәрсені толық біледі және де Ол T білмейтін ешнәрсе жоқ. Аллаһ тағала – білушілердің білушісі. Аллаһ тағала ғайыпты да, көмескіні де біледі. Кім бұл есімді атап, зікір етіп жүрсе Аллаһ тағала оған білім мен даналықтың есіктерін ашады.
21. القَابِضُ T Әл-Қабиду – Қысып алушы. Кімге қаласа ризығын береді, қаласа бермейді. Кім бұл есімді қайталап айтып жүрсе аш-зарыққан болмас.
22. البَاسِطُ T Әл-Баситу – Жаюшы. Өз ризық нығметтерін қалаған құлдарына береді.
23. الخَافِضُ T Әл-Хãфиду – Түсіруші. Аллаһ тағала кәпірлерді тозақтың түбіне түсіреді және кәпірлерге қайғы, мұң-зар мен азап береді. Кім Аллаһ тағаланың бұл ғажайып есімін 500 мәрте зікір етсе Хақ Тағала оның дұғасына жауап береді.
24. الرَّافِعُ T Әр-Рафиу – Көтеруші, Биіктетуші. Өзіне жақын құлдардың беделін бұл дүниеде де, ахиретте де көтереді.
25. المُعِزُّ T Әл-Муиззу –Қуат беруші. Өзінің мүмин құлдарына мықты қуат береді. Олардың мойынсұнғандары үшін күнәларын кешіріп, жәннатта құрметті орын береді.
26. المُذِلُّ T Әл-Музиллу – Кемсітуші. Кәпірлерді мойынсұнбағандықтары үшін кемсітеді, оларға «азап үйін» - тозақты дайындайды.
27. السَّمِيعُ T Ас-Самиу - Әр нәрсені Есітуші. Әр естілетін дыбыс ғайып айтылса да Оның есітуінен тыс қалмайды. Ол T құпияның бәрін біледі. Оның ести алмайтын нәрсесі жоқ. Ол T барлық сыбыс, дыбысты естиді.
28. البَصِيرُ T Әл-Басиру – Көруші. Ол T бәрін Көреген. Адам және басқа мақлұқтар көрмейтінін бәрін көреді. Оған көрінбейтін зат жоқ. Ол T ғайыпты да көреді.
29. الحَكَمُ T Әл-Хакаму – Хәкім. Қазы, Төреші. Соттың үкімі Оның құзырында. Оның үкімі кесімді. Оны ешкім сынай алмайды және Алланың үкімдерін кемсітіп, жамандауға ешкімнің хақысы жоқ. Кім дәрет алып, осы есімді күніне 99 рет зікір етсе Аллаһ тағала оның жүрегін нұрландырады.
30. العَدْلُ T Әл-Ғадлу - Әділ, Адал. Ол T кімге болмасын, ешбір әділетсіздік жасамайды. Ол T өз шешімдерінде әділ.
31. اللَّطِيفُ T Әл-Ләтифу – Жұмсақ, зор кеңшілік Иесі. Өзінің құлдарына өте ілтипатты. Өз құлдарының істерін толық біледі және адамдардың мінездеріне жұмсақтық салады.
32. الخَبِيرُ T Әл-Хабиру – Толық хабар алушы. Барлық істер оның қалауымен жасалады. Ол T ешқашан хабарсыз қалмайды. Жаратушының бұл көркем есімін қайталаған адамды Аллаһ тағала қанағатты етеді.
33. الحَلِيمُ T Әл-Халиму – Ерекше Мейірімді, Өте Жұмсақ. Азабын тездетпейді, бірақ малғұн шайтанға еріп, күнәлі іс жасағандарға азабы жақын.
34. العَظِيمُ T Әл-Ғазиму – Аса зор, кеңшілік Иесі, Мәртебелі, Ең Ұлы. Оның мәртебесінің басы да, соңы да жоқ.
35. الغَفُورُ T Әл-Ғафуру – Кешіруші, күнәларды кешуші. Кешірім сұраушыларды күнәлары үшін қолға алмайды, жаман істерін жақсы амалдарға ауыстырады.
36. الشَّكُورُ T Әш-Шәкуру – Шүкірді қадірлеуші. Адамдарға шүкірлік айтқаны үшін мәрхамет етеді. Құлдарына көркем істері үшін ізгілік етеді.
37. العَلِىُّ T Әл-Ғалиу - Өте биік, Жоғары, Мәртебелі. Адамдардың сезім, сана және басқа қабілетіне келетін бейнелерден тыс, одан жоғары. Ол T әр уақытта биіктікте.
38. الكَبِيرُ T Әл-Кабиру – Ұлық, Ең Ұлы, Абырой және мәрхамет иесі. Адамдардың ойлау, көру және сезу мүшелерінен тыс.
39. الحَفِيظُ T Әл-Хафизу – Қорғаушы. Сүйікті құлдарын жамандық пен кесірден сақтайды. Өз құлдарының сауап істерін қиямет күні мәрхамет ету үшін жазып, сақтайды. Аллаһ тағала әлсіздердің жәрдемшісі.
40. المُقِيتُ T Әл-Муқиту – Азық беруші. Азықты жаратып мақұлықтарына таратып береді. Даналықты және білімді жүректерге жеткізеді.
41. الحَسِيبُ T Әл-Хасибу – Есеп беруші, Жеткізуші. Өз құлдарының қажеттерін өтейді. Олардың бұл дүниеде жасаған амалдарына қиямет күні есеп береді.
42. الجَلِيلُ T Әл-Жәлилу – Биік, Үлкен, Өз ұлығында өте биік. Қадір-қасиетінде аса Ұлы.
43. الكَرِيمُ T Әл-Кариму – Құрметті, Мәрхамет иесі, ізгілік істеуші. Оның рахымында шек жоқ. Ізгілігі ешқашан таусылмас. Уәде берсе, толығымен орындайды.
44. الرَّقِيبُ T Әр-Рақибу – Қараушы, Бақылаушы. Ол T әр нәрсені көріп, біліп тұрады. Ешнәрсе оның алдынан өтпей кетпейді.
45. المُجِيبُ T Әл-Мужибу – Жауап беруші. Оған дұға етіп жалбарынған құлдарына жауап береді. Ол T жауап қайтаруда. Ол T адам баласы үшін не нәрсе пайда беретінін біледі. «Иә Мужибу дағуати тәммәти» деп дұға етілсе, Жауап беруші Хақ тағаланың жауап беруі сөзсіз.
46. الوَاسِعُ T Әл-Уасиғу – Қоршап алушы, толтырып салушы. Ол T Өз құлдарын ризықтармен бөлейді. Мәрхаметін тақуа құлдарына төгіп, байытады.
47. الحَكِيمُ T Әл-Хакиму – Даналық Иесі, қате жасаудан пәк. Қате жасау Оның даңқына келмейді. Ол әр нәрсені өз орнына қояды.
48. الوَدُودُ T Әл-Уадуду – Ізгілік істеуші, Сүюші. Мақұлықтарын жақсы көреді. Сөйтіп, Ол T мәрхаметі, мейірімі және ризықтары арқылы Өзі туралы білдірттеді.
49. المَجِيدُ T Әл-Мәжиду – Даңқты, Құрметті. Өз істерінде Көркем. Ол T дүниені ризықтарымен толтырады.
50. البَاعِثُ T Әл-Бағису – Тірілтуші, Жіберуші, Қайта өмір беруші. Өлілерді есеп беру үшін тірілтеді. Өз елшілерін (пайғамбарларын) адамдарға жібереді.
51. الشَّهِيدُ T Әш-Шахиду – Куә. Ол T анығын да, белгісізін де біледі және соған Куә. Аллаһ тағала Өзінің Иләһи сипаттарыменен жалғыз Құдай T екенін білдіртеді.
52. الحَقُّ T Әл-Хаққу – Шындық иесі. Хақ Тағала әрбір нәрсені өз даналығымен жаратты. Қабірдегілерге есеп беру үшін және жәннат немесе тозаққа жіберу үшін тірілтеді.
53. الوَكِيلُ T Әл-Уакилу – Басқарушы. Өкіл иесі Аллаһ тағала барлығын басқарады. Құлдары Оған тәуекел етіп, тәубе келтіреді.
54. القَوِىُّ T Әл-Қауийу – Қуатты, Мықты, Құдіретті. Оның шамасы әр нәрсеге жетеді.
55. المَتِينُ T Әл-Мәтину – Мықты, Тұрақты, Құдіретті. Оның күшіне ешкімнің қуаты жетпейді. Ол T ешқашан әлсіз немесе шамасыз бола алмайды.
56. الوَاسِعَُ T Әл-Уасиғу – Қорғаушы. Ол тақуаларды (әулиелерді) жақсы көреді және оларға мықты қуат береді. Кәпірлердің беделін бұл дүниеде де, о дүниеде де түсіреді.
57. الحَمِيدُ T Әл-Хамиду – Пәктеулі, Дәріптеулі, Мақтаулы. Мадақ Иесі. Аллаһ тағаланы кәпірлер мен екіжүзділерден басқасының бәрі мадақтайды.
58. المُحْصِى T Әл-Мухсий – Санаушы. Ол бәрін санайды. Оған ешкім санауға бөгет жасай алмайды. Ол бір нәрсеге көңіл бөліп басқаны назарынан тыс қалдырушы емес.
59. المُبْدِىُْ T Әл-Мубдиу – Бастаушы. Ол T қандай-да бір жаратылысты жаратар алдында ешбір бейне, мысалсыз жаратты.
60. المُعِيدُ T Әл-Муғиду – Қайтарушы. Ол T тірілерді өлілерге айналдырады және оларды қайтадан бастапқы қалпына келтіреді. Егер мал, мүлік немесе адам жоғалса Аллаһ тағаланың осы көркем есімін 70 рет қайталап дұға етсе, жоғалған нәрсе Аллаһ тағаланың қалауымен қайта оралады.
61. المُحْيِى T Әл-Мухий – Тірілтуші. Ол денелерге жан салып тірілтеді. Егер біреу бұл есіммен Аллаһ тағалаға жалбарынса шипа табады.
62. المُمِيتُ T Әл-Мумиту - Өлтіруші. Денелерден жан алып өлтіреді. Ахіреттің қайғы-мұңның дәмін татпау үшін Аллаһ тағаланың осы атын көбірек қайталап, зікір етіп жүру керек.
63. الحَىُّ T Әл-Хайю – Тірі. Ол T мәңгі өмір сүреді, мәңгі болды және мәңгі болады. Оның тірі болуының басы да, соңы да жоқ.
64. القَيُّومُ T Әл-Қаююму – Бәрінің үстінде тұрушы. Әрбір заттың үстінен қарайласып оған Қамқоршы болып тұрады. Әр нәрсе тек Аллаһ тағаланың қалауымен тұрады. Өздігінен мықты тұрушы.
65. الوَاجِدُ T Әл-Уәжиду – Бай, Табушы. Нені тапқысы келсе, сәтінде-ақ табады, өйткені бүкіл жаратылыс оның құзырында. Ол T ештеңені жоғалтушы емес.
66. المَاجِدُ T Әл-Мәжиду – Құрметті, Сыйлы. Ол T жақсы қасиеттерді иемденеді. Құрмет пен сый оған тән.
67. الوَاحِدُ T Әл-Уахиду – Жалғыз. Барлық Құдайлық сипаттар Оған тән. Одан басқа Құдай жоқ. Аллаһ тағала расында жалғыз, сондықтан Аллаға ғибадат етіледі.
68. الصَّمَدُ T Ас-Самаду – Мұңсыз. Адамдардың қажеттерін өтеп беруші Аллаһ тағала, сол үшін құлдары Оған бұл көркем атымен жалбарынады. Ол T – аса Құдіретті, Қуатты.
69. القَادِرُ T Әл-Қадиру – Мықты, Қадірлі. Оны T мақұлықтар қадірлейді. Оған ешкімнің көмегі керек емес. Ол T әр нәрсеге шамасы жетеді.
70. المُقْتَدِرُ T Әл-Муқтадиру – Құдіретті. Не істегісі келсе соны істеуге қуаты жетеді. Оның T істей алмайтын ісі жоқ.
71. المُقَدِّمُ T Әл-Муқаддиму – Алға шығарушы. Өз пайғамбарларын алға шығарады. Өзіне инабатты құлдарын тура жолға салады. Оларды ұлық дәрежелерге көтереді.
72. المُؤَخِّرُ T Әл-Муаххиру – Артқа тартушы. Өз жауларын артта қалдырады. Ол T Өзі мен кәпірлердің арасына бөгет перде салады.
73. الأَوَّلُ T Әл-Әууәлу – Бірінші, Алғашқы. Баршаның алдында. Ол T мәңгі тұрады. Оның алдында ешбір зат болған емес.
74. الآخِرُ T Әл-Ахиру – Соңғы, Ақырғы. Барша мақұлық қиямет күні қайтыс болғанда Аллаһ тағала тірі болады. Оның соңы жоқ. Кім күніне осы көркем есімді 1000 рет зікір етсе Аллаһ тағаланың махаббаты баурап алады, сол адам нәпсіқұмарлықтан арылып, көз жұмғанда иманмен қайтады.
75. الظَّاهِرُ T Аз-Заһиру – Анық, Көзге көрініп тұрушы. Ол T Өзін аяттары (күн, ай, жұлдыз т.б.) арқылы бар екенін анық көрсетіп тұрады.
76. البَاطِنُ T Әл-Батину – Көрінбей тұрушы, Ішкі. Ол T мақұлықтардың көзіне көрінбейді. Ол T мақұлықтардың не ойлап, не қоятынын біледі және олар не нәрсеге ұшырайтындарын меңгеріп тұрады.
77. الوَالِى T Әл-Уали – Басқарушы, Уәлі. Ол T әр нәрсенің басқарушысы. Ол T не бұйрық берсе, сол мезетте бұлжытпай орындалады. Ол T Өз қалауымен және даналығымен билік жүргізеді. Үкімдерін іске асырады.
78. المُتَعَالِ T Әл-Мутаәлу – Биікке көтерілуші (Самғаушы). Мақұлықтардың сипаттары Оған тән емес. Пайғамбарлардың сипаттарын биік дәрежеге көтереді.
79. البَرُّ T Әл-Барру – Ізгілік істеуші. Ол T ешуақыт жаманшылық істемейді. Құлдарға ізгілік және қамқорлық етеді.
80. التَّوَّابُ T Әт-Тауәбу – Тәубені қабылдаушы. Ол T әрдайым адамдардың шынайы жасаған тәубесін қабыл етеді. Тәубе етушілерге ғафу етіп, оларға рахым-мейірімін төгеді. Кім залымның зұлымдығына қарсы Алланың бұл есімін 10 рет айтса зұлымдығына ұшырамайды.
81. المُنْتَقِمُ T Әл-Мунтақиму - Өш алушы. Ол T Өзіне мойынсұнбайтын құлдарын істеген амалына қарай азаптайды.
82. العَفُوُّ T Әл-Ғафуу – Аса кешірімді, Ғафу етуші. Адамдар жалбарынып кешірім сұрағанда күнәларын жойып, сауап істерін қалдырады. Бұл есіммен Аллаһ тағалаға жалбарынып артынан «Аллаһумма иннәкә ғафуун карим, тухиббуль ғафуа, фағфу ғаннә» десе оның күнәлары кешіріледі.
83. الرَّءوُفُ T Ар-Раууфу – Қамқоршы. Аллаһ тағала Өз құлдарына жақсылық пен қамқорлық жасайды.
84. مَالِكُ المُلْكِ T Мәликуль Мульк – Мүліктердің Патшасы. Иелігі өте зор. Байлық қазынаның барлығы, күллі мүлік Оның қолында. Кім осыны көп қайталап жүрсе Аллаһ тағала Өз байлығынан төгіп береді.
85. ذُو الجَلاَلِ وَ الإِكْرَامِ T Зүл Жәләли уәл Икрам – Құдірет және құрмет Иесі. Өзінің ұлы сипаттары үшін құрметті және атақты болады.
86. المُقْسِطُ T Әл-Муқситу - Әділ. Шешімдерінде өте Әділ. Әрбір қиянат жасаған мен зиянға ұшырағанды о дүниеде сұрайды және істеген амалдарына қарай жәннат немесе тозаққа жібереді.
87. الجَامِعُ T Әл-Жәмиғу – Жинаушы. Қиямет күні «Махшарда» бүкіл адамдарды жинайды. Ол біреуін де қалдырмайды.
88. الغَنِىُّ T Әл-Ғаниу – Бай. Оған ештеңе керек емес. Барша мақұлық Аллаһ тағаладан қажеттерін сұрайды және Оған тәуелді.
89. المُغْنِى T Әл-Муғни – Байытушы. Өзінің қай құлын байытқысы келсе, шексіз ризық беріп байытады. Осы арқылы сынайды. Байлықтың барлығы Оған қайтарылады.
90. المَانِعُ T Әл-Мәниғу – Харам етуші, рұқсат бермеуші. Ол Өз құлдарына кейбір нәрсені харам етеді. Өзінің сүйікті құлдарын залымдардан қорғайды.
91. الضَّارُّ T Ад-Дарру – Зиян келтіруші. Азап ретінде кейбір құлдарына күнәлары үшін зиян келтіреді.
92. النَّافِعُ T Ән-Нафиғу – Пайда беруші. Өз жаратқан мақұлықтарына пайда береді. Кейбір құлдарының пайдасын көбейтеді.
93. النُّورُ T Ән-Нуру – Нұр, Нұр шашушы. Әр түрлі жетіспеушіліктерден пәк. Бұл дүниені Өз нұрымен нұрландырып тұрады. Соқырға нұрды көру үшін көз нұрын, жанар береді. Адасқандарды тура жолға салады. Осы керемет есімді қайталап жүрген адам қайғыға салынбайды.
94. الهَادِى T Әл-Һәди – Апарушы, Жүргізуші, Ілестіруші. Мустақим жолға салушы. Жүректерді хақты табу үшін бағыттайды. Дінде немесе дүниауи амалда пайда беретін нәрсеге жолықтырады.
95. البَدِيعُ T Әл-Бәдиғу – Жаратушы. Ешбір нұсқа, мысалсыз жаратады. Оның биік сипаттарына ешкім жете алмайды.
96. البَاقِى T Әл-Бақи – Бақи, Мәңгі. Ол T соңсыз мәңгілік жасайды. Ол T тірілмейді де, өлмейді. Егер бұл есімді күніне 1000 рет қайталап жүрсе Аллаһ тағала қасіреттен аман сақтайды.
97. الوَارِثُ T Әл-Уарису – Мұра Иесі. Барлық мұра Аллаһ тағалада.
98. الرَّشِيدُ T Әр-Рашиду – Салушы. Ол T Өз құлдарын пайда беретін жолға салады. Өз даналығымен билік жүргізеді.
99. الصَّبُورُ T Әс-Сабуру – Сабырлы. Ол T сабырмен құлдарының күнәларын кешіріп, азабын тездетпейді. Кім осыны меңгеріп 100 рет айтып, Алланы еске алып зікір етсе сол күннің бәле-жаласынан аман жүреді.