"Аман болшы, қазыналы қариялар!"


1-жүргізуші:
Армысың асыл қарттарым,
Орындап өмір шарттарын
Біз үшін үлкен мактаныш
Көңліңді сенің тапқаным

2-жүргізуші: «Аман болшы, қазыналы қариялар!» атты концерттік бағдарламамен ҚСА-ң бір топ белсенді студенттері алдарыңызға тағы да келіп қалды. Мақсат – сәл болса да сіздердің көңілдеріңізді көтеру.
Алғашқы әсем әнімізді қабыл алыңыздар, ортада Алдабергенов Жасұлан «Ғашығым» әнімен.

1-жүргізуші:
Мың бұрала билейміз,
Кідіруді білмейміз
Деп келіп тұр қыздарың
Шапалақпен тек қана
Бишілерді демейміз.
(Ортада өзбек биі.)

2-жүргізуші:
Өлең өмір арнада таса тұғын
Өлең асу даралар аса тұғын
Ақылдықпен асыл нық қадам басып
Жыр әлемін Гүлбану аша тұғын, - дей келе жұдырықтай жүрегін жарып шыққан жырларымен ортада Гүлбану қыздарыңыз.

1-жүргізуші:
Дертіңе дауа домбыра үні,
Шертілсе болды қазақтың күйі
Дариха қыздың таусылмас жыры
Сіздермен бірге бүгінгі күні, - дей келе алдарыңызға шақырамыз.

2-жүргізуші:
Әсем ән тағы да шырқалады,
Осылай көңіл күй ұштасады.
Нәзік, әсем даусымен әрдайым да
Айгерім ару жүрекке жол табады, - деген өлең жолдарын өре отырып ортаға шақырамыз. Қол соғып, қошеметтеп шақырайық.



1-жүргізуші: Әсем әннен кейін келесі кезекте біздің студенттердің әзірлеген шағын көрінісін тамашаласаңыздар.
2-жүргізуші: Қарсы алыңыздар!
1-жүргізуші: Айжан, сен орыс мектебінде оқығансың ғой, қазақ тілінде ата-анаға арналған қазақша мақал-мәтелдерді білмейтін шығарсың?
2-жүргізуші: Қателесесің досым:
Атаның жаман ұлы малға ортақ,
Әрі үйлі жанға ортақ.

Атаңа не келтірсең,
Алдыңа сол келеді.

Атадан жақсы ұл туса, қар үстінде от жанар,
Атадан жаман ұл туса, ат үстінде ит қабар.

1-жүргізуші: Бәрекелді Айжан,

Ата асқар тау, ана бауырындағы бұлақ
Бала жағасындағы құрақ дегің келе ме? Бұл мәні терең мақалдарды саған кім үйретті?

2-жүргізуші: Әжем ертегі айтып берсе, атам мақал-мәтел үйрететін.
Біздің білімді, өнерлі болып өскеніміз қазыналы қарияларымыздың арқасы. Дариханың атасы терме үйретіпті. Сол Дариха бүгін домбырасын алып орталарыңызға келіп отыр. Қошеметпен қарсы алыңыздар.

1-жүргізуші: Айжан, термеден кейінгі көңіл күйің қалай? Кезекті тағы биші қыздарға берсек қайтеді? Қошеметпен қол соғып, қарсы алайық!

2-жүргізуші:
Құлақтан кіріп бойды алар
Әсем ән мен тәтті күй, - демекші, ортаға әнші қыздарымызды шақырамыз.

1-жүргізуші:
Сара жолды жалғаған Абай салған,
Дараланған өлеңмен талайлардан.
Айзат ару ортада өлеңменен,
Өрлеуді де бойында санайды арман.

Сіздерге арнап шығарылған өлеңін оқып бермек. Қарсы алыңыздар!

2-жүргізуші:
Әрлендірер өмірді, әрлі етер,
Би әсем, би құдірет тамаша ғой.
Мың бұралып билеген өнерден соң,
Әрбір жанда туындар жаңаша ғой.




1-жүргізуші:
Ән лүпіл жүректерде соғылатын,
Ән сыңғыр қоңырау боп қағылатын,
Аман болшы , аман болшы қарттарым
Өмір атты соқпақ жолдан аттадың
Қатал тағдыр тәлкегіне сыналған,
Өздеріңдей рухы бай жан таппадым.

2-жүргізуші: Міне, сіздерге арналған шағын концерттік бағдарламамыз осымен тәмам. Сіздерге алғысымызды айта отырып, Алла Тағала баршамызды жақсылық пен қуаныш нұрына бөлесін демекпін!

1-жүргізуші: Амандықта жүздескеше сау-сәлеметте болыңыздар!





Баспасөз парағы

2009 жылдың желтоқсанында ҚСА-ң ұйымдастыруымен «Аман болшы, қазыналы қариялар» тақырыбында қайырымдылық акциясы өткізіледі.
Басты мақсат: қариялардың сәл де болса көңілін көтеру.
Жалпы ақпарат: Ата асқар тау демекші, желтоқсан айының 24 жұлдызында «Аман болшы, қазыналы қариялар» атты концерттік бағдарламамызбен қарттар үйіне бармақшымыз. Мақсат сәл де болса қарияларымыздың көңілін көтеру. Бағдарламамызда мың бұралған бишілеріміздің таңғажайып билері мен әсем әндер, жыр әлемінен жүрекжарды өлеңдер және де «Дертіңе дауа домбыра үні,
Шертілсе болды қазақтың күйі»
дегендей, қазыналы қарияларымызбен сыр шертетін ғажап күйлеріміз бар. Сондай-ақ, бір сағат көлемінде өтетін концерттік бағдарламамызда адамға түрлі ой салар көріністеріміз тағы бар.



Қызылорда қаласы
Алдабергенов Жасулан