Откройте свой Мир!

ОЛЕН СУЙЕР КАЗАГЫМ!.

Құрметті өлең сүйер қауым,*Өлеңге әркімнің ақ бар таласы*-деп

дана да дара Абай айтпақшы,сІздерді мынау логинде:

taraktyruy@mail.ru,*Қайрат Сагынтайұлының поэзия мен проза

әлемі*- қауымдастыгына шақырамыз.Қауымдастықта сіз бен біз өзара

поэзияда сырласып, прозада пікір алмасайық.Сіздерді асыга

күтеміз өрлі өлеңді сүйер қауым!!!!!!.

Мекен жайымыз:taraktyruy@mail.ru-*Қайрат Сагынтайұлының поэзия

мен проза әлемі*қауымдастыгы.

«Музарттағы» Сәкен аға Майғазиевті білмейтін қазақ кемде-кем шығар. Ол кісінің әсем дауысына, бұрынғының серілеріне тән сырбаз кейпіне қарап-ақ ерекше сүйсінетінбіз, құрмет тұтатынбыз. Сондай-ақ Сәкен ағаны «интеллектісі жоғары әнші» деп бағалаушылар да жеткілікті. Журналымызға талай рет сұхбат та берді, бірнеше рет концерттерімізге қатысты. Сондай сәттерде адамдығына да тәнті болып жүрдік. Бірақ... Бірақ дәл мынандай жағдай орын алуы мүмкін деп ешқашан ойламаппын. 
Осыдан бірер күн бұрын әріптесім Мәдина Серікқызына Түрксіб ауданына қарасты№162 Сапар Байжанов атындағы мектеп-гимназияда ұстаздық ететін құрбысы Нұргүл хабарласып, Сәкеннің нөмірін сұрайды....
Ары қарай сөзді Мәдина апайдың өзіне берсек: «Құрбымнан әншінің нөмірі не үшін қажет еткенін сұрап едім, мектептеріндегі бір ұстаздың жақында 50-ге келгелі жатқанын, өмірдің тауқыметін көп көрген сол апайдың соңғы уақытта өте көңілсіз жүргенін айтты. Мерейтой иесі Сәкен әндерін сүйіп тыңдайды екен. Менің құрбым мен ұжымы осы бір жақсы кісінің жабырқаған жанын бір сәтке болса да жадыратпақ оймен сүйікті әншісін шақырып, тосынсый жасамақ екен. Шыны керек, Сәкеннің нөмірін беріп тұрып, оны қанша құрметтесем де «тойғақомақты қаржыға шығып жүрген әнші танымайтын мұғалімді құттықтауға уақытын бөліп барады дейсің бе?» деген ойыма сенімді едім. Кейін оның жан дүниесін терең білмей тұрып, осылайша теріс ойлағаным үшін қатты ұялдым. Оқиға қалай болған дейсіздер ғой? 
Нұргүл Сәкенге хабарласып, жағдайды түсіндірген, ұстаз апайдың жайын айтқан. Ал Сәкен бір сөзге келместен келісімін берген. Туған күн күні таңертең апайдың сыныбындағы оқушылар тәрбие сағатын бастап жатады. Сынып ішінде бірнеше мұғалімдер де болады. Апай құттықтау сөздерді ризашылықпен тыңдап отырады. Кенет... есік ашылып, қолында бір құшақ гүлі бар, әндетіп... Сәкен, Сәкен Майғазиев кіріп келе жатады. Мұндай тосынсыйды күтпеген апай не айтарын білмей тосылып қалады. Тіпті орнынан тұра да алмай қалыпты. Бар болғаны, көзіне ыстық жас үйіріледі. Туған күнмен құттықтап, сыйлығын берген әнші сол жерде бірер әнін де орындап береді... Тәрбие сағаты аяқталған соң мектептің ішін аралап, жай-күйімен танысады, оқушылармен тілдеседі. Ең бастысы, талай жүректерде қуаныш отын маздатады. Ал апай туған күн иесі ретінде қоштасарда дауысы дірілдеп, «бақыттымын, бақыттымын» дей беріпті», – деп сөзін аяқтады. 
Бұл оқиғаны тыңдап отырып, менің де жүрегім ерекше тебіреніске бөленді. Көңілі жарым ұстаз апайдың қуанышты сәті көз алдыма елестеп, жақсы адамның қуанғаны үшін мен де қатты қуандым. 
Тіл ұшыма «Сәкен ағаның қарапайым болмысы мен жақсылыққа ұмтылған жүрегінен айналдым» деген сөздер орала берді. 
Иә, осындай жақсы адамдардың арамызда қатар өмір сүріп жүргені қандай бақыт! «Жақсы көрем сендерді, жақсы адамдар!»

Марфуға Шапиян
"Жұлдыздыр отбасы" журналының журналисті, 4 ақпан 2013 жыл
Сәкен Майғазиевтің сыйлығы

Астана. 28 ақпан. Baq.kz Жақында Алматы қаласындағы №162 мектеп-гимназия ұстаздары хабарласып, 
«МузАРТ» ансамблінің әншісі Сәкен Майғазиевке біздің басылым арқылы алғыс айтқысы келетінін жеткізіп, тілектерін
жерде қалдырмауымызды өтінді. 


Мектеп мұғалімдерінің айтуы бойынша, осы білім ошағында көп жылдан бері еңбек ететін, жо­ғары санатты ұстаз Айман Жұ­машқызы Ордаханова 50 жасқа толыпты. Мектеп оқушыларының ғана емес, әріптестерінің де жа­на­шыр апайына айналып, ана­сындай болып кеткен білікті маман Талдықорған облысы, Қарабұлақ ауылында дүниеге келіпті. 1982 жылы Қаскелең қала­сындағы Педагогикалық учи­лищеге түсіп, аталған оқу ор­нын үздік аяқтаған соң, ал­ғаш­қы ұстаздық еңбек жо­лын балабақшада бастаған. Бала тәрбиесінің қызығы мен қиындығы оны балабақшаның меңгерушісі қызметіне де кө­тереді. 2001 жылдан № 162 мек­теп-гимназиясында тәрбие жұ­мыстары жөніндегі мектеп ди­ректорының орынбасары қыз­метін атқарып келеді. Айман апай жауапты жұмыстарды ойдағыдай атқара жүріп, драма үйірмесі мен түрлі кештерді белсене ұйым­дас­тырып тұрады екен. 2010 жылы қалалық байқауда «Кестелі орамал» қойылымы бірінші жүл­деге ие болыпты. Балаларды пат­риоттық сезімге тәрбиелеуде алдына жан салмайтын Айман апай Сәкен Майғазиевтің өнерін ерекше құрмет тұтады екен. Мұны жақсы білетін әріптес сіңлілері әншіге өтініш айтып, апайды мерейтойымен құттықтап келіп, ән салып беруін сұрайды. Өнер иесі олардың айтқанын екі етпей орындайды. Жарқын жүзбен кіріп келген әншіні көріп, мерейтой иесі аң-таң қалғаны соншалық, орнынан тұра алмай қалыпты. «Жақсы көретін апайымызға уа­қыт бөліп, ерекше сыйлық жа­саған Сәкен Майғазиевке Алла разы болсын» дейді олар.
Беттi дайындаған Қаншайым БАЙДӘУЛЕТ 

Normal
0




false
false
false

RU
X-NONE
X-NONE













MicrosoftInternetExplorer4



























































































































































/* Style Definitions */
table.MsoNormalTable
{mso-style-name:"Обычная таблица";
mso-tstyle-rowband-size:0;
mso-tstyle-colband-size:0;
mso-style-noshow:yes;
mso-style-priority:99;
mso-style-qformat:yes;
mso-style-parent:"";
mso-padding-alt:0cm 5.4pt 0cm 5.4pt;
mso-para-margin:0cm;
mso-para-margin-bottom:.0001pt;
mso-pagination:widow-orphan;
font-size:11.0pt;
font-family:"Calibri","sans-serif";
mso-ascii-font-family:Calibri;
mso-ascii-theme-font:minor-latin;
mso-fareast-font-family:"Times New Roman";
mso-fareast-theme-font:minor-fareast;
mso-hansi-font-family:Calibri;
mso-hansi-theme-font:minor-latin;
mso-bidi-font-family:"Times New Roman";
mso-bidi-theme-font:minor-bidi;}








        Кайырлы күн,Сакен
Қордабайұлы. Сізбен сұхбатымызды бастамас бұрын,еліміздің сүйікті тобына
айналған МузАРТ ансамбілін 10 жылдығымен М.Әуезов атындағы ОҚМУ-нің жастары
атынан құттықтаймыз.


       -Ой,рахмет,құттықтауларыңызға.
Сіздерді де жаңа оқу жылдарыңызбен құттықтаймын. Енді айта кеткім келіп отыр.
Біздің Кенжебек осы сіздердің,яғни ОҚМУ-нің студенті. Алла қаласа жақында
диплом алады деп күтіп отырмыз.


      


       


         Аға,сізге кояр алғашқы сауалымыз осы
сияқты талантты шәкірттерді тәрбиелеп шығарып отырған білім ошағы жайында және
білім алған ұстаздарыңызды айтсаңыз?


        -Мен
білім  алған ұстаздар көп. Олардың
кейбіреулері өмірлік ұстаздар болады,ол саған ештеңе айтпаса да,вокал үйретпесе
де,дауыс койып бермесе де,қарап,тәрбие алатын адамдар көп. Өзім сол адамдарды
сырттай ұстаз тұтам. Ал вокалдан сабақ бенрген ұстаздарым Л.Кесоглу,Л.Толешова.
Ауылда мектеп қабырғасында М.Тасыбаев,М.Қойшыбаев секілді ағалардан қанат
қағып,түлеп ұштым.Оқыған оқу орныма келер болсам мектептен кейін Алматыдағы
республикалық Ж.Елебеков атындағы эстрада-цирк колледжінде,сосын оны бітірген
соң Т.Жүргенов атындағы өнер акдемиясында дәріс алдым. Яғни айтқанда білімге
8-жылымды сарп еттім.


   


   


     Ең алғаш студент атанғанда қандай сезімде болдыңыз,жалпы
студенттік өміріңіз қалай өтті?


    -Студент
жастардың әр күні мереке ғой. Алатын степендиямызды қалжыңдап
айлығымыз,жалақымыз дейтінбіз.. Аз да болса сол степендия бәріне жететін. Жұрт
қатарлы қара су ішіп,қара нан жеп жүріп бітірдік.Бірақ көңіліміз тоқ
болатын.Алға қарай ұмтылдық. Өздеріңіз білетіндей жұбайым-Динараны да  сол кезде жолықтырдым. Сондықтан болар  студенттік өмірім қызықты  өтті.


 


 


     Бүгінгі таңда сізге еліктеп,өнеріңізді
үлгі тұтатын жастар бар. Артыңыздан ерген інілеріңізге қандай ақыл-кеңес айтар
едіңіз? Сізді осы деңгейге жеткізген қандай күш?


    -Өнеріме
еліктейтін жастар жайлы жиі естимін. Оны Алланың берген сыйы,нығметі деп
түсінемін. Адал еңбек етіп,ешкімді алдап-арбаған жоқпыз. Өнер дедік,оқыдық.
Жемқорлықпен,не болмаса байдың баласы болып ақшамен бітірген адам емеспін.
Өзімнен кейінгі інілерімді де солай тәрбиелеймін. Біреу үшін,біреудің алдына
кіргенді ұнатпаймын. Нұрғали Нүсіпжанов ағамыздың қызы Бибігүл  Нұрғалиқызы басқарып отырған  эстрада-цирк колледжіне,яғни өзім бітітрген
оқу орнына биылғы жаңа оқу жылынан бастап мұғалім болып орналастым. 3жылдан
бері ұсыныс жасалып жүрді.Көптеген өнер адамдарынан ,айтар
болсам,Л.Кесоглу,Б.Шукенов,Р.Рымбаева,М.Арынбаевтардан кеңес сұрадым. Көп
ойлана келе биыл келісімімді бердім.Енді жақсы-жақсы шәкірттерді тәрбиелейміз
деген үміттемін.


 


 


   
МузАРТ ансамбіліндегі,өзіңіздің шығармашылығыңыздағы соңғы жаңалықтарды
айта кетсеңіз.


    -Алла
қаласа 4-ші әнжинаққа жаңа әндер жазылып жатыр. Бірақ оны қазір тығып ұстап
отырмыз,әзірге шығарғымыз жоқ. Себебі шыққан жинағымыз қызық болмай ма деп
қаламыз. Менің де әндерім 30 шақты болып қалды. Жақында сол әндерді 2-әнжинақ
етіп халыққа ұсыну ойымда бар. Және А.Бажанованың АСЫЛ АНА атты әніне бейнебаян
түсіріп біттік.10 жылдығымыз қарсаңында шет елдегі қандастарымызды да
аралап,концерт қойсақ дейміз. Қазан айында Қытай Халық Республикасына барып 20
күндей сонда болып  қайтамыз. Келген соң
еліміздің бірнеше қалаларында да ,үлгергенімізше ән кештерін өткіземіз деп
отырмыз.


 


    Өзіңізде ұстаз болып жатыр
екенсіз.Студенттерге айтар ескертулеріңіз бар шығар? Және оқырмандарға деген
тілегіңіз...


   -Университет қабырғасында әртүрлі жағдайлар,қызықты
оқиғалар көп болып жатады.Сабақтан кешігіп қалады,қашып кетеді,келмей қалады
деген сияқты.  Өзім ұстаз ретінде көп
нәрсеге кешіріммен қараймын. Өйткені бәрі бастан өтті.Сонда да болса жақсы
оқып,ұстаздарды қадірлей біліп,олардың сенімін ақтасын,сыбайлас жемқорлыққа жол
бермесін деймін. Ең үлкен тілегім-қазақтар және басқа ұлт өкілдерінің өзі мемлекеттік
тілімізді сыйласа екен.


 


 Сұхбатыңызга рахмет! Еңбегіңіз жемісті болсын!


 


 Сіздерге де
рахмет,оқырмандарыңыз көбейе берсін!


 


 


   Сұхбаттасқан; Перизат Алпамысова


                                         Фи 10-2р тобы

http://www.elarna.kz/kaz/pr...

Жоғарыдағы сілтеме бойынша "Еларна" телеарнасының ресми сайтындағы видеомұрағаттан С. Майғазиевпен өткен "Бағдаршам" бағдарламасын көре аласыздар. Ол үшін оң жақта орналасқан стрелкамен төмен түсіп 14 шілдедегі санын тауып қараңыздар

Сәкен МАЙҒАЗИЕВ:

Жасы да, кәрісі де, тіпті кейбір басқа ұлт өкілдері де «Музарт» десе ішкен асын жерге қойып тыңдайды. Артық айтқаным емес шығар. Он жыл бұрын тәй-тәй басып, халыққа енді танылып келе жатқан бұл топ бүгінгі жас әншілердің ағалары. Осы он жыл ішінде халыққа аянбай еңбек еткен Мейрамбек, Сәкен және Кенжебек ағаларымыз қазіргі таңда халықтың сүйіктілеріне айналды. Әрбір айтқан әндері хитке айналған бұл топтың белді әншісі Сәкен Майғазиевпен сұхбаттасудың сәті келген еді.


Тарихын білгісі 
келмейтін санасыз
әншілер де жоқ емес...

Сәкен аға, жақында туған күніңіз болғанын естідік. Қалай атап өттіңіздер?

Жақсы атап өттік. Жақын адамдарың, жолдастарың құттықтап келген соң дастархан жайып, көңілді отырдық. Негізі туған күн тойлау мұсылманша дұрыс емес деп жатады. Бірақ бұл күнде достарыңның басы қосылады, біраз адамдар бір-бірімен танысып, қауышып жатады. Сондықтан жаман мереке деп тағы айта алмаймын. Оның үстіне биыл мүшел жасқа толғаннан кейін аға-әпкелерімнің, аналарымның ақ батасын алайын деп дастархан жайған жайым бар.

Шығармашылық жағынан халқыңызды қуантатын жаңалығыңыз бар ма?

Қазіргі таңда “пират” деген алыпсатарлар, қазақша айтқанда қарақшылар жолымызды орап жатыр. Біздің әндерімізді рұқсатсыз алып, пайдаланады. Бір жағы қуантса, бір жағы қынжылтады. Жақында таныстарым қоңырау шалып, жеке ән жинағыңыз құтты болсын деп жатыр. Дискіні алып қарасақ, ешқандай дизайны жоқ, сапасыз, әлі жазылып бітпеген шикі әндерді қайдан көшіріп алғанын да білмейміз. Мүмкін қалта телефондар арқылы тарап кетті ме, белгісіз. Әйтеуір жеке ән-жинақ қылып шығарып жіберген. Негізі екі дискіден тұратын жеке ән жинағымды шығарамын деген ой өзімде де жоқ емес. Осы уақытқа дейін барлық күш-жігерімізді тек «Музартқа» салып келдік. Ал жеке үнтаспа туралы ойыма да кіріп шықпапты. Енді, Алла жазса, жақында екі дискіден тұратын, ішінде 30 шақты әні бар, лицензиялық сапасы жақсы жеке үн таспамды ұсынуды ойлап жүрмін. Бұл жеке басымдағы жаңалығым. Енді «Музартқа» қатысты жаңалық, Құдай қаласа сәуір айында он жасқа толамыз. Соған орай көктемде өтетін жеке концертімізді ұйымдастырудамыз. Бірақ Республика сарайы жөндеу үстінде екенін өздеріңіз де білесіздер, сондықтан қай жерде болатыны әзірге беймәлім. Алдағы уақытта міндетті түрде хабарлап отырамыз.

Жаңа жылда жаңа бейнеклип түсіретін ойларыңыз бар ма?

Жақында «Меломен» тобымен дуэт жазған едік. Бірақ Жаңа жылдық кештерде барлық телеарналардан көрсетті. Енді жақында тағы бір ән жазсақ, сол топпен және өзіміздің жеке бейнеклиптерімізді жоспарлап отырмыз. Әрине бұл жоспарымызды он жылдыққа дейін іске асырмақ ойымыз бар.

Клип демекші, біздің отандық әншілеріміздің клиптерін насихаттау үшін телеарналар ақша алады, ал шетелдікін тегін насихаттайды. Неліктен? Осы мәселеге қатысты өз пікіріңіздің айта кетсеңіз?

Әрине, ұят нәрсе. Десек те, заңның жоқтығынан, әншілердің жеке бас құқықтарының қорғалмауынан осындай шикі дүниелерге жол беріп жүрміз. Бірақ телеарналарды да түсінуге болады. Олар сұранысқа ие әншілерді шығарады. Бұл жерде әншінің ғана атқаратын тірлігі емес. Яғни, қандайда бір қазақтың, қазақ әнін тыңдағысы келген тыңдарманның жанын ауыртатын мәселе болса, үнемі телеарналарға қоңырау шалып, қазақ әндерін сұрап, редакцияға хат жазып тұру керек. Қазір өздеріңізге мәлім телеарналар арнайы шкаланы тексеретін құралдарды пайдаланады. Яғни қай телеарналарды, қай бағдарламаны көп көреді деп рейтингтерін тексереді. Сондықтан қазақ әндерін көріп, шетел әндері болған сәтте басқа арнаға ауыстырып жіберсеңіз, олардың рейтингтері де төмендейді. Ал әншілердің осы мәселемен арпалысып келе жатқанына он жылдай болды. Сондықтан бұл мәселені шешу тек біздің еншімізде емес. Тіпті музыкалық телеарналардың бағдарламасын көріп немесе смс-чаттарды оқып жүрегің ауырады. Қазақ бейнеклиптерінің орнына, 50 cent, Tиматидің клиптерін берсеңіз екен деп көрерменнің өзі сұрап жатады. Осыдан кейін әлбетте, бізден гөрі шетел әншілерін тегін әрі көбірек насихаттайды. Біздің «Күзгі бақ» бейнеклипін әлі бірде бір рет музыкалық телеарналардан көрсеткен жоқ. Әйтеуір анонста, жаңалықтар барысында бір-екі секунд үзіндісін көріп қаламыз. Тіпті сол жердегі қазақтардың өзі «осы «Музарттың» еңбегін бағалап, ең құрымаса бір-екі рет айналдырайықшы» деп ойламайды. Бір телеарнаға бейнеклипті айналдыру үшін бір айға ақшасын төлеп бердік. Күніне бес рет айналдырамыз деп келістік. Келісім-шарт біткен күні бейнеклиптің де көрсетілімін тоқтатты.

Қазіргі әншілер бір-екі клип түсіріп алып, өзін жұлдыз санап жататындар бар. Ал сіздің ойыңызша, нағыз жұлдыз, нағыз әнші қандай болу керек? Және кімдерді айта аласыз?

Өз басым «мен жұлдызбын» деген әншіні естіген емеспін. Бірақ кейде автоматты түрде «жұлдыздар келіп қалыпты» деп айтып қалып жатады. Әрине бір жағынан жаныңды жадыратса, екінші жағынан жаның жараланып жатады. Халық өзі «жұлдыз» деп ат қойып алады. Сондықтан «мен жұлдызбын» деп көкірегін керіп жүрген әншіні көрген емеспін. Кейде маған адамдар «сен мүлдем қарапайымсың» деп жатады. Қарапайым болмауға Алладан қорқамын. Бірақ кейбіреулері керісінше, «жұлдыз жұлдыз болу керек, ешкімнің қолы жетпейтін болу керек» деп ойлап жатады. Ал кейбір әншілер бар, олардың әндеріне де сұраныс жоғары, өздерін жақсы ұстап, барлығымен бір деңгейде сөйлеседі, бір сөзбен айтқанда өте қарапайым. Олардың қатарына өзім Роза Рымбаева, Батырхан Шүкенов, Нұрлан Абдуллинді жатқыза аламын. Мейлің қазақ, мейлің орыс, ақ нәсіл, қара нәсіл, бәрімен бір деңгейде сөйлеседі. Ал кейбір дүбәра әншілер бар, тіпті оларға қарап қарның ашады. Не өз тілін, не басқа тілді жарытпай, тіпті ұлтын, руын білмейді. Тарихының тереңде жатқанын білмейтін, білгісі де келмейтін санасыз әншілер де жоқ емес. Осындай әншілермен менің де басымнан бір жағдайлар өтті. Кім екенін айтпай-ақ қояйын. Ынтығып, қасына жүгіріп барып амандастым. Барынша кішілігімді білдіріп, өнерін қатты бағалайтынымды білдіріп едім, маған назарын да аудармай өтіп кеткен адамдар болды. Мейлі, абыр-сабырда жүріп байқамаған болар, өзіміз де өнер жолында жүріп, кейде қатты асығыстықпен байқамай қаламыз. Келесі жолы тыныш жерде, уақыттың бабын тапқан кезде амандасып едім, тағы да солай істеді. Одан кейін мен ондай адамдармен мүлдем амандасқым да келмейді. Ол мүмкін өзінше жұлдыз болар, бірақ ол маған жұлдыз емес. Жалпы «жұлдыз» деген ұғымды мүлдем жоққа шығарып тастаса да, мен ешқашан қарсылық білдірмес едім. Мүмкін Ресейде, шетелде ондай ұғым бар шығар, мүмкін емес, негізі бар. Әншілер журналистерге ақшаға ғана сұхбат береді дегендей. Ал қазақ эстрадасында жүрген қай-қайсы болмасын, өздерін жұлдызбын деп санамайды. Өнеріміздің бағасын бағалау тек халықтың еншісінде.

Жүрегі қазақ деп соққан әр азамат арналардан қазақ әнін сұрауы керек

Жалпы қазақ шоу бизнесі өзара қазақтар және қазақстандықтар деп бөлініп жатады дегенді жиі естиміз. Сол қаншалықты рас?

Бөлініп жүрген әншілер ол өте қорқақ адамдар деп есептеймін. Барлық әншілермен, тіпті басқа ұлт өкілдері болсын, бәрімен сәлеміміз түзу. Өз басым ол орыстілді деп ренжи алмаймын. Оның өзінің қазақилық қанында, жүрегінде болмаса, мен тәрбиелей де алмаймын. Бір сөзбен айтқанда оны тағы тәрбиелейтін халық. Бірақ кез-келгені бізді бағалап, тыңдаймыз деп мойындап жатады. Тағы айта кететін жәйт, «Екі жұлдыз» жобасының үш маусымы өтті және алдыңғы орындарды қазақи азаматтарымыз алғаны қуантады. Ол деген жақсы көрсеткіш. Қазағымыздың оянғанын, қазақтардың көп нәрсе үйренгенін, дауыс беруді білгенін, техниканы меңгергенін көрсетеді. Оның үстіне «Екі жұлдыз» көрерменінің басым көпшілігі ауыл тұрғындары. Таныстарымыз, тыңдарманымыз «үйдегі әжелеріміз қоймай Мейрамбекке әбден дауыс бергізді» деп айтып жатады. Халықтың Мейрамбекке деген мейірімі, жақсы көргендігі, махаббаты көп адамдарға смс-тен дауыс беруді үйреткен сияқты. Ол да біреулердің қызығушылығын тудырады. Мейлің миллион клип түсір, мейлің алпыс мың доллардың клипін түсір сұраныс болмаса бәрі қалады. Сондықтан, айтып өткенімдей, ұлтжанды, жүрегі қазақ деп соққан әрбір азамат телеарналарға қоңырау шалып, қазақи әндерді сұрау керек, тіпті «фонотекамызда жоқ» десе, «онда сіздің телеарнаңызды көрмейміз» деп талап қою керек.

«Жігітке жеті өнер де аз» дегендей, әншіліктен басқа немен шұғылданасыз?

Көлік жүргізу білемін. Түрлі аспаптарда ойнай аламын. Қасиетті домбырамызда, гитара, соқпалы аспап, ксилофонда ойнаймын. Сонымен қатар, спортқа жақынмын. Оның ішінде биллиярд, футбол, волейбол және баскетболды ұнатамын. Жалпы спорттың қай түрі болмасын, кенде емеспіз.

Көптеген әншілер әншілікпен қоса, актерлік бағытты да алып жүреді. Киноға түскіңіз келмей ме?

Актерлік шеберлігім шектеулі екенін өзім жақсы білемін. Тіпті актерлік шеберліктен Жайлау Жабағин, Роза Рымбаевадан дәріс алғанмын. Бірақ табиғат бермеген нәрседен бәрібір ештеңе шығара алмайды екенсің. Жалпы образға кіріп, ойнау қолымнан келмеді. Керек болса, тіпті өлеңді мәнерлеп оқуға да жоқпын.

Шәкірттеріңіздің де бар екенін білеміз. Солар жайлы айтып берсеңіз? Және шәкірт тәрбиелеудің басты мақсаты неде?

Барлығы да Алла разылығы үшін. Бәріміз де осындай дәрежеге жету үшін көптеген қиыншылықтар көрдік. «Бұлақ көрсең, көзін аш» дегендей, жас таланттарға көмегімізді бергіміз кеп тұрады. Бірақ продюсермін, ұстазбын деп айтудан аулақпын. Қолымнан келгенінше көмектесіп, кеңесімді беремін. Мүмкіншілігім жетіп жатса, қаржылай көмектесуден де қашпаймын. Нақты қандай топ десеңіз, «Меломен» тобын білесіздер. Ән-шерулерде жақсы орын алып жүрген белсенді топтардың бірі. «Сіздің батаңызбен бастайық» деді төртеуі қосылған кезде, әлбетте, өз кеңесімді, ақылымды аямадым. Кейіннен олар достары арқылы, қазіргі продюсері Жанна Әбуовамен танысқан. Жаннаға барар кезде, келіп менімен кеңесті. Бірден екі қолымды көтеріп келістім. Өздеріңізге де белгілі, Жанна Әбуова өнерге жанашыр, тіпті еркек адамдар істей алмайтын тірліктерді жасап жүрген азаматша. Сондықтан қуана-қуана келістім. Қазіргі еңбектері, әлбетте, бәріміздің де көңілімізден шығып жүр. Қазір де үйге келіп, ақыл сұрап тұрады, қолымнан келгенше көмектесуге даярмын. Керек болса, олармен қоса өзім де үйренемін. Сосын, «До-Мажор» деген топ бар. Оларға да қолымнан келгенше, көмегімді бердім. Сонымен қатар, «Аршат» деген топ болды. Бұрын «Арман» тобы болатын, қазір де «Арманға» өзгертілді. Оларды Алматыға алып келіп, өнер жолын осында жалғастырыңдар деп кеңес берген болатынмын. Мені ұстаз деп сыйлайды, бірақ ұстазбын деп айта алмаймын. Кейін оларды Бақытжан Жолдасбеков деген досыммен таныстырдым. Енді қазір мені ұстаз тұтқанымен, продюсерлері бөлек. Дәуренбек Мейірғалиев деген азамат бар. «Жас қанат» байқауынан бірінші орын алған әнші. Ол да мені продюсерім деп санайды. Өйткені бір-екі ән жаздыруына қол ұшымды бердім. Барлық осындай жас әншілер ұстаз деп сыйлап жатады, оған да Аллаға шүкір. Бірақ өзіміз де әнші болғаннан кейін, көп дүниелер артылмай жатады. Келіп, ақыл сұрағандарға, кеңес беруден бас тартпаймын.

Ал балаңызды өнер жолына тәрбиелеу ойыңызда бар ма?

Қазір ол спортпен ғана айналысып жүр. Кәсіби “Локомотив”, ”Luxor” деген белді клубтарда футбол ойнайды. Сонымен қатар жекпе-жек түрімен де айналысады. Бірақ өнер жолына келгісі жоқ. Алла қаласа, ағамның баласы екеуі болашақта үлкен фирма ашамыз деп армандап жүр. Түрік сериалын көрген екен, сондағы құрылыс компаниясын құрған ағайындыларды көріп алып, соған еліктеп жүр. Әйтеуір енді армандарына жетсін деп қоям...

Қатты өкініп немесе кек сақтаған сәттеріңіз болды ма?

Алла сақтасын ондай ешқашан болмапты. Менің тағы бір қасиетім біреуге қатты ренжісем де, мүлдем кек сақтай алмаймын. АЛЛАҺ бәріміздің көңілімізді көтерсін.

Ендеше сұхбатыңызға рахмет!!!


Мөлдір Хамитқызы. Дата публикации: 2011-02-23 12:43:25

«Басқа балаларым – бір төбе, Ер Төстігім – бір төбе» деп әкесі Ерназар айтпақшы, қазақ эстрадасында «МузАрттың» орны алабөтен. Қандай әнге салсын, хитке айналдыратын құпия сырдың иесі, шынында да, бүгін өзін атына заты сай мұзарт шыңның мұзбалағы ретінде мойындатты. Алғаш үшеу болып үндестік тапқан олар бүгінде тұтас ансамбльге айналып, жанды дауыспен сахнаны жандырып жүр. Республика сарайында үш күн бойы аншлагпен концерт өткізіп, оған көрерменнің елден арнайы келіп, төрт билетке 100 мың теңге беруі тек «МузАрт» секілді топтың басында болуы мүмкін. Биыл «МузАрт» онға толды. Осыған орай топтың белді мүшесі Сәкен Майғазиевпен сұхбаттасудың сәті түскен еді.


– Көпшілік көкейінде «МузАрттың» он жылдық концерті қалай өтер екен» деген сауал тұрған шығар, бірден содан бастайықшы...

– Осы он жыл ішінде тек «МузАрттың» өзі айтқан әндердің саны 50-ді еңсеріпті. Әңгіме тек әннің санында емес, осы он жылда жүрегін біздің әнімізбен әлдилеп, жанын біздің әнімізбен жұбататын қаншама жанкүйеріміз қалыптасты. Халықсыз, тыңдармансыз әнші әнші емес, сондықтан біз өз мерейтойымызды қалай өткізетінімізді олармен ақылдасып шешсек деп, жеке сайтымызда сауалнама жүргізудеміз. Өзімізден де бірақ идеялар туындап жатыр. Алла қаласа, Алматы мен Астанадан бастау алған он жылдық мерейтойда бүкіл Қазақстанды аралап, қала берді, қазақ көп шоғырланған алыс-жақын шетелдерге де шығатынымызды айта аламын, қалғаны тосынсый болғаны қызық қой.

– Вокалды-аспапты ансамбль құрып, жанды дауысты жандандыруда жақсы бастама көтергендеріңіз аян. Алайда жалпы қазақ эстрадасы соған қаншалықты дайындығын көрсетті?

– Бізде жанды дауыста айтуға қабілетті әншілер көп, шүкір. Тек біздің жалпы дауыс жайлы, эстрада жайлы көзқарасымыз көбіне түзу бола бермейтіні өкінішті. Мысалы, «қазір кім көрінген компьютермен дауыс жасап алады» дейтіндер бар, соларға айтарым, бәрібір мың жерден әспеттесең де, қарғаны бұлбұл қыла алмайсың. Демек, олар ойлағандай қазір эстрадада жүргендердің бәрі бірдей «қолдан жасалған бұлбұлдар» емес. Үлкен буынды айтпағанда, қазіргі жас әншілеріміз, «Суперстардың» жеңімпаздары – Алмас Кішкенбаев, Қайрат Түнтеков, Нұржан Керменбаев т.б. қай-қайсысы болсын жанды дауыста кез келген сахнада тайсалмай орындап бере алады. Ал енді техникалық тұрғыда әңгіме басқа. Дыбыстық ұлғайтқыш т.б. музыкалық құрылғылар мүмкіндігінің сапасы төмен болған жағдайда кез келген әнші ауытқиды. Тек қазақ эстрадасы ғана емес, әлемге әйгілі жоғары кәсіби әншілердің де кейде сол себептен мүлт кететін кездері болады. Тіпті поп-музыка королі саналатын марқұм Майкл Джексонның да сондай бір тұсын өз басым ғаламтор арқылы көргенмін. Алайда бір-екі рет солай болғаны үшін ешкім «ойбай, Майкл ән айта алмайды, өтірік әнші екен» демейді ғой. Ал бізде жанды дауысты тыңдап үйренбегендер бір әншінің сәл бір нотадан ауытқығанын байқаса, бітті, ол әншіні жоққа шығаруға дайын тұрады. Меніңше, олай дейтіндердің өзі – жанды дауысты тыңдай білмейтіндер. Мәселен, көптеген сахнаның, тойханалар мен салтанат сарайларының акустикалық, техникалық жағдайлары да жанды дауыста ән салуға мүмкіндік бермейді. Кейде өзіміздің де жанды дауыста айтуға мүмкіндігіміз болма­ғандықтан, фонограмма қолданатын кездеріміз болады, бірақ соғұрлы көкейімізде «қап, тірі дауыста шырқап жіберсе ғой» деген құмарлық тыныш таптырмайды. Бірақ қалай шырқайсың, егер бір микрофонның дауысы екіншісімен бірдей шықпаса, оны қадағалайтын дыбыс операторлары жоқ болса?! Сол үшін қандай да бір желсөзге ерік бермей тұрып, осы тарапта сауаттанып, түсінік қалыптастырып алу керек бізге.

– Әйтсе де қоғам тек ондай мұрын шүйіруге ғана шамасы жететіндерден ғана тұрмайды, «МузАрттың» интернет сайтының ашылуы сондай талғам-таразысы биік жандар мен жанкүйерлеріңіздің талабынан туындаған іс деу керек. Батысты айтпағанда, Ресейде сіздер секілді танымал топ, жұлдыздар жайлы әлдеқашан арнайы фильм түсіріп, кітап шығарып қояр еді. Бізде осы он жылда «МузАрт» жайлы кітап жазсам деген қаламгер, фильм түсірсем деген режиссер табылды ма? 

– Негізі, «МузАрттың» басқан әрбір қадамы демесек те, көптеген концерті т.б. таспаға түскен. «Әттеген-ай, қап, мына жерде камераның болмай қалғаны-ай» деген де тұсымыз аз болған жоқ. Сол қолда бар біршама дүниені жинақтап, фильм жасау көптен ойда жүр. Онда біздің әу баста қалай бас қосқандығымыз жайлы өз естелігімізбен қатар, көпшілік жұрт, зиялы қауым, өнер тарландары арасында «МузАрт» кім» деген сауалнама жүргіземіз, бұйырса. Мейлі, онда біреудің сыны да жүруі мүмкін, бірақ ол да біз үшін маңызды. Ал кітап жайлы айтсақ, болашақта «МузАрт» жайлы естелік-эссе жазуды қолға алып жатсам, таңғалып, таңдай қақпаңыз (күлді). Жазу қолымнан келетін сияқты, негізі. Бала кезімнен кітапты көп оқитындардың бірімін. Тек кейіпкерлерін шатастырып алатыным жаман (күлді).

– Кейінгі кездері on.kz сайтында жеке блог жүргізуіңіздің өзі сіздің бір үлкен дүние жазуыңызға дайындық шығар, бәлкім?

– Жаһандану заманында ғаламтордың мүмкіндігі мен оңтайлы жағы көп қой. Оның үстіне электронды поштаны біреудің атынан біреу ашып ала беретін заман болды ғой. Сәкен Майғазиев деген атпен іздесеңіз, дәл қазір 20 шақты «әлем» бір-ақ шығады.

– Соның ең құрығанда біреуі өзіңіздікі ме?

– (күлді) Тіпті екеуі менікі, оны (логин) мен тек өзіммен тығыз қатынаста болатын өздеріңіз секілді журналистер мен аранжировка жасайтын музыканттарға, ақын, сазгерлерге, дос-жараныма ғана беремін. Менің on.kz-ке тіркелгенім де, бір жағы, сол, ол жерде менің жіті қадағалауымда екенін бәрі біледі. Блог жүргізу арқылы мен жеке ой-толғанысымды ортаға салып, сауалнама жүргізе аламын.

– Кейінгі кезде «Мейрамбек «МузАрттан», тіпті әннен кетіп қалады екен», сол сияқты «Болат жеке шықпақшы» деген сөздер кезіп жүр. Осының қайсысы өтірік, қайсысы шын? Сондай ақ «МузАрт» тобы «Досмұқасан» не «Ялла» секілді шаштары ағарғанша топты сақтап қалады деп сенімді түрде айта аласыз ба, қандай да бір келісімшарт бар ма осы тұрғыда?

– Батыстық шоу-бизнесте жұрт аузында жүру үшін әдейі қара пиар таратуды үрдіске айналдырған, Алла сақтасын, «МузАртта» ойдан жасалған нәрсе болған емес. «Жел тұрмаса, шөптің басы қимылдамайды» деп қазақ тегін айтпаған. Әлгіндей сөздердің шет жағасы дұрыс. Мысалы, Болат шын мәнінде «МузАрттан» кетті. Өзі сондай иманды, ибалы жігіт, айта алмай ұзақ жүріпті. Ұлықпан ағамыз келіп: «Балам жеке шығармашылығын дамытқысы келеді екен, баталарыңды беріңдер, сендерден рұқсат болса...» – деді. Біз де ақ жол тілеп, жібердік. Бізде ешқандай біреуді еріксіз байлайтын құжат та, ондай пиғыл да жоқ. Бәрі адамгершілікпен жасалады. Мейрамбектің айтуынша, ол өнерден кетпейді, ол жағынан қорықпай-ақ қойыңыздар, өзінен де сұрап көріңіздер. Ал енді кепілдік мәселесіне келсек, ертең не болары тек бір Аллаға ғана аян. Біздікі тек арман ғой.

– Қазір әншілер т.б. өнер адамдарының көбі жайнамазға жығылып, Алласын танып жатыр. Солардың ішінде жүре келе, «ән – харам» деп сахнадан кетіп жатқандар бар, осындай жағдай сізді алаңдатпай ма?

– Алланың ақ жолында жүрген өнерлі жастарымыз баршылық, шүкір. Мысалы, «melomen»-дік бауырларымыздың бағыты дұрыс: әрі иманды, таза жүреді, адам­гершіліктері қандай ол жігіттердің! Сонымен қоса олар заманауи стильде де талғаммен киіне біледі. Алланы насихаттайтын әндерді де, таза эстрадалық әндерді де кәсіби дәрежеде орындайды, бір сөзбен айтқанда, алтын орталықты ұстанып жүр. Негізі, тек әншілердің ғана емес, жалпы қазақтың түрлі сенімдер жетегінде кеткені мені қатты алаңдатады.

– «МузАрттан» тыс жеке әндеріңізді тыңдап жүрміз, әсіресе Нұрғиса Тілендиев, Тұманбай Молдағалиевтей классик ағаларымыздың «Құстар әнін» сіздің орын­дауыңызда тыңдағанда «ән өз орындаушысын енді тапқандай» деушілер бар. Сәкен Майғазиев ретінде жеке ән жинағыңызды шығару жоспарыңызда бар ма?

– Бар күш-жігерімді бірінші кезекте «МузАртқа» салғаннан кейін бе, өз шы­ғармашылығыма аса көңіл бөлмеппін. Соның өзінде ара-тұра жеке әндер жазылып жатты. Мысалы, жеке күйтабақ шығару үшін кем дегенде 17-18 ән керек, 12 әнмен де шығарып жатқандар бар. Бұрынғысы, кейінгісі бар, 30-ға тарта ән жиналып қалыпты. Екі диск шығарсам деп жүргенмін, қызық болғанда, таяуда маған біреу «күйтабағың құтты болсын» деп қоңырау шалып тұр. Қапелімде естіп, аң-таң болып қалдым. Бастапқыда менің келісімімсіз жасаған «қарақшыларға» қарным ашты, артынан «е, демек, менің әндерімді көпшілік керек еткен, сұраныс болған соң, жасаған ғой» деп қайта қуандым. Ренжіген күнде де бәрібір табылмайтын «қарақшылар» ғой олар. Бірақ алдағы уақытта сапасы жоғары, лицензияланған жинағымды өз қолыммен шығарғым келіп жүр.

– Қазақ эстрадасымен қатар, елімізде Мақпал Исабекова, Иван Бреусов, Дильназ Ахмадиевалар секілді қазақстандық әншілер де бар. Арада бір алшақтық байқала ма әлде «илегеніміз бір терінің пұшпағы ғой» деген түсінік басым ба? Сондай-ақ халықаралық байқауларға қатысып жүрген эстрада өкілдері жайлы ойыңыз қалай?

– Бұрыннан бір іштей тілеп жүретін тілегім бар еді, ол – Қайрат Түнтеков халықаралық байқауға қатысса екен деген ой. Өткен жылы Қайрат «Новая волнада» шырқады. Әрине, оған өз мүмкіндігін көрсетуге толық мүмкіндік берген жоқ, славяндықтардың шовинизмін білеміз ғой. Тіпті Қайраттың шеберлігін көрсететін,орындап жүрген французша әнін де айтқызбай, қысым жасап, барынша дауыс мүмкіндігін көрсетпейтін ән бергенін іштей сеземін. Қайраттай қазақтың қаршадай ғана баласының поп-музыка королі Майкл Джексонның әнін еркін орындайтынына риза боламын. Кейбір үлкен кісілердің соған қарсылық білдіріп, сыртынан түрліше сөз айтатындарын түсінбеймін. Қайрат – өз бағытының биігінде. Оның домбырамен дәстүрлі ән салып тұрғанын елестете аласыз ба? Ал енді орыстілді, қазақтілді болып бөліну жоқ емес, бар, бірақ бір кездегідей емес, қазір қазақ эстрадасының орнын, рөлін көпшілігі мойындайды. Қазақ өнері өркендей берсін!

– Әңгімеңізге көп рақмет, шығармашылық табыс тілейміз!



• Күлеміз бе?

«Виртуалды Сәкендердің» бірі әлемдегі барлық досына «егер менің шын жанкүйерім болсаң, телефоныма 500 теңге сала сал» деп спам таратыпты. Естігенде «тым құрыса, мың теңге сұрамады ма екен...» деп күлдім.

• Айтпайын десең...Үйінен жаназа шығартпайтындар, әке-шешесіне қарсы шығатындар, келінге сәлем салдырмайтындар, тіпті еліміздің туын көтертпейтіндер көбейіп кетті ғой. Атам қазақ «Отанды сүю – иманнан» дейді. Ал әлгіндей ту ұстатпайтындар – меніңше, біздің елімізді іштей ірітуге, қазақтың ұйыған бірлігін бұзуға әдейі жымысқы саясат жүргізуші, жат пиғылды сектаның құрбандары.


Сұқбат Республикалық қоғамдық-саяси күнделікті газет -"Алаш айнасының" 27 қаңтардағы нөмірінен көшірілген

SHATTYKPEN KUN KESHINGIZ!!!

Normal
0





false
false
false

RU
X-NONE
X-NONE














MicrosoftInternetExplorer4






























































































































































/* Style Definitions */
table.MsoNormalTable
{mso-style-name:"Обычная таблица";
mso-tstyle-rowband-size:0;
mso-tstyle-colband-size:0;
mso-style-noshow:yes;
mso-style-priority:99;
mso-style-qformat:yes;
mso-style-parent:"";
mso-padding-alt:0cm 5.4pt 0cm 5.4pt;
mso-para-margin:0cm;
mso-para-margin-bottom:.0001pt;
mso-pagination:widow-orphan;
font-size:10.0pt;
font-family:"Times New Roman","serif";}
















[ Читать далее... → ]