Откройте свой Мир!

Зайдите на сайт ➤введите промокод  ml_4993  при регистрации➤ получите авансовую ставку 
https://bit.ly/2JGlvTc

Здравствуйте ! 
Мы с нашей командой начинаем очень важный проект в интернете! Он направлен на возможность разрешить две большие проблемы: трудности художников по продаже собственных картин и с другой стороны-трудности потребителей в выборе и покупке живописного произведения искусства! 
Прошу Вас уделить 5-7 минут своего времени для изучения Нашего проекта. Буду рад получить обратную связь! Адрес сайта  www.rammka.com

Будем рады видеть Вас в Нашей команде!
С уважением, Александр Турченко 

2017 жылғы 3 қараша күні сағат 17.00 – де Ә. Қастеев атындағы ҚР Мемлекеттік өнер музейінің Орталық көрме залында Қазақстан Республикасының Суретшілер одағының «Суретші уақыт ағымында» атты есеп беру көрмесінің ашылуы өтеді.

Қазақстан Республикасының Суретшілер одағы XVIII съезі қарсаңында шығармашылық қызметін үлкен көрмемен қорытындылайды. Көрмеде Қазақстанның әр түрлі өңірлеріндегі суретшілердің шығармашылықтары ұсынылады: Шымкенттен – Палымбетов Е., Иляев С., Шилибаев Н., Тараздан – Денисов Н., Рахимжанов М., Хусаинов Б., Павлодардан - Игембаев А., Шуранов О., Приходько В., Талды-Қорғаннан – Әбділдаев М., Қарағандыдан – Есіркеев М., Аманбаев М., Кишкис П. Көрменің едәуір бөлігін алматылық суретшілердің туындылары қамтиды.

«Суретші уақыт ағымында» атты көрменің тақырыбы өнер шеберлерінің сюжет, жанрлар мен түрлерін таңдауда шектеу жасамайды. Тарихи өткенге және рухани құндылықтарға көзқарас, ұлттық мәдени жадымыздағы идеялар мен ұстанымдарды сақтау және басқа да көптеген заманауи ең кең ауқымды мәселелердің тобы Қазақстан суретшілерінің назарынан тыс қалған жоқ. Көрме пластикалық тәсілдердің алуандылығын, авторлық стилистикалардың айқындылығын, бейнелеу өнері бағыттарының барлық жағынан классикалық дәстүрлерге деген бейімділігін көрсетеді.

Көрмеде кескіндеме, мүсін, графика, сәндік-қолданбалы өнер туындылары ұсынылған. Жаңа шығармаларды Қайрамбаев Жұмақын, Хайруллин Қадыржан, Каметов Қадірбек, Жұманов Есімғали, Тайнов Серік, Әлжанов Серік сияқты суретшілер, график-суретшілер Ордабеков Темірхан, Хайруллина Әсия, Ермоленко Александр, мүсіншілер Өскенбай Малик, Қадіров Құрманғазы, Бралиев Хамит сәндік-қолданбалы өнер шеберлері Беккұлова Айжан, Бөлтірікова Сәуле, Мұхамеджан Зейнелхан және басқалар жарыққа шығарады.

Өнер әрқашанда суретші өмір сүрген және қызмет еткен уақытқа әсер етеді. Шығармашылық артефактілердің көркемдік-бейнелі тілінде суретші еңбек еткен дәуірдің қайшылықтары мен ырғақтары көрініс табады, арада көптеген жылдар өткен соң, бұл белгілер келер ұрпаққа алдыңғы жылдардың мақсат-мұраттары мен дабылын, жетістіктерін көрсететін ерекше мәнерге ие болады. Осыдан, суретшінің уақыт пен болашақ алдындағы жауапкершілігі ерекше деуге болады.

КүлжазираМукажанова -
көрме жетекшісі

Ә. Қастеев атындағы өнер музейінде 2016 жылы 16 наурызда сағат 16.00 де суретші Бапановтардың «Аспан» атты көрмесінің ашылуы өтеді.
Бүгінгі күнгі «Аспан» атты көрмеде суретшілер өздерінің жаңа өнер туындыларымен, заманауи шығармашылық ізденістерімен ерекшеленеді.Бапановтар әулетінің «Аспан» атты көрмесінің ерекшелігі ойнақы ашық түсте, көркем орындалған кескіндемелер адам бойына шаттық сыйлап, күш-қуат берсе, шытырмандығы адамды терең ой иірімдеріне жетелейді.
Адамның ішкі рухынан туындаған өнер ұрпақтан-ұрпаққа жалғасып, сол халықпен мәңгі жасайды. Бапановтар жанұясы да осы өнерді сабақтастырушы әрі оны дәріптеуші. Қазақ өнерінің өркендеп дамуына өздерінің сүбелі үлестерін қосып келе жатқан Әлібай және Сәуле Бапановтар туған жердің топырағынан нәр алып, ана сүтімен дарыған киелі өнер арқылы қазақ болмысын әлемге паш етіп келеді. Ал олардың ұлы Ағын бүгінгі күні әкесі мен анасының өнердегі ізін басып, оған жаңаша заманауи серпін берген жас өрен, бүгінде өнердің дамуына өзінше үлес қосуда. Әлібай Бапановтың шығармалары қазақтың ұлттық ертегісіндей, адамның ой-өрісін қиял қанатына мінгізіп, әлемді шарлататындай терең мазмұндылығында. Ертегі де мифке ұқсас, оның шыққан кезеңі мен пайда болған уақыты белгісіз болғанымен, онда ұлттық нақыш басым. Шығармада өмір мен адам тіршілігі қатар дамығанымен, онда өмір қайталанбайды, дегенмен бейнелер өмірден алынады. Жалпы Әлібай Бапановтың кескіндемелері мен гобелендерінің шығармашылық идеясы, көркемдік тілі дәстүрлі және заманауи өнердің синтезінде құрылған. Өнердің қайнар көзі ұлттық өзектен нәр алады.Сәуле Бапанова ғаламдағы бүкіл дүниені көркем қиялы арқылы біртұтас етіп асқан шеберлікпен құрастыра білген. Суретшінің жүнді ерекше технологияда және түрлі материалдармен кіріктіріп басылған құрақтары ерекше.
Ә. Бапанов 1973жылы Мәскеудегі В.И.Суриков атындағы Мемлекеттік көркемсурет институтының монументалдық кескіндеме факультетін Ресейдің Халық суретшісі, сол кездегі Третьяков галереясының бас директоры Ю.К.Королевтің жеке шығармашылық шеберханасында оқып бітірді.
Әлібай Бапанов 1981жылы Алматының көркемсурет училищесінде оқытушы және «Өнер» бейнелеу өнері комбинатында монументалдық кескіндемеші ретінде шығармашылық еңбек жолын бастады.
Ә. Бапанов1987жылдан Т.Жүргенов атындағы Қазақ Ұлттық Өнер академиясындааға оқытушы, доцент, профессор, жеке шығармашылық шеберханасының жетекшісі ретінде студенттерге дәріс береді.
Ә. Бапанов пен С. Бапанова екеуі бірігіп 40 шақты жеке шығармашылық көрме ұйымдастырды, оның 15-і алыс шет елдерде болды.Ә.Бапанов 1988-2000жылдары Т. Жүргенов атындағы Қазақ Ұлтық Өнер академиясында монументалдық кескіндеме кафедрасының меңгерушісі болып қызмет атқарды. Осы жылдары Ә.Бапанов мамандыққа байланысты бакалавриаттық және магистратуралық оқу жүйелеріне негізгі бағдарламаларды жазып құрастырды, олар: монументалдық кескіндеме, арнайы сурет, композиция пәндері.
Ә. Қ. Бапанов 1981 жылдан ҚР СО мүшесі
2007 жылы «Қазақстан Республикасы Көркемсурет академиясы» ҚҚ академигі, 2012 жылдан Халықаралық Американ гобелен альянсының мүшесі.
Ә. Қ. Бапанов ұзақ жылдар бойы Қазақстан Суретшілер одағының Басқарма және алқа мүшесі болды. КСРО Суретшілерінің VIII съезіне делегат болып қатысты.
2003 жылы «Ерен еңбегі үшін» медалімен марапатталды.
2008 жылы Тәуелсіз «Платина Тарлан» сыйлығының лауреаты атанды.
2011 жылы «Қазақстан Республикасының Тәуелсіздігіне 20 жыл», 2013 жылы «Үздік шығармашылығы үшін» мерекелік медальдарымен марапатталды.
Сәуле Бапанова ҚР Еңбек сіңірген қайраткері, Т. Жүргенов атындағы Қазақ Ұлттық Өнер академиясының профессоры.
Ағын Бапанов1999 – Республикалық көркемсурет колледжі, кескіндеме және мүсін бөлімін тәмамдады. 2006 – КИМЭП, маркетинг менеджері, іскерлікпен басқару магистрі
2003 — КазГАУ (бұр. ХШИ), қаржы менеджменті, бакалавр.
Көрменің жетекшісі - Гүлайым Жұмабекова

2016 жыл, 17 ақпан, сағ. 15.00 де Ә. Қастеев атындағы ҚР Мемлекеттік өнер мұражайы мен Ә. Қастеевтің мұражай-үйі «Атамұра» корпорациясы ЖШС-нің демеушілігімен 2015 жылдың соңында «Атамұра» баспасынан жарық көрген «Ә. Қастеев. Ою-өрнектер» атты альбом-кітапбының тұсаукесерін өткізеді.

Ұлы суретшінің қолы қалт еткен демалыс сәттерінде, жиналыста, жолда т.б. мүмкіндік туған жерлерде қойын дәптеріне немесе әр-түрлі қағаздарға өзінің сонау балалық шағынан сүйікті ісіне айналған ою-өрнектерді сызбалап, үнемі жаңа түрлерін жасау «ермегі» қиялына қанат бітіріп, өзгеше шығармашылық шабытқа шақырғандай еді...

Пейзаждық, жанрлық, портреттік жұмыстарын жасай жүре суретші халқының қол өнеріне, этнографиялық ерекшеліктеріне терең мән беріп, халық өнерінің ұлылығына тәнті болып өскенін, сол дәстүрді еуропалық өнер үлгісімен жалғастырғаны белгілі.
Бұл альбом-кітапта Қазақстанның Халық суретшісі, Ш. Уәлиханов атындағы Мемлекеттік сыйлығының иегері Әбілхан Қастеевтің қолынан шыққан авторлық ою-өрнектерінің отбасылық мұрағатта сақталып қалған үлгілері көрініс тапқан.

Суретшінің қыздары Гүлдәрия мен Гүлнәзия Қастеевалар әке қалдырған мол мұраның ішіндегі осынау бір өзгеше өнер туындыларына мән беріп, сақтай келе, енді міне көпшілік қауымның игілігіне айналдыру үшін талаптанған екен.

Мұндай игі қадамға қызу қолдау көрсетіп, қол үшын берген «Атамұра» корпорациясы ЖШС-нің Президенті Рақымғали Абрарұлы Құл-Мұхаммедке ұлы суретшінің ұрпағы ғана емес, бүкіл өнер сүйер қауымның алғысы шексіз болуға тиіс. Альбом-кітаптың алғысөзін жазған – Гүлнәзия Әбілханқызы Қастеева.

Тұсаукесерге өнертанушылар, суретшілер, қолөнер шеберлері, журналистер, өнер оқу орындарының ұстаздары мен шәкірттері шақырылады.