Карагоз Сагалова,
05-03-2016 13:06
(ссылка)
ОТАН АЛДЫНДАҒЫ АЗАМАТТЫҚ БОРЫШ
ОТАН АЛДЫНДАҒЫ АЗАМАТТЫҚ БОРЫШ Бүгінгі ата-ана тамыр-таныс іздеп, баласын әскерге жіберуге бейiм
Ұлттар мен ұлыстардың бір тудың астына бірігіп, мемлекет құрылған ықылым заманнан бері ел басқарушыны қорғайтын арнайы жауынгерлер болған. Ең алғашқы әскери жасақ ХІІ ғасырда Италияда құрылған. Оның атауы – Гвардия. Бұл сөз мемлекеттік туды күзетуші жасақ деген мағынаны білдіреді. Қазақ мемлекетінің негізі қаланған тұста Жәнібек пен Керейді арнайы сарбаздар күзеткен. Кейін Есім, Қасым, Тәуке хандар өздерін қорғайтын арнайы әскер ұстаған. Оған тек ақсүйек тұқымынан ғана сарбаз алынған. Олар ханның өзін және отбасын қорғау, елшілер келсе, солардың алдында жоралғылық рәсім өткізу сияқты істермен айналысқан. Ал еліміз тәуелсіздік алғаннан кейін елбасын күзетіп, түрлі жоғарғы ресми шараларды өткізуге атсалысатын «Ұлан» жасағы құрылды. Биыл ұландықтар 20 жылдығын атап өтпек.
Бүгінде еліміздің Қарулы Күштерінің негізін ұрысқа қабілетті, қазіргі заманғы техникамен және қару-жарақпен жарақталған, қуаты мен ұтқырлығы жоғары, ел қауіпсіздігін қамтамасыз ету жөніндегі міндеттерді шеше алатын жоғары технологиялы, кәсіби армия құрайды. Бұл – өз Отанының нағыз патриоттары қызмет ететін армия, беделді қызмет. Отан қорғаудағы қасиетті борыш – тек қана қанды қырғын, шабуыл-шайқаспен ғана өтелмейді, ол еліміздің күш-қуатын нығайта отырып, оны бейбіт уақытта да қорғауға болады. Отан үшін аянбай еңбек ету, қарулы күшінің қатарын толықтыру - патриоттық іс. Қазақ елі – қашаннан жауынгер, намысшыл, ұлтжанды халық. Ерлік ешқашан ұмытылмайды, жылдар өткен сайын оның мәртебесі өсе түседі. Бүгінде егемен мемлекеттің маңызды нышандарының бірі – төл Қарулы Күштерімізді құра алдық. Егемендіктің алғашқы кезеңінде мемлекет әскери қауіпсіздігін қамтамасыз етудің нормативтік-құқықтық базасының негізі қаланды. Бүгінде әрбір ер азаматқа әскерге бару Отан алдындағы борыш саналады. Қазіргі таңда көктемгі әскери шақыру науқаны қызған шақ. Осы орайда «Сыр сарбаздарының қаншасы Отан алдындағы борышын өтейді, соңғы уақыттары әскерге баруға ниет білдірушілердің қатары не себептен артып отыр?» деген секілді сауалдар төңірегінде ой қозғасақ.
Еліміз тәуелсіздік алған алғашқы жылдарға дейін ата-ана баласын әскерге жібермеудің айласын жасайтын. Қазір жағдай мүлдем өзгерді. Керісінше, тамыр-таныс іздеп, балаларының Отан алдындағы азаматтық борышын өтеп қайтқанын қалайды. Сондағы ойлары - «ұлымның ертең мансабы өссін, ҰҚК-ға, полицияға орналасып, шен алсын» деген үміт. Мұны «Отан алдындағы борышын өтеді» деген әскери билет болмаса, күзетшілік қызметке де жарамайтындығымен байланыстыруға болады. Содан болар, ел арасында «бұрын баламызды пара беріп, әскерден алып қала алмасақ, енді пара ұсынып, жібере алмайтын болдық» деген әңгіме де айтылатын болды.
- Осыдан 20 жыл бұрын Қазақстан Қарулы Күштері құрылды. Осы уақыт ішінде армиямыздың күш-қуаты артып, абыройы асқақтады. «Жаман айтпай, жақсы жоқ» демекші, қандай жағдайға болсын төтеп беруге еліміздің қарулы күштері сақадай сай. Жасыратыны жоқ, соңғы кездері Отан алдындағы борышын өтеуге ниеттілер көбейді. Бұл үгіт-насихат жұмысының жақсы жүргізілгендігінен десем болады. Қазір сарбаздар «әскери билет үшін» армияға барады деген пікір артықтау. Бұған байланысты өткен жылдан бері арнайы зерттеу жүргізіп келеміз. Әскерге шақырылған азамат арнайы зерделенуден өтеді. Бұл үш кезең бойынша жүзеге асырылады. Онда әскери комиссариаттан өтуші азамат толық тексеріледі. Оның отбасылық жағдайы, адамдармен қарым қатынасы секілді мәселелер де назардан тыс қалмайды, - дейді Қызылорда облыстық қорғаныс істері жөніндегі департамент бастығының орынбасары, майор Мұрат Айдаров.
Заң бойынша 18 бен 27 жас аралығындағы азамат Отан алдындағы борышын өтеуге құқылы. Тек әскерден денсаулығы жарамсыз, білім алушылар, отбасын құрып, балалы болғандар босатылады. Осындай түрлі себептермен әскер қатарында болмағандар 33 жасқа дейін жеделдетілген бір айлық жаттығуға баруына болады. Бірақ оның да өзіндік шарттары бар. Негізі сарбаздың техникалық білімі, тепсе темір үзетін денсаулығы болуы - оны әскерге жарамды ететін шарттардың ең бастылары. Бүгінде шақырылғандардың денсаулығын тексеретін медкомиссияның «наны жүріп» тұр. Бұрын майтабанды «желтабан» етіп, салмағы толмағанды «оңалтатын», әскерден қашқақтағандарды «кейінгі шақыруға» қалдыратын кейбір дәрігерлер, бүгінде «жарамайсың» деп шешім шығара салады. Ата-аналар болса, баласын қалай әскерге жарамды етемін деп шырылдап жүр. Әрине, барлық дәрігерлерді кінәламаймыз. Алайда, бес саусақтың бірдей еместігі секілді, арасында бұра тартатындар да кездесетіні шындық. Расында, бүгінгі әскерге шақырылатындардың бұрынғымен салыстырғанда аралары жер мен көктей.
- Жалпы, әр әскери маусымда Отан алдындағы борышты өтеу үшін Сыр елінен бір мың сарбаз аттанады. Сонда бір жылда 2 мың азамат Отан алдындағы борышын өтеп келуде. Дәрігерлік тексеріске келетін болсақ, бұл үкіметтің қаулысына сәйкес жүзеге асырылады. Бірінші кезекте аудандық және қалалық жерде тексеруден өтсе, облыстан 12 дәрігердің алдынан өтуге міндетті, - дейді Мұрат Нәрзілдаұлы.
Отан үшін отқа түскен батырларымыздан бері қарайғы кезеңде, өткен ғасырдың басында Алаш арыстары Әлихан Бөкейханов, Ахмет Байтұрсыновтар қазақ халқының елдігін, мемлекеттігін сақтап қалу жолында жан қиды. Ұлы Отан соғысы жылдарында қазақ жауынгерлері патриоттықтың озық үлгісін танытып, өзге ұлттардың алдында еңсесі биік тұрды. Бірақ мұнымен Кеңес үкіметінің қайғылы тарих беттері біткен жоқ. Он бес елді бір тудың астына біріктірген Қызыл империя құрдымға кетерден бұрын Кеңес әскерін Ауғанстан жеріне кіргізген болатын. Қайсарлығы қанында бар қазақ жігіттері майданның алғы шебінен табылды. Қазір құдайға шүкір, бейбітшілік заманда өмір сүріп жатырмыз. Ерлік жасау үшін соғыс болу міндетті емес. Содан соң әскер қатарында болғанның барлығын ерлік жасағандар деуге келмес. Олар - Отан алдындағы борышын өтеушілер. Ерлік деген сөздің мағынасы терең, дәрежесі биік. Ол атақты бағындыру екінің бірінің қолынан келмейді. Өз басын қатерге тігіп, өзгенің өмірін арашалап қалған жанды ерлік жасады деуге болады.
«Тәрбие - тал бесіктен» деген атам қазақ, көкірегінде намысы бар, бойында күш-қуаты бар, Отан үшін отқа түсетін ұрпақ өсірді. Ата-баба аманаты болып қалған ұлан-байтақ қазақ даласын аман сақтап, бейбіт күнде баянды тіршілік ету тәртіп пен тәрбиеге байланысты. «Тәртіпсіз ел болмайды, тәртіпке бас иген құл болмайды» деп Бауыржан Момышұлы бекер айтпаған. Сондықтан Отан алдындағы борышты әскери билет үшін емес, әр азамат өз парызым деп түсінгені абзал.
интернеттен алынган
Ұлттар мен ұлыстардың бір тудың астына бірігіп, мемлекет құрылған ықылым заманнан бері ел басқарушыны қорғайтын арнайы жауынгерлер болған. Ең алғашқы әскери жасақ ХІІ ғасырда Италияда құрылған. Оның атауы – Гвардия. Бұл сөз мемлекеттік туды күзетуші жасақ деген мағынаны білдіреді. Қазақ мемлекетінің негізі қаланған тұста Жәнібек пен Керейді арнайы сарбаздар күзеткен. Кейін Есім, Қасым, Тәуке хандар өздерін қорғайтын арнайы әскер ұстаған. Оған тек ақсүйек тұқымынан ғана сарбаз алынған. Олар ханның өзін және отбасын қорғау, елшілер келсе, солардың алдында жоралғылық рәсім өткізу сияқты істермен айналысқан. Ал еліміз тәуелсіздік алғаннан кейін елбасын күзетіп, түрлі жоғарғы ресми шараларды өткізуге атсалысатын «Ұлан» жасағы құрылды. Биыл ұландықтар 20 жылдығын атап өтпек.
Бүгінде еліміздің Қарулы Күштерінің негізін ұрысқа қабілетті, қазіргі заманғы техникамен және қару-жарақпен жарақталған, қуаты мен ұтқырлығы жоғары, ел қауіпсіздігін қамтамасыз ету жөніндегі міндеттерді шеше алатын жоғары технологиялы, кәсіби армия құрайды. Бұл – өз Отанының нағыз патриоттары қызмет ететін армия, беделді қызмет. Отан қорғаудағы қасиетті борыш – тек қана қанды қырғын, шабуыл-шайқаспен ғана өтелмейді, ол еліміздің күш-қуатын нығайта отырып, оны бейбіт уақытта да қорғауға болады. Отан үшін аянбай еңбек ету, қарулы күшінің қатарын толықтыру - патриоттық іс. Қазақ елі – қашаннан жауынгер, намысшыл, ұлтжанды халық. Ерлік ешқашан ұмытылмайды, жылдар өткен сайын оның мәртебесі өсе түседі. Бүгінде егемен мемлекеттің маңызды нышандарының бірі – төл Қарулы Күштерімізді құра алдық. Егемендіктің алғашқы кезеңінде мемлекет әскери қауіпсіздігін қамтамасыз етудің нормативтік-құқықтық базасының негізі қаланды. Бүгінде әрбір ер азаматқа әскерге бару Отан алдындағы борыш саналады. Қазіргі таңда көктемгі әскери шақыру науқаны қызған шақ. Осы орайда «Сыр сарбаздарының қаншасы Отан алдындағы борышын өтейді, соңғы уақыттары әскерге баруға ниет білдірушілердің қатары не себептен артып отыр?» деген секілді сауалдар төңірегінде ой қозғасақ.
Еліміз тәуелсіздік алған алғашқы жылдарға дейін ата-ана баласын әскерге жібермеудің айласын жасайтын. Қазір жағдай мүлдем өзгерді. Керісінше, тамыр-таныс іздеп, балаларының Отан алдындағы азаматтық борышын өтеп қайтқанын қалайды. Сондағы ойлары - «ұлымның ертең мансабы өссін, ҰҚК-ға, полицияға орналасып, шен алсын» деген үміт. Мұны «Отан алдындағы борышын өтеді» деген әскери билет болмаса, күзетшілік қызметке де жарамайтындығымен байланыстыруға болады. Содан болар, ел арасында «бұрын баламызды пара беріп, әскерден алып қала алмасақ, енді пара ұсынып, жібере алмайтын болдық» деген әңгіме де айтылатын болды.
- Осыдан 20 жыл бұрын Қазақстан Қарулы Күштері құрылды. Осы уақыт ішінде армиямыздың күш-қуаты артып, абыройы асқақтады. «Жаман айтпай, жақсы жоқ» демекші, қандай жағдайға болсын төтеп беруге еліміздің қарулы күштері сақадай сай. Жасыратыны жоқ, соңғы кездері Отан алдындағы борышын өтеуге ниеттілер көбейді. Бұл үгіт-насихат жұмысының жақсы жүргізілгендігінен десем болады. Қазір сарбаздар «әскери билет үшін» армияға барады деген пікір артықтау. Бұған байланысты өткен жылдан бері арнайы зерттеу жүргізіп келеміз. Әскерге шақырылған азамат арнайы зерделенуден өтеді. Бұл үш кезең бойынша жүзеге асырылады. Онда әскери комиссариаттан өтуші азамат толық тексеріледі. Оның отбасылық жағдайы, адамдармен қарым қатынасы секілді мәселелер де назардан тыс қалмайды, - дейді Қызылорда облыстық қорғаныс істері жөніндегі департамент бастығының орынбасары, майор Мұрат Айдаров.
Заң бойынша 18 бен 27 жас аралығындағы азамат Отан алдындағы борышын өтеуге құқылы. Тек әскерден денсаулығы жарамсыз, білім алушылар, отбасын құрып, балалы болғандар босатылады. Осындай түрлі себептермен әскер қатарында болмағандар 33 жасқа дейін жеделдетілген бір айлық жаттығуға баруына болады. Бірақ оның да өзіндік шарттары бар. Негізі сарбаздың техникалық білімі, тепсе темір үзетін денсаулығы болуы - оны әскерге жарамды ететін шарттардың ең бастылары. Бүгінде шақырылғандардың денсаулығын тексеретін медкомиссияның «наны жүріп» тұр. Бұрын майтабанды «желтабан» етіп, салмағы толмағанды «оңалтатын», әскерден қашқақтағандарды «кейінгі шақыруға» қалдыратын кейбір дәрігерлер, бүгінде «жарамайсың» деп шешім шығара салады. Ата-аналар болса, баласын қалай әскерге жарамды етемін деп шырылдап жүр. Әрине, барлық дәрігерлерді кінәламаймыз. Алайда, бес саусақтың бірдей еместігі секілді, арасында бұра тартатындар да кездесетіні шындық. Расында, бүгінгі әскерге шақырылатындардың бұрынғымен салыстырғанда аралары жер мен көктей.
- Жалпы, әр әскери маусымда Отан алдындағы борышты өтеу үшін Сыр елінен бір мың сарбаз аттанады. Сонда бір жылда 2 мың азамат Отан алдындағы борышын өтеп келуде. Дәрігерлік тексеріске келетін болсақ, бұл үкіметтің қаулысына сәйкес жүзеге асырылады. Бірінші кезекте аудандық және қалалық жерде тексеруден өтсе, облыстан 12 дәрігердің алдынан өтуге міндетті, - дейді Мұрат Нәрзілдаұлы.
Отан үшін отқа түскен батырларымыздан бері қарайғы кезеңде, өткен ғасырдың басында Алаш арыстары Әлихан Бөкейханов, Ахмет Байтұрсыновтар қазақ халқының елдігін, мемлекеттігін сақтап қалу жолында жан қиды. Ұлы Отан соғысы жылдарында қазақ жауынгерлері патриоттықтың озық үлгісін танытып, өзге ұлттардың алдында еңсесі биік тұрды. Бірақ мұнымен Кеңес үкіметінің қайғылы тарих беттері біткен жоқ. Он бес елді бір тудың астына біріктірген Қызыл империя құрдымға кетерден бұрын Кеңес әскерін Ауғанстан жеріне кіргізген болатын. Қайсарлығы қанында бар қазақ жігіттері майданның алғы шебінен табылды. Қазір құдайға шүкір, бейбітшілік заманда өмір сүріп жатырмыз. Ерлік жасау үшін соғыс болу міндетті емес. Содан соң әскер қатарында болғанның барлығын ерлік жасағандар деуге келмес. Олар - Отан алдындағы борышын өтеушілер. Ерлік деген сөздің мағынасы терең, дәрежесі биік. Ол атақты бағындыру екінің бірінің қолынан келмейді. Өз басын қатерге тігіп, өзгенің өмірін арашалап қалған жанды ерлік жасады деуге болады.
«Тәрбие - тал бесіктен» деген атам қазақ, көкірегінде намысы бар, бойында күш-қуаты бар, Отан үшін отқа түсетін ұрпақ өсірді. Ата-баба аманаты болып қалған ұлан-байтақ қазақ даласын аман сақтап, бейбіт күнде баянды тіршілік ету тәртіп пен тәрбиеге байланысты. «Тәртіпсіз ел болмайды, тәртіпке бас иген құл болмайды» деп Бауыржан Момышұлы бекер айтпаған. Сондықтан Отан алдындағы борышты әскери билет үшін емес, әр азамат өз парызым деп түсінгені абзал.
интернеттен алынган
Метки: Сагалова Карагоз
В этой группе, возможно, есть записи, доступные только её участникам.
Чтобы их читать, Вам нужно вступить в группу
Чтобы их читать, Вам нужно вступить в группу