Откройте свой Мир!

Ваш доход не менее 2000-3000 в день ( ГАРАНТИРОВАННО )
ЗАРПЛАТА КАЖДЫЙ ДЕНЬ !!!
Буквально 20-30 Минут работы в день
Пройди обучения за 5 минут ПРЯМО СЕЙЧАС ( Бесплатно )  ВХОД НА САЙТ

Ай му хагат му навихта,
Ми чахонандат йи дона.
Гайри ту хавасга мунд нист,
Тут пи осмон му ситора! 
                                                                                                                             Ар замин хац вевти тозза,                                                                                  Лап базебат ба фирихта.
 Кух тар тират ту шулва,
 Мест пи осмонат йи дона!

Бог дарун гулат ту лола,
Ар Бадахшонат йи дона.
Пок туят арранги чашма,
Об тучат лозар пи дара!

Цем цифум кинум бахона,
Сам ту даргора хабона.
Уз ту даргондир вирувчин,
Ачга чон мак ту ва бона!

Бехтарин вахти замона,
Фикриюм уз хар хабона.
Одиланд нист норизоги,
Ачаф мак ви дил ту хафа! ...Over_Baroj...

http://www.youtube.com/watc...
Disko KLub Port Said 10 Fevral-Tel:935972

Fokhir Yusufbekov
Таж ху мийенд мард ви Померият

Помер куйентир ку чӣз нози ту
Ғер каденард та ку чӣз кози ту
Духмани халқардта ку чиз рози ту
Гирди райӣсенга та чӣз жози ту
Йахти иморат га ку чӣз мози ту
Та'ж мийенд мард ви померият!!!!!

16-ум сессия чуд чархти ва'х
Тоҷики чуд цӯнд гуруярдга ба'х
Байни Шимол то пи Ҷануб тижмика'х
Нага йи зордъ хуш,буқайанд цӣх ху ца'ъх
Сесия нӯмтӣр ку чай дъодъҷ му та'х
Та'ж мийенд мард ви померият!!!!!

Рус зибудат помери нӯм га'хт ганс
Озод кадамзехьтга машард аванс
Артам ху ҷунбент,навуд дуса шанс
Буққа чи хез дъодъҷи ку лу мурд баланс
Йу ас бадахшӯнийи зӣд чуди танс
Та'ж мийенд мард ви померият!!!!!

Файзаъли танктири нивишт са'м ПАМИР
Са'мху ПАМИРУМТА букатъ тӣр чи бӣр
Цӯнда насақхел вудат цӯнд назӣр
Цунд вирод бед ху ви кудак сағӣр
Алёшат Маҷнунен ди да'шат чу гӣр
Та'ж мийенд мард ви померият!!!!!

Кулоб ту лихькар ку лу чай чуди ча'т
ШАБДОЛУФАТ ДУСТ ВИ РУЗЕН БРАТ
ПАЛЛА ГАИ вуд НАБИЮФ гад ви тат
А'м НАБИЙУФ чуди фуко де насиа'т
Маъш Ҷаноб чуди фукатъ де кидать
Та'ж мийенд мард ви померият!!!!!

МАМАДАМИН дъодъҷи КИНҶАра цинг
ДАВЛАТ ди САНГАК қати танктир фидинг
ЙИД НАБИ ЭЛЬЦИН кати вартъака ҷӣнг
Козийидавлат дъа пи шуро ту лӣнг
Ростанд виро ка'нди ви ҷой дисга ринг
Та'ж мийенд мард ви померият!!!!!

Дӯнишата ка'л ку лӯ чинд тъу додъ(г)
Кай йи вазорат га кинен тар ту бодь
Чуғҷен вазӣфа буқа савдо пиготъ
Хирбӣҷ миғунд цӯнда та сенам ху подъ
Ас де замӯна буқайо ятъч ба додь
Та'ж мийенд мард ви померият!!!!!

Дусаъм ца сат суст ху ба'нден зидухьт
Чанд маалла Харағарден нихухьт
Машам ху кунлес виродар ниғухьт
Зиден виродар ху шандам гимухьт
На'ни ху ғунчен га маъш хез тидухьт
Та'ж мийенд мард ви померият!!!!!

Помер цивинцрез, ди мадъет зуқ
Ӯ шӣг пи "ШОБОЙ ХА'ҶЕН" мадьа суқ
Машанда маш ҷой пи куят пи буқ
Лакет ми сарҳад хуба дъадъам куруқ
Мага калӯн зет пи маш хез хутук
Та'ж мийенд мард ви померият!!!!!

Та'нг ца сӯд, фӣч а вирод ма'ш тайор
ПОМЕР маш чӣд, пидъӣндат кицор
Ас ху йахат на'нта налакамга зор
Кандита кихьт мард ху номарди бор
ПОМЕР!! МАРУМ ТУРД!!!! ФУКАНД МАЪШ ШИОР!!!!!
ТАЖ МИЙЕНД МАРД ВИ ПОМЕРИЯТ!!!!!!!!

(Озорат гузор ас Адолатбек Рустамбек қаламанд)

Чабраил

Тут расулард Чабраил пэѓўми Йаздўнат фирэпт,
Ам Сууфат ам Забурат амга Ќуръўнат фирэпт.

Ас фалак минбартиен арчиз мис машардир ца бохът,
Бар йаудат бар насорот бар мусулмўнат фирэпт.

Ардийат хавъд ар замин, пегўмата фармўн ќатир,
Зохътат въам айнанат бар гухъи инсўнат фирэпт.

Дъодат аз Йаъќуби ойил лап фана сол дилпури,
Йусуфардат въо хабар ар кунчи зиндўнат фирэпт.

Тут фаќат нутќи Худъой вугъчат ху хамбенчат aрод,
Ат цавахтат хайр зохът ху въо пи осмўнат фирэпт?

Вуз нафамум, хъойум ар цўнд мис, насам войоб ачать
Тут ди ойатхел буор йо най зимистўнат фирэпт?

Охирўнат Мустафойард чизга пэѓўм лўд, ку лу,
Рузадори местанд чамбасти фармўнат фирэпт.

Ар замин мам пидъ цавъохт йак борикать Mавло гузар,
Э Сафо, ногин ху шэър бар шохи Мардўнат фирэпт

Вийи Сино хъикуд, ат лувд нафамум?
Вийи Мансур вируд, ат лувд нафамум?

Китобенат 'Калум'-ат Шохи Носир,
Ди илми фук зидуд, ат лувд нафамум?

Абуяъкуб виранг инсуни кул вуд,
Факат луди дуруд, ат лувд нафамум?

Икид Кирмон Хамид фуквахт пиронди,
Китобен лап рибуд, ат лувд нафамум?

Хасан ам дъеди чуд ат цунд цахейди,
Ви пундактирга муд, ат лувд нафамум?

Ачаб сут рахмачин савдонди Руми,
Ху ишканд бехудуд, ат лувд нафамум?

Ата Хофизта лувен гайб забун фамт,
Нигухъти ху вучуд, ат лувд нафамум?

Санои чуд карор, Аттори баршаст,
Ху йат во бар сучуд, ат лувд нафамум?

Дичатум луд Сафо, най тъир нафами?

Пидами чуд цимуд, ат лувд нафамум?

РИВАК, 30.08.2012

Муйи фармони Хак хурдик мурид чуд,
Ху дидори му гам кулфард калид чуд.
Му цемард кори дунё фук диругат,
Факат винтови Хак мурден навид чуд.
Му татат нан факат живчен Али ху,
Му хунандафъ баден мурдик Язид чуд.
                         (давум йаст)
Тахти маш Мавло

Тахт-идэ йа нур баланд ас хир ца,
Йа йидэ вам кудрат сар тир ца,
Вамти осмунат замин шич гир ца,
Тахти маш Мавло йика!

Тахт-идэ въамтир Алийо нуст мис,
Йамтийен арцунд ви зидат вуст мис,
Шич вамард ас ахли духман дуст мис,
Тахти маш Мавло йика!

Тахт-идэ на одамин толиб ваманд,
Фук визунен човидун сохиб ваманд,

То киёмат, то абад вочиб ваманд,!

Тахти маш Мавло йика!
 
Ат Сафо пас чиз човид ред ата?
Цундхо ситхуни подхъо пед ата,
Ам Намруд ам Фиръавн бед ата,
Тахти маш Мавло йика!

                                  Сири дил
Узум фук сири дил охир дивихт турд,
Йируз Мачнун aта Тохир дивихт турд.
Туйат арчиз цачуд гуё нафамтум,
Дичат нодонгайум зохир дивихт турд.
 
Йид машанд ошики ё най ку дъед сут,
Ку чай ас маш ку чи тарка чи йед сут?
Ата мундик му дилтир йид йи сед сут,
Ту цемардум дисаф кодир дивихт турд.
 
Ту  шич луви:"Сафо шух ат сабил вуд",
Фукафъ фамен йу ошик бедалил вуд,
Ар-ранг Намруд ёцандир Халил вуд,
Дарего йу факат шоир дивихът турд.
                                            (Вадъ кина солен)

flop fukaf flop fukaf flop ba Xudo flop

Пеthoта ту ном thед му диланд ёд кинум аз ту,                                                                                                                                     Умеth му диланд реthч му хайёл му фикри та ту.
Цондога хазор ошикен гар сента дучор мурд.

Аз вефта чудогиюм му хамрохят факат ту!    

    ..................................................................

Хугнони Санам узта ку каданд хикарум,

Хугнони Санам узта ку каданд вираюм,

Харцондга цачудум хавас доим ху диланд уз,

Хугнони Гул Хугнон Санамард канди ку дакум!         

           Охун Лидушард
                                         Зи ху чон дак мардумард ат йивта укмандафъ ту шунт,
                                         Тумат ас номард шанденанд хъидо осун нист..
                                                                   Лидуш Хабиб
Ту созенен му чонат дил пидъид ху,
Налувум шич ика гъец дар визид ху.

Ту созенум хъуд ат ас дасти девум,
Ху иншо дафтар-ен когаз питид ху

Туйум афcуc навинтат фамум ик ди,
Му пундтират фана жирен вицид ху

Му халканд рости токат лапафъ зур,
Начосто минд ми ситхунаф чи пид ху.

Ту хоктирум ху чуртен хурдакаф луд:
Тулу тут ми му гап ар сит чи хъид ху.

Бадахшун шоирен-ард фук чи зунум,
Налувч-ум въуз факат шоир икид ху.

Ата мардинди э мард, э Лидуш въуз,
Туйум нист ас  Мачнун дар сирид ху.

Хубафъ созен найат фикрен баёнум,
Найум хъумне а дуст шоир чи сид ху.

Нихоли гам ту чис арцунд калун суд,
Наристо йа йи мавсим но-рихъид ху.

Сафо арцунд цасуд ас Бар пи Ривак,
Ту хоктир сен ви юхкен дар зибид ху.
                                   Ривак,06/06/2012

Луден Ватан ку Нан чинов...
Наживчум шоират во хъочичин вид,
Наживчум хочи ви зиндун сипин вид.
                                            Сафо.А 

Фуканд вев дов тидовъ азуд,
Въузат ку чай-гайам аруд?
Нур саракафъ ас аэропорт
Мардум ривухт аранг чибуд...

Му дустен фук мухочирен,
Хъаб то раметъ мусофирен,
Луден Ватан ку Нан чинов,
Мардум нур ас ху Нан бируд...

Фукафъ зорден азуд вирухч,
Умедъ ху бандакен зидухъч,
Наненикен фук дар сафар,
Кудакта вев доганд-га нуд...

Умедуъм во та гахът кинен,
Ху кинийента дахът кинен,
Ас рахмати маш Шохи Хак,
Мардумта ас офат сируд....

Сафо ху пунд-акен ва ти,
Ку бас ху калти зарб ту ки,
Ту зордъандир чидум хъаб,
Цировъи гам хубафъ въизуд....
International A-port Dushanbe,25/05/2012

Orzuen ar xu dil pevum tujat,
Nav vo sen savz vev fevum tujat.
Gah umed thed vedjino sinandi ruy,
Yothd ruz vam qahrand rixevum tujat.
Ishq isbotchidti darkoro casod,
Uz chedard mam xu mak sevum tujat.
Mot tu fikrando shayton xuthm cayest,
Lak tu fikrumat vi nixebum tujat.
Yast Pomir zhinij kixt mu dilshito,
Gap nay lak xu jism xicevum
tujat.
Bad buzurg Zaifi sherumga dixud,
Uzta shoirvor vi parthevum tujat.
Uz miloimum faqato tu barost,
Bad dijat xu qahr pishevum tujat.
At mu Jalil rag diandoyd badi fam,
Uzta fuk mam dunyo rinevum tujat.
Bad caxinum az ichi ganda suxan,
Uzta vi lovij be gevum tujat.
Yo tu churtand vimata Sher mis cayothd,
Magjino vam Sherta pixevum tujat.
Iga sanam mu dilard kaxon casod,
Vam xunand xu thust firevum tujat.
Navinum tuyat mu margo
cayothd,
Izroil gogenta uz tebum tujat.
At dipexctenvo Xushnud ya ku chay?
Rahmajinaf mi xu kaal chevum tujat.

Тут ми му умранд йи дона,Тут мундо ягона.
Бетуяф самта девона, 
Ку ту нур мак аз му ху чой!
------------------------------------------
Фикрум тучат хар хабона,
Thамта гирд тучат замона.
Бетуяф исум ху тока,
Ку ту нур мак аз му ху чой!
-------------------------------------------
Нист йи лахза бе ту хуthм мунд,
Нист ба гайр аз ту ичай мунд.
Фикрум нахо хавас нист тунд,
Ку ту нур мак аз му ху чой!
-----------------------------------------------
Гирд thам тучат уз Бадахшон, 
Тут хо санами му хугнон.
Нафам хоят Мохи Рушон, 
Ку ту нур мак аз му ху чой!
-----------------------------------------------
Савита доим дучор мурд,
Аз Бадахшон лом суол турд.
Ловта Одил кин чавоб мурд,
Ку ту нур мак аз му ху чой!
                (Душанбе: 12.04.12).....

Мурдта ловен ар Бадахшон санаменен гул чинов,Мурдта ловен ар Бадахшонен ваth булбул чинов.
Мурдта ловен ваth пи осмонен аранг местата,
Ар заминен веthтир тозо хац чинов!
___________________________________________

Кухи лаъл дастур баландруената,
Лочвари Хугнон чинов, пурнурената.
Хочати хак веф дарунанд зурата,
Ар Бадахшонум санам винтов равон!
____________________________________________


Мурдта ловен санами Хугнон нозук гул чинов,
Мурдта ловен, хушруйгиянден нахчир чинов.
Веф мухаббат ар Бадахшон жир чинов,
Ар Бадахшонум санам винтов равон!
____________________________________________

Ар бустонум булбулсадо нигихт равон,
Ар гулистонум гул тамошочид равон.
Ар ху хугнонум ба йи орзу равон,
Ар Бадахшонум санам винтов равон!_
              (Душанбе: 12. 04. 2009) Odil_Baro..