Керемет асер алдым! Админге рахмет, осындай естеликтер ушин. Ауылыма барып келгендей болдым ))

 Екпінді орта мектебі 1935 жылы сол кездегі Ақсу, Бөрлітөбе, Андреев, Дзержинск, Сарқан аудандары ішіндегі қазақ тілінде орта білім беретін жалғыз мектеп болып ашылды. Мектептің алғашқы директоры Ленин ордерінің иегері Ә.Қалқабаев болды. 1937 жылы мектеп өзінің жеті мектеп бітірушісін алғаш рет орта білім туралы аттестатпен шығарып салды.
Мектеп құрылғалы 75 жыл ішінде 4 мыңға жуық шәкірттері орта білім туралы аттестат алып шықты. Осы жылдар ішінде мектеп қабырғасынан білім мен тәрбие алып ұшқан шәкірттер еліміздің түкпір-түкпірінде қоғамдық өмірдің түрлі салаларында жемісті еңбек етіп келеді.
Таланттары мектеп қабырғасында ашылып, шыңдалып, кейін өз мамандықтары бойынша биік жетістіктерге жетіп, ел мақтанышына айналған дарынды шәкірттер көптеп саналады.
Екпінді орта мектебін бітірген түлектер арасынан шыққан әлем таныған Әнуар Әлімжанов 30-ға тарта әдеби шығармалардың авторы. Ә.Әлімжанов ізбасарлары, жазушылар Қ.Баяндин, М.Асылбеков, ақындар Қ.Баянбаев, Т.Жабаевтардың шығармаларын жұртшылық сүйсіне оқиды.
Журналистер: Қанат Асқаров, Камал Әдрахманов, Серік Жортанов, Нүсіпхан Қыстаубаев, Темірхан Мизамбеков, К.Бөпебаев республикамыздың сәулетті келешегі үшін әр салада лауазымды жұмыс істеуде.
Ғылым докторлары Жұмахан Балапанов, Сәкен Әміреев, Тұрсынбек әбішев, Есболат Дүйсебаев, Тұрлыбек Нұрахметов.
Ғылым кандидаттары Ешен Мейірманова, Жомарт Нұрқасымов, Төлеген Байзолдин, Сайын Смағұлов, Құралай Дүйсебаева, Мұхтар Байбатшанов.
Консерватория профессоры Мәлгеждар әубәкіров, өнер институтының профессор, режиссер, театр танушы Маман Байсеркенов, жоғары оқу орындарында аға оқытушы, доцент болып абыройлы қызмет істеп жүрген Жортанов Смағұл, Әукенова Күләш, Исаева Сара, Қасымова Зейнеп, Әбдуәли, Әбен Төлебиевтер, Әлібеков Қожахмет, Әбдірахманова Қарлыға.
2006 жыл тамыз айында ҚР Үкіметінің Қаулысмен Екпінді орта мектебіне күйші-композитор, профессор Мәлгеждар Әубәкіровтің есімі бірілді.
Бүгінде мектепте 236 оқушы білім алып тәрбиеленуде. Олар 14 сыныпқа топтастырылған.
Оқушыларға 38 мұғалім білім береді. Олардың 8-і жоғары, 10-ы І санатты, 9-ы - ІІ санатты тәжірибелі ұстаздар.
Ұстаздардың 1-еуі «Қазақстан Республикасы оқу ісінің үздігі» атағына ие.
Мектеп, ауыл абыройын аспандатқан алдыңғы буын – аға ұрпақтың өнегелі өмір жолын үлгі еткен бүгінгі мектеп оқушыларының арасында білімде де, өнер мен спорт саласында үлкен табыстарға жетіп жүрген талантты, дарынды балалар аз емес. Соңғы бір-екі оқу жылында мектеп бітірген шәкірттер арасынан үш түлектің «Алтын белгі» белгісінің, 2 оқушының «Ерек үлгідегі үздік аттестаттың» иегерлері болуы соның дәлелі.
1935 жылы орта мектеп болып құрылған сәттен қасиетті білім ордасының жанында ашылған интернатта қазіргі күні 55 бала тәрбиеленеді. Интернат жатақханасы қазіргі заман талабына сай жабдықталып, безендірілген. Тәрбиеленушілердің алаңсыз білім алып, бос уақыттарын тиімді пайдалануыларына барлық жағдай жасалған

Өнер мен өмір сабақтастығы18 Қазан 2014, 10:23 Қарап шығу: 37 Түсiнiктер: 0
Қазақстанның еңбек сіңірген қайраткері, композитор, дирижер, домбырашы Мәлгеждар Әубәкіровтің туғанына - 80 жыл.
  
«Өткеннің өнегесі баға жетпес байлық» дегендей қазақ қашанда асылын ардақтап, батырын бағалаған халық. Өткенді елемей, келешек көгермейді.
Мен Мәлгеждармен Екпінді қазақ орта мектебінде бірге оқыдым. Ол оқушы кезінде аттың құйрық - жалынан домбыра, қобызға ішек жасап, келекшекте домбырашы-композитор бола-тынын айтып армандайтын. Ақыры 1950 жылы орта білім алған соң, Алматыдағы Құрманғазы атындағы мемлекеттік консерваторияға қабылданды.
1955 жылы Құрманғазы оркестрінде дирижер,1956 жылы Құрманғазы консерваториясында ұстаздық жолын бастап, бүкіл өмірін сол оқу орнында өткізді.
Арасында Жамбыл қаласында халық аспаптар оркестрін ұйым-дастырып, Монғолияның Баян-Өлгей аймақтық музыкалық драма театрында кеңесші-дирижер қыз-метін атқарды. 
Оркестрге арналған «Көңілді жастар», «Құрман баба», 175 поэмалары, домбыра үшін жазған «Тасқын», «Жас қанат» увер-тюралары, қобызға арналған «Қарақат», «Бала гүлім», «Сағы-ныш», «Қазақ биі» сияқты шығармалары бар. 
«Мектеп –ұстахана, ұстаз- оның шебері, шәкірттер - шебердің қолынан шыңдалып шыққан жүзік» деген дана сөзге сүйенсек, Мәлгеждардың ұстаз болып өткен өмірінде одан талай шәкірт тәрбие мен білім алды.Олар қазір еліміздің әр жерінде қазақтың ұлт аспаптарын келешек жастарға үйретуде. Сол көп шәкірттедің ішінде «Қазақстанның еңбек сіңірген қайраткері» композитор Секен Тұрысбеков, Алматыдағы «Арнау» фольклорлық ансамблінің жетекшісі Нұргүл Әкімхожина бар. Бұл ансамбльдің құрамында 4-8 сыныптарда 10 шәкірт оқиды. Оның бірі біздің Екпінді ауылында туып өскен Ғ. Салықовтың қызы Ақбота. Ол 4 жасынан бастап домбырамен күй тартып, әдемі үнімен ән салып, ұстазы Нұргүл Әкімхожинаның өнерге баптауының нәтижесінде көптеген республикалық, халық-аралық дәрежедегі байқауларға қатысып жүлделі орындарға ие болуда.
Атап айтқанда, Қазақ радиосы-ның ұйымдастырумен өткен «Бал-дәурен» халықаралық радио-фестивалының лауреаты атанса, 2010 жылғы қарашада өткен ҮІІ республикалық балалар шығар-машылығы конкурсында І дәрежелі дипломмен марапатталды.2011 жылғы қазанда ІҮ Алматы қалалық «Ғұмырдария» жасөспірімдер және балалар шығармашылығы ән-би байқауының «Дәстүрлі ән» номинациясы бойынша І орын алды. 
«Егер мені атамыздың 80 жылдық мерекесіне шақырса, Екпіндідегі Мәлгеждар Әубәкіров атындағы орта мектептегі сыныптас құрбы-құрдастарыма өз өнерімді көрсетер едім»,- дейді ағынан жарылып Ақбота.
Өмір мен өнер сабақтастығы деген осы .
«Байлық та емес, бақ та емес, мақсатым,
Ойымда жоқ шықсын деген жақсы атым»,- демекші,Екпіндіден өніп шыққан өнер майталмандарының жақсы атын шығару біздің парызымыз.
 
 
Н. ШАКЕРОВ,
Қазақ ССР-нің оқу ағарту ісінің озық қызметкері, Алакөл ауданының Құрметті азаматы.

Қосжұбайдай Жер бар ма,Қоянбайдай Ел барма!

Туған жерімнің тұрғындарын Ораза айттарымен құттықтаймын. Баршасына зор денсаулық, ұзақ ғұмыр,береке - бірлік тілеймін!!!

 auilym-altyn besigim!!!

Биздин елдей ел кайда,Екпиндидей жер кайда!

Алтын бесік- Екпінді туған жерім
Әрқашанда сен деп соғар жүрегім
Тудым сенде, есейіп, бойжеттім мен
Өміріме нәр берген өзін едін!
Өтті өзіңде балалық бал-дәуренім
Тауға шығып гүліңді теріп едім
Суға түсіп Шынжылы өзенінде
Асырсап ойнап күліп өскен едім!
Көз алдымда күз мезгілін келгенде
Жайқалған бидай сап-сары егістікте
Жеміс жидек бәрінде төгіп берген
Сары алтындай керемет күзің неткен
Каһарлы суық қысыңда ыстық маған
Тауға шығып шана теуіп ойнаған
Қалың жауған қарды көріп мәз болып
Аққала жасап қар атысып ойнағам!
Көктем келсе кұлпырып кеткен айналаң
Құстар келіп бағыңда ән сайраған
Бәйшешек гүлдеп бүршік жарған талдарың
Қанша жұтсам тоймаспын неткен таза ауаң!
Алтын бесік- туған жер ыстық маған
Бүгінгі күн сағынышпен еске алам
Жат жұрттық кызың төркіндеп келді тағы да
Құшақ жауып карсы алшы мені кең далам!!!

Уикипедия (Wikipedia) қарапайым тілмен айтсақ кез келген адам өзіндегі
ақпаратты басқаларымен бөлісіп, үнемі толықтырып, жаңалап отыратын ашық
түрдегі энциклопедия деген сөз. Ашық түрдегі дегеніміз – қазіргі
Интернеттегі етек жайып бара жатқан оупен-соурс (open-source) сияқты.
Әлемнің әрбір түкпірінен әркім өз білгенін Уикипедияға қосу арқылы
Әлемтордағы ең үлкен энциклопедия болып бара жатыр. Қазақ тілінде де
Уикипедия Қазақша Ашық Энциклопедиясы деген бар. Оның соңғы 2 жылдан
бері үздіксіз жұмыс істеп келе жатқанын біреу біледі, біреу білмейді
(мүмкін көпшілігіміз мүмкін ағылшын тіліндегісінен білетін шығармыз), не
жалқауланып жүргендіктен бе, әйтеуір Уикипедияны алға сүйреп, жүргізіп
келе жатқан кісілер саны аз. Мен бүгін Қазақша Уикипедиядағы ақпарат аз,
жеткілікті емес дегендіктен емес, қайта осы күнге дейін өз еңбектерін
қосып, алып жүріп келе жатқан азаматтарға рахметімді айта келе, Қазақ
тіліндегі ақпараттарды толықтыра жүріп, тіліміздің дамуына үлес қосайық
дегенге шақырамын. Біз осылай бірігіп көп нәрсе жасай аламыз демекпін.
Қазақта бір жақсы сөз бар ғой, «көп түкірсе көл болады». Сіз өз
тіліңізде бірдеңе іздегенде оп-оңай тауып алсаңыз қандай тамаша! Біз
Қазақ немесе Қазақстан туралы іздегенде ағылшын немесе басқа тілдерде
тауып алып, соны аударып отырамыз. Сонымен қатар екінің бірі ағылшын
тілін меңгере бермейді ғой. Біз келер Қазақ ұрпақтары мен жастарының
дамуына, тәлім-тәрбиесіне өзіміздің үлесімізді қоссақ олар бізге
қаншалықты зор рахметін айтар еді. Қазақша Уикипедия Энциклопедиясының
адресі: http://kk.wikipedia.org
Уикипедия Нупедия деген ескі энциклопедияға негізделіп жасалған. Алғаш
2001-жылы 15-ші Қаңтардан бастап жұмыс жасай бастаған, негізін құраушы
Жимми Уэйлс. Уикипедияда 270-ден астам тілде 5,300,000-нан астам мақала
жарияланған. Оның 16 миллион жарымнан астамы Уикипедияның алғашқы тілі –
ағылшын тілінде. 3 000 000-нан астам белсенді жазушылары бар.
Уикипедияда мақала саны 500 000-нан асқан тілдер саны 10 шақты. Қазақ
тілінде қазіргі жағдаймен 6600 мақала жазылған. Қазақша Уикипедияның
алғашқы бетінде жазылғандай бұл біздің келер ұрпақ үшін бір білім
қайнары болады. Уикипедияға авторлық құқық бұзбайтындай, жарнама
жасамайтындай жолмен, өзіміз жаңадан теру арқылы немесе бар мақаланы
аудару арқылы кирил және латын әліппесімен жаза аламыз. Қазақ тілінің
дамуына өз үлесіңізді қосыңыз!

EKPINDI ALTYN BESIGIM