Statistika Real tomonda.
1978/79 yilgi mavsumdan beri Rekreativo Premyeroda 4 mavsum to'p surgan. O'zaro o'tkazilgan 9 uchrashuvdan 7 tasida Blankos, 1tasida Rekreativo g'alaba qozongan bo'lsa, 1 o'yin durang bilan tugagan. Taqdirni qarangki, o'tgan turda Rekre Barsaga 0:2 hisobida imkoniyatni boy berdi. Demak bu uchrashuv L-Classicodan avvalroq kuchlarni taqqoslash imkonini beradi.

Rekre yarim himoyachisi Xavyer Kamunyes Rekreativo Realning chempionlikka da'vogarligini to'xtatmoqchiligi haqida intervyu bergan bo'lsa, Getafe Prezidenti Anxel Torres o'z jamoasi mazkur turda Barsani yengib, chempionatdagi intrigani kuchaytirishga harakat qilishiga va'da berdi.

"Real Madrid" - "Valyadolid" 2:0.
"Real" xavfli vaziyatlar bo'yicha teng kuchli o'tgan o'yinda g'alaba qozondi. Uchrashuvdagi birinchi golni Raul kiritdi va o'z hisobiga mavsumdagi 21, La ligadagi 15-to'pini yozib qo'ydi. Ikkinchi gol muallifi esa Robben bo'ldi. Arien uchun bu to'p mavsumdagi 7-si bo'ldi. Golland futbolchisining goli hakamning xatosi tufayli urildi: Pepe o'z jarima maydonchasida Goitomning oyog'ini bosib oldi, Ramires Dominges esa penalti berish o'rniga o'yinni davom ettirish kerakligini ko'rsatdi. Natijada esa "Real"ning kontrhujumi gol bilan yakunlandi.

Madridliklar o'zlarining eng yaxshi o'yinlarini ko'rsatmagan bo'lsalar-da, fenomenal mag'lubiyatsiz seriyani davom ettirib, 3 ochkoni qo'lga kiritdilar. Barcelona ortidan quvish davom etmoqda!

P.S. Eslatib o'tamiz: jamoa Xuande Ramos kelgandan buyon qo'lga kiritish mumkin bo'lgan 45 ochkodan 40 ochko to'pladi!

"Eurosport"ga bergan eksklusiv intervusida "Real Madrid" yarim himoyachisi ommani eng qiziqtirgan savollarga javob berdi:

- Yaqinda "Real"ning yangi prezidenti sizni Lionel Messidan ko'ra yuqoriroq qo'yishini ma'lum qildi. Siz bunga qanday munosabatdasiz?

- Bu narsa so'nggi vaqtlarda Ispaniyada bahslarning mavzusi bo'lib qoldi. Lekin agar mening fikrimni bilishni istasangiz, men uchun Lionel - hozirda mavsumning eng yaxshi o'yinchisi. Albatta, seni boshqa katta o'yinchi bilan qiyoslashsa, bu kompliment. Biroq men shuni aytmoqchimanki, hozirda o'zim Madridda namoyish etayotgan futboldan xursandman, ammo baribir Messi boshqa darajada.

- Siz, Sneyder, van Nistelroy, van der Vart, Drente, endi Xuntelaar ham ... "Real" ko'proq golland qo'shinlariga o'xshab ketmayaptimi sizningcha?

- Ha, ajoyib holat yuzaga keldi - shuncha gollandiyalik futbolchilar. Lekin jamoada normal ish jarayoni ketmoqda. Men uchun aynan ispan hayoti va jamoaga moslashish muhimroq va biz hammamiz ispanchada so'zlashishga hamda faqat gollandlar bilan emas barcha bilan muloqot qilishga harakat qilyapmiz.

- Bu mavsum "Real" uchun og'ir kechmoqda: madridliklar Primeroning shubhasiz favoriti bo'lmish Kataloniyaning "Barselona"sini ta'qib qilishda davom etmoqdalar.

- Biz qilishimiz mumkin bo'lgan yagona narsa qolgan barcha uchrashuvlarda g'alaba qozonish. Keyin Kataloniyaliklar qoqilishlarini va o'z ustunliklarini yo'qotishlarini kutish va umid qilish mumkin. Lekin agar raqib kuchliroq bo'lsa, unda sofdil bo'lish va buni tan olish kerak. Fikrimcha, 2008 yilda biz uchun yomon davr bo'ldi. Jarohat olganlar ko'p bo'ldi. Hozir hamma safga qaytgan va biz o'tgan mavsumda erishgan darajada o'ynashga tayyormiz.

- Esimda, dadangiz sizni bolaligingizda "Barselona"ning fanati bo'lgan degandilar…

- Yo'q-yo'q! Bu yerda anglashilmovchilik bo'ldi. Darhaqiqiat, qachonlardir hali stol ostida emaklab yurgan vaqtimda biz dam olish kunlarimizni har doim Barselona yaqinida o'tkazardik. Albatta shunga qarab xulosa chiqarib olish mumkin. Biroq meni, ayniqsa hozirda "Qirollik klubi"da o'ynab turib ham "Barsa"ning muxlisi deb hisoblasangiz, adashasiz. Men "Real"da o'zimni juda yaxshi his qilyapman. "Real" - men uchun avvalgidek Ispaniyada birinchi!

- Bolalingizda kumiringiz kim bo'lgan?

- Romario. Bir vaqtlar u PSVda o'ynagan. Romario bolaligimdagi yagona kumirim bo'lgan.

- Siz balki Romario PSVda o'ynagani sababli u yetga o'tgandirsiz?

- PSV har doim menga yoqqan. Klubga bo'lgan iliq munosabatim tufayli Eyndxovenni tanlash menga mushkullik tug'dirmadi. Men tezda moslashdim. PSVdagi odamlar klubga kelganimning ilk daqiqasidan boshlab menda o'zimga ishonch paydo bo'lishiga yordam berishdi. PSV shunisi bilan ham mashhur - u yerda juda ajoyib atmosfera. Buning ustiga komanda ruli kimsan Gus Xiddinkning qo'lida edi. U menga jamoaga qo'shilib ketishimda katta yordam berdi. Eyndxovendagi ilk mavsumim zo'r o'tdi - ko'p gol urdim, chempionat davomida jamoaning yanada muhimroq bo'g'iniga aylandim. 18 yoshli yigit uchun bu alohida ahamiyatga ega edi, o'sha vaqtda men hozirgi holatimga yetishdagi katta qadamni bosdim.

- Futbol o'ynay olmaganingizda o'zingizni qandaydir xobbi bilan chalg'itasizmi?

- Xobbi? Ha, xobbim bor - uyda o'tirish. Mening o'g'lim bor - Luka, u 9 oylik. Men u va ayolim bilan o'tkazgan har bir daqiqadan bahra olishni istayman. Shu sababli bo'sh vaqtni uyda o'tkazish - bu ham o'ziga xos xobbi deb hisoblayman.

- Aytishlaricha, siz shaxmat o'ynarkansiz?

- Kichkinaligimda. Hozir o'ynamayman. Hozir boshqa o'yinlarni o'ynayman. Tan olaman, bir marta mavsum oldidan komputerda futbol menejeri o'yiniga juda qiziqib qolgandim.

- Yutganmidingiz?

- Albatta! Albatta yutgandim. Lekin agar yutqazganimda ham, hozir sizga yutgandim deb javob berardim.

Xalqaro futbol tarixi va statistikasi federatsiyasi reytingi xalqaro futbol reytinglari orasida eng aniq va obyektivi hisoblanadi.
IFFHS so'rovi barcha qit'alarning 85 mamlakatidan futbol mutaxassis va ekspertlari orasida o'tkaziladi.
Shunisi e'tiborga loyiqki, o'tgan yil sarhisoblari bo'yicha dunyoning eng kuchli darvozabonini aniqlash uchun o'tkazilgan reytingda Blankos darvozaboni Iker Casillas 1-o'rinni egalladi.
Yana bir e'tiborli tomoni shundaki, reytingda 2-o'rinni egallagan Buffon bilan ochkolar orasidagi farq 249-170=79(!) tani tashkil etdi. Demak, Casillas yil yakunlari bo'yicha tengsiz deb topildi. Dunyoning eng kuchli golkiperi bo'lish 27 yoshi darvozabonga birinchi marta nasib qildi. Albatta, bu natija Evropa chempionatida Ispaniyaning, Primeroda Blankosning chempionlikni qo'lga kiritishi va bu muvaffaqiyatlarda Ikerning beqiyos ulushi samarasidir. Xulosa qilib shuni aytish kerakki, Casillas - Eng Zo'r!



Manba: Xalqaro futbol tarixi va statistikasi federatsiyasi rasmiy sayti: www.iffhs.de