Откройте свой Мир!

Намазға ұмтыл бауырым...

Нәпсінің еріп жетегіне құл болдық,
Нығметінен Тәңірдің берген тұл болдық.
Наласын алар қабірде жатқан бабаның,
Намыссыз, тексіз, иманнан безген ұл болдық.

Надан деп көпті, қу басты үстем санадық,
Негізі бізден таралып жатыр надандық.
Намазы ұмыт, имансыз жанға сәл күнде,
Нығмет емес, Алладан келер жамандық.

Нашарлап жүрек, кетпедіме екен қарайып,
Намаздан досым имани бақыт табайық.
Нәпсіні тыйып, орындап Алла парызын,
Негізгі күнге жүзіміз жарық барайық.

Нұрланар жүрек орындап Алла парызын,
Надандар ғана ойламсыз тастар әр ізін.
Нығмет күтсең Алладан егер бауырым,
Нан тепті болма, қалмасын соңда парызың.

Нәр алғын бауыр, сәждеге маңдай тигізіп,
Несібеңдіде Аллағой берер жиғызып,
Нәресте күйде дүниеге келдік пәк болып,
Нашүкір күйде кетпесін кебін кигізіп... .

Ақ құсым!

Сағыныш кернеп жүректі,
Аңсаймын құшар білекті.
Ойыма бір сәт түскенде,
Сенбессің... жүрек дір етті.

Өзіңсіз күнім қараңғы,
Кеш ұқтым сенің бағаңды.
Қолда бар алтын, қадірсіз,
Кім емдер енді жарамды.

Жаралы жүрек жалынсыз,
Өзіңсіз өмір нанымсыз.
Өмірдің мынау қадірін,
Сезбеспін сенің жаныңсыз.

Қолымнан ұшқан бақ құсым,
Өзгеге туған бақпысың.
Бөгденің құшып құшағын,
Кеттіңбе ұшып ақ құсым... !

Аппақ қар шумағындай жырларымның,
Аққу құс тізбегіндей шумағымның.
Ақылсыз ақын туса мың қасірет,
Ақын ақын емес ау, тумаса мұң.

Ақ қағаз тағдырымның ақ алаңы,
Ақын соры жазбаса қыл қаламы.
Арнамасам еліме асыл жырлар,
Айтқанменен құны жоқ кең даланы.

Ақындық асыл мұра, жүрек сыры,
Ақындар ұлы есім, елдің ұлы.
Аузыңдағы сөзіңді сүймесе жұрт,
Ақынның бұл жалғанда болмас құны.

Абайша тізбектете ойлар терем,
Асудан Мұқаңдарша асып келем.
Алланың берген сыйы, тәубе етемін,
Аппақ жыр зерден саған өрнек берем.

Ақындар жалғыз жандар, жалғыз көңіл,
Ашылмаған картада сырлы өңір.
Ақиқаттың шыңында ту тігермед (і),
Ақындарға берілсе мың жыл ғұмыр...

ӘТТЕҢ, НЕТКЕН ҚЫСҚЫ – ӨМІР!

Сұқ өтердей көрікті қарындасым,
Қашалмадау ажалдан жалын жасың.
Бар бауырдың жүрегін қақ айырып,
Тек соңыңнан қалдырдың қабір тасын...

Қыю қиын өзіңді қарындасым,
Ал, адамдар дінінен жаңылмасын.
Өлім – хақ, тірілу бар ақыретте,
Мүмкін сонда жәннәттан табыларсың...

Алтыннанда ең асыл қарындасым,
Білем ажал ешкімге бағынбасын.
Сағынғанда естелік тек суретің,
Гаухарымда, сен менің лағыл тасым...

Ерте кеткен өмірден қарындасым,
Қайыстырып талайдың қабырғасын.
Алла өзіңді тамұқтан аман етсін,
Ал жәннәттің қақпасы жабылмасын...

Дұға арнаймын өзіңе қарындасым,
Хақ Тағалам дұғамды қабыл алсын.
Бұл фәниде көнеміз бәрінеде,
Жыр арнадым өзіңді сағынғасын!!!

Қабіріңнің басында қара тасың,
Қара тас боп өзіңе қаратасың.
Сынақ үшін өмірге келгенменнен,
Ажал үшін тәңірім жаратасың.

Кем кетпеген дүниеге, кімдер келіп,
Әлі ешкімде көрмеген ажал жеңіп.
Әлемді сілкіндірген Шыңғысқанда,
Қара жердің қойнына кеткен еніп.

Сынақ үшін келдікпе, жүрме босқа,
Білгеніңше Тәңірдің жолын нұсқа.
Біреулерге бұл өмір ұзақ болса,
Ал біреуге берілген ғұмыр қысқа.

Мүмкін мені естірсің, сезінерің,
Сездіре алмай қиналып, езілерсің.
Тәңірден тілер дұғам қабыл болса,
Жәннәтта мүмкін бір күн кезігерсің.

Әзірше Алла алдында амалым жоқ,
Қарындасым ағаңды КЕШІРЕСІҢ!!!

Қыз дегенің көзді алар қызғалдақ,
Қалам алып жыр жазбаппын қызға аранап.
Қолым жетпей жүргенімен бір қызға,
Қолдан келмес оны өзгеден қызғанбақ.

Қызғалдақ қыз қызықтыра құлпырған,
Қарасыңнан жүрегіме жыр тұнған.
Қолым сенің тимеседе тәніңе,
Қалыппын ау ғашық болып сыртыңнан.

Қалам алдым жыр арнауға өзіңе,
Қасымда сен отырғандай сезіне.
Қазір еркін отырғанмен, кездессек,
Қашқақтармын тік қарауға көзіңе.

Қалғандаймын кінәлі боп алдыңда,
Қиялданып алып ұштым сан қырға.
Қолшатыр боп қорғаштауға тәніңді,
Қалар едім нөсер, дүлей жаңбырда.

Қызғалдақ қыз, қолым жетпес арманым,
Қуанышым бақытым сен ардағым.
Қалмас еді бұл фәниде еш ақым,
Қалсаң болып мәнгілікке жан жарым,
Құшсам сені мәнгілікке ардағым!!!

Неге қорқасыңдар адамдар ?
(хиджабтағы келіншектің монологы)

Кімге зиян, орамал ораса,
Ұзын көйлек
кейсемде еркім.
Ақыретте сұрақ сұралса,
Жауап берер кім мен үшін, кім?..

Өзіме керек отбасы тынышы ,
Ғибаттауды өтінем тыйыңыз.
Ей, әйелдер, сіздер бірінші,
Алла парызы – “хиджаб” киіңіз.

Кімге қызық тұрмыс ортағым,
Әйелімін сіздей «залымның»?!.
Ол мен үшін сүйенер тауым,
Керегі не имансыз «ғалым»ның?!
Кімге қызық,
қандай тәрбие,
Беріп жүрмін
перзенттеріме...
Мектептегі,
оқытушылар,
Орамалға емес,
қара тәлімге...

Жапырақ мата
зияны қанша,
Хиджабты қыз
өксіктен күйген.
Оқушың азба мектептеріңде,
Тізесінен
жоғары киген.

Бірақ оларды
ұрыспаймызда,
Дейміз, әр кім
өзіне еге!..
Жасы жетіп хиджаб
киген сәт,
Бұл қызға күн
бермейміз, неге?!

Формасы бар
өзгелер сынды,
айыбы тек орамалыма?!
Біздер үшін
әуреті құнды,
Құнсыз болсада
дос-жораларына?!

Дінсіз халқ
көріп қорлықты,
Исламнан,
әріге кеткен,
тек оларды
иман, ар-намыс,
Құқарады
пәлекеттерден.

P.S: Мектептегі қызына «сабаққа орамалсыз кел», деген ананың зары. Ойға қаласың. Мектепте ормалды емес, жалаңаштанған оқушылар киіміне тыйым салар уақыт келген жоқпа?
Таң қаласың... «Хиджаб» арабтың киімі, қазақ кимеген деп бала емес, ата сақалы аузына түскен ағалар айтқанда. Сонда не әжең мини юбкада жүргенбеді? Хиджаб бұл тек жалпы әйелдер киімінің шариғи атамсы ғана...

Адамның емес, Алланың ғана құлымын,
Арасындамын адасқандардың түрі мың.
Абайлап қана аяқты басып келемін,
Аяқталғанша жалғанда мына жүрімім.

Абырой бер, адаспағаймын жолымнан,
Аңдып жүрмесін адасқан шайтан соңымнан.
Аңдаусыз сәтте жолымды бұрып кетпесін,
Ақырын ғана аяңдай келіп солымнан.

Ақырет жақын, білгенге дүние бес күндік,
Аллада ұмыт, жалғанда мына не көрдік?
Аспаннан сірә күнәға толы біз үшін,
Ашылғанындай, ашылмай қалған бір түндік.

Аналар бүгін баласын тастап тасынған,
Анарын бүгін аруларым жоқ жасырған.
Ашып тастаған әуретін түгел арулар,
Алланы қайтсін адамзат бүкіл бас ұрған.

Алла кешіргей, адасқан мына тобырды,
Артықтау бізден жаратқан екен соқырды.
Айырбастармең, күнәға бастар қос нұрды,
Айылын тартпас, көргенмен қанша қабірді.

Адамзат сынақ, сыналу үшін келгенсің,
Ақталма бірақ, қам сүт емген бір пендесің.
Аманат саған мына жалғандағы күндерің,
Абайлап басқын сол үшін өмір пернесін.

ҚОШТАСУ....

Бір күні аспанға кетем,
Бәріңнен алыстап мәнгі.
Солай мен арманға жетем,
Бітірем бітпейтін әнді...

Еркіммен аспанға ұшам,
Көктегі жұлдыздар сынды.
Періште қыздарды құшам,
Қыздардан мың есе құнды...

Жердегі ғұмырға нүкте,
Өзімнің қолыммен қоям.
Қызықсыз бұл өмір түкте,
Қызықсыз өмірді жоям...

Жердегі сусыз жалғанда,
Шөлдеймін, бір күні солам.
Не пайда жерде қалғаннан,
Аспанның жұлдызы болам...

Менсізде өмір өтеді,
Жер менің өткен тұрағым.
Білемін бәрі күтеді,
Көктен тек қолдап тұрамын...

Табаным табы құмында қалған ауылым,
Кетсемде алыс, өзіме ыстық бауырың... .
Елес боп кетпес көз алдымнан, көрікті,
Өркеш құмдарды өрнектеп өрген дауылың... .

Ауылым менің, ауылым менің арманым,
Өзіңде жүрсем ұмытам жалған бар қамын... .
Сансыз сынақтан сүрінбей сәтті келемін,
Фәни дүниенің сабағын сеннен алғанмын!!!

Жүрегім сен деп, жүрегім сен деп соғады үн,
Өзіңді бір сәт шығарсам ойдан «соламын»... .
Алай дүлей боп, дүниеге ойран салатын,
Сағындырып жүр қарашадағы бораның... .

Сағыныш неткен, жегедей жейді жүректі,
Қабыл ал елім, қара балаңнан тілекті... .
Кеткенде сеннен қара сирақтың бірі едім,
Ал, бүгін болса жігітпін дардай, білекті... .

Алладан бірақ тілек тіледім,
Төмен түспесін көктен білегім.
Дұғаға жайған алақанымның,
Шарықтау шегін көктен көремін.

Сәждеден артық, не бар құл үшін,
Ойлан бауырым... Алла құлысың.
Ұмыттық неге жалғанда мынау,
Алланың бізге берген ырысын... .

Жетімге қашан қолды созамыз,
Арақ десе егер ақша қосамыз.
Он тенге қимай ашқұрсақ құлға,
Ел алдында біз жомарт боламыз.

Жарамсыз болар, құрт түссе алма,
Ешкімде жемес, қажетсіз жанға.
Кәдеге бізде жарар деп Жерде,
Жаратпаппа еді Рақымды Алла!

Құран Кәрім білгенге сөз емес құр,
Жаттап алып айттатын емес ол жыр.
Ұлықтанған әйелдер сабырымен,
Темір төзім әйелде кездеспей жүр... .

Кетіп бара жатқандай көбі жарға,
Айтшы досым мұныма дауың барма.
Өз парызын ұмытқан әйелдерді,
Сабасына түсірер бір күн Алла... .

Бұл не сұмдық, жалаңбас кәрі жасы,
Әурет жері емеспеді әйел басы?
Ақыретте дозақтан құтылмас хақ,
Тостағанға толғанмен көздің жасы... .

Шылауыш жап, басыңа орамал тарт,
Көше кезбе жалаңбас, сұғанақтап!!!
Қалай ғана ұмыттың Алла сөзін,
Дін Исламда әйелге орамал шарт....


"Мүмiн әйелдерге айт, өздерiне харам етiлген нәрселерге қарамасын, ұятты жерлерiн зинадан, күнә атаулыдан қорғасын, мәжбүр көрiнген жерлерiнен (бет, екi қол, тобықтан төмен екi аяқ) тыс әдемiлiктерiн көрсетпесiн. Орамалдарын жағаларының ойығын жабатындай етiп тақсын...". («НҰР» сүресі)

Қияли ақын... Жетіскен осы бар даңқым,
Қиямет күні сезінген жанға жап жақын.
Қолымды сермеп кетіпақ қалғым келеді,
Қоғамнан мына, қор болған мендік жалтақ үн... .

Қайдасың деме, жаныңда жүрмін, жалғызбын,
Қалайша шығар қоршауда қалған жалғыз үн.
Қатын бас болды, «қатынбас» мына қоғамда,
Қармақша іліп қадірін құртты жалғыздың... .

Қалғым келмейді опық жеп мисыз, мылқаудан,
Қоғамда мына қыңсылап үні шырқалған... .
Қолымда қалам болғасын қайтіп қорқайын,
Қияли ақын емеспе едім шыңдалған... .

Құрып кетсемде ақиқат жайлы жырлаймын,
Қоғамның бетін өзімдік жырмен сырлаймын.
Қасиет тұнған қара сөзімнің қадірін,
Қалпына қайта келтіргенімше тынбаймын... .

Жүріп келемін,
Шығардай бір күн жол алдан,
Жазмышта мына жүректен иман жоғалған... .
Кеудені жара, соғады жүрек дүрсілі.
Қарындас көрсем намысы бойдан тоналған... .

Дүниеге тоймас, дүниепарас көп,
Өз басын өзі жалмаған... ,
Өз жолын өзі айшықтап қойған, тозақтың жолын таңдаған.
Әуреті жабық қарындастарым отырар орын таппай жүр,
Пасыққа толы мынау жалғанда,
Пысыққа орын қалмаған... !

Көшеде бүгін көрінбей кетті, бөрікті сұлу сызылған,
Аяқ басалмай масқара болдық,
Қысқа киімді қызыңнан... .
Еуропаның Қазақияға дүлей боп соққан желінен,
Ұлтымның тілі, жә, қойшы бәрі,
Тектікте бүгін бұзылға.

Жортып келемін, Көк бөріге сыңармын,
Намысын қорғап қазақ қызының,
Жолында ерше тұрармын.
Иба ізетті желкеме жүктеп ыңыршақ сүйреп келемін,
Жаратқанымнан сұранарым: «Келмесін бізге құлар күн»!!!

Әретті жап, қарындас әуретті жап,
Әурет үшін күнә бар, дозақта азап... .
Кіндік ашқан жәннатқа түспесі анық,
Есің барда, тәубе ет, орамал тақ... .

Тиын-тебен жалғанда дос болмайды,
Жинағанмен қазынаң еш толмайды... .
Тәубеңе кеп қарындас кіндікті жап,
Құлшылыққа әліде кеш болмайды... .

Тауларға бір қарашы өркештелген,
Бет бейнесі бұзылған соққан желден... .
Тас екеш тастыңдағы ғұмыры аз,
Азап көріп жүрмегін ашық белден... .

Мысық тілеу жандардан алыста жүр,
Шайтан сенің дұшпаның, жаныңда тұр... .
Орамал тақ қарындас, иман келтір,
Жүзіңнен шуақ шашсын имани нұр!!!

Қиямет күні алыстан, көрінсе жәннат мұнартып,
Түсінер пенде сол күні, қойғанын Алла сын артып...
Нәпсің еріп соңынан, қу тамақ болған байлардан,
Ақырет күні сынақта, тақуа болған күң артық!!!

Тарам - тарам жол жатыр, тістеріндей тарақтың,
Қанша екені белгісіз, жүрген дейсіз санап кім?
Біреу еріп шайтанға, ібілспен бірі дос болған,
Зинаға батса біреуі, біреуі құлы арақтың!!!

Жалбыздыда ғаламда, Жаратушым жаратқан,
Жалғыз Алла әлемге, шуағын күннің таратқан...
Жалғанға мынау сынаққа, жіберген бізді уақытша,
Сыныңнан сақта, жаңылтпа, О, Тәңірім, Жаратқан!!!

Ми қайнатар аптаптан, төрткіл дүниең солқылдар,
Жаратқанға жалынып, ыстығына қой - қойлар...
Хақ Тағала жолынан жаңылысқан бауырлар,
Қияметтегі дозақтан, фәниде мына қорқыңдар!!!

*****
Өзгеріп заман талабы,
Адамды әбде қанады.
Қыздардың ары жоғалып,
Киімі қысқарып барады... .

Жүрекке қанжар түйреген,
Намысты қыздар сиреген.
«Жезөкше» елі секілді,
Қоғамнан мынау жиренем... .

Алланың өзі сақтасын,
Шайттаннан қылған жақтасын.
Оларда қалған жалғыз жол,
Дозақтың ашу қақпасын... .

Жіппенен байлап кеудесін,
Азғындар қыздар кейде шын.
Жалаңаштанған ұрпақтың,
Кесірі елге ТИМЕСІН... .

«Мүмін әйелдерге айт, өздеріне харам етілген нәрселерге қарамасын, ұятты жерлерін зинадан, күнә атаулыдан қорғасын, мәжбүр көрінген жерлерінен (бет, екі қол, тобықтан төмен екі аяқ) тыс әдеміліктерін көрсетпесін. Орамалдарын жағаларын да (яғни, мойын, көкіректері ашық қалмасын) жабатындай етіп тақсын...» («Нұр» сүресі 31-аят)

*****

Біреулер жүр жалғанда, алынбайтын қамалдай,
Сезбесте өткен күндерді, өткенін кеткен саналмай...
Ақырет алыс болғанмен, апарар жолы тым қысқа,
Шыбын жаныңды тығатын қаларсың тесік табалмай!

Ай балтадай айбының, тұралмас қарсы ажалға,
Байлықта жетпес құнына, өмір сатылмас базарда.
Ақырет күнін еске алып, қолдағы күрек дірілдер,
Шайтани жолда жүргендер, марқұмға қабір қазарда.

Ғұмырың қағаз секілді, уақыты келіп жоғалар,
Мына жалғанның тірлігі, уақыт сәтімен «тоналар».
Алла алдында сынағын, өтеп болудың белгісі,
Төбелерде қаптаған, жер бетіндегі молалар... .

Оймақтай ойдың жоқтығы, сүріндірер пендені,
Бітпестей сірә көрсетер, тіршілікті жердегі... .
Бес парызды өтемей, тонналап алтын жиғанмен,
Ақырет күні соңыңда, қалады байлық сендегі... .

ТӘУБЕҢЕ КЕЛ ТІРІ ТҰРҒАНДА БАУЫРЫМ!!!

Шомылып нұрға таулардың басы мұнартқан,
Көзіңнің жауын қарасаң алар құмартқан...
Алматы деген алыпты тастап, Арқаға,
Сап құрды керуен санаға ауыр жүк артқан... .

Еңсесін енді көтерген халық дүр етті,
Көк бөрінің ұрпағымыз ғой білекті...
Білекті сыбап жаңаша қоғам келбетін,
Жасауға келдік қос қолға алып күректі... .

Нұрсыз жатқан кең Арқаны нұрладық,
Әрде бердік, әсемдедік, сырладық... .
Алты Астана тұрғызатын байлықтың,
Бір Астана үшін бәрін ұрладық... .

Неге керек? Кімге құрдық қаланы?
Мегаполис жараттық бір бағалы... !
Ұшар биік «Бәйтерек»ті салғанмен,
Бір кіргізе алмай жүрміз баланы... !
Өз ұлтыңның мақтанышын бір көру,
Неге қымбат, айтшы ағау САНАЛЫ!!!

Астананы нұрға малып тастадық,
Көрсін дедік, өссін дедік жас танып,
Келер ұрпақ кеменгерін білсін деп,
Тірі тұрған Нұрағаның атынан,
Құрылғанның бәрін «НҰР»дан бастадық... .

«Нұр Отан» деп жаңа партия жараттық,
Жағымпаздың бәрін сонда қараттық... .
Ақиқатты айта алған бес - алты,
Партияны бұлар жау деп тараттық... .
Көсемсіген қарсы шығып көсемге,
Ақиқатшыл азаматтарды қаматтық... !

Пендеміз бізде, кетеді кейде ағаттық,
Өмірде бізге өлшеніп берген, сағаттық... .
Айлығы үшін алаңға шыққан жастарды,
Ереуілі деп мұнайшының санаттық... .
Таяққа жығып, қан жоса етіп жастарды,
Ақиқат айтқан аға ініні тараттық,
Алланың сыйы, тып тыныш бейбіт заманда,
Айтып бер аға, қазаққа неге оқ аттық?

Қорқатын бізден, ел барма өзі жасқанар,
Қос көршім анау іргесі мығым, тас қамал... .
Бабамның бізге аманат еткен байлығын,
Тасып жатыр ғой тонналап ұлты басқалар... .
Шекара ашып «Одаққа» бүгін берсеңіз,
Ұрпаққа ертең құны жоқ қара тас қалар!!!

Даттымды айттым, дұрысын аға ұғарсыз,
Абайлайықшы, айнала толы құлар құз... .
Көршінің бүгін мазасы кеткен заманнан,
Бас аман болсын, қан төгіссіз шығармыз... .
Өзгені қайдам қазақты анық білемін,
Бабалар өткен жауларын женген құралсыз!!!

Артықтау кетсем, айыптай аға көрмеңіз,
Өзгеге берген пәтерден мейлі бермеңіз... .
Жетім жесірдің еншісі етіп салынған,
Пәтерді ұрлап жүрген шендіні жөндеңіз... .
Ақиқат айтып айыпты болған ақынды,
«Қамау керек» деп, ұрандағандарға сенбеңіз... .
Жылатып айтар достыңда бары жақсы ғой,
Ақындарсызда босап қалмайды түрмеңіз... .
Ақырет күні Аллаға жауап беретін,
Фәниде мына сынақта жүрген ПЕНДЕМІЗ!!!

АДАСУ...

Көрінген жатты, қорқа паналар,
Жәутең қағады жетім балалар...
Өзгеге қимас хайуанда төлін,
Көбейді неге көкек аналар?

Өзгерген қайда қазақы бағыт,
Ұяты турышед (і), беттерден ағып...
Қарындас бүгін көшені кезген,
Жалаңаш тәнін саудаға салып...

Әпкенің ары, күштеп тоналған,
Арымен кеткен, күткен сан арман...
Әпкесі үшін жанында қиған,
Ініден бүгін намыс жоғалған!

Ағалар қайда? Арысым болған,
Бөрідей алар азығын жолдан...
Әкелерде көп, мейір жоғалған,
Жылыта алмайтын перзентін тоңған,
Қайран қазағым қайда бет алдың?
Адасып қалып, имани жолдан!!!

****
Қайран қазақ, қызың бүгін қайда бізді бастаған?
Көргенімде некесізді, сәбиін жатқа тастаған...
Атқа қонып жігіттермен, жорықтарда қан кешкен,
Батыр қыздар рухынан шыны керек, жасқанам...

Қысыр қалған біздің сиыр сол қыздардан тәуір ақ,
(Отырған жоқ ол қорада жаттан сәби тауып ап...).
Көше кезген ару көрсем, мен ауырам орнына,
Қысқа көйлек көбелеңдеп, жалаңаш тән жауырап!!!

Түнгі клуб, кафе, барлар... Сол қыздардың мекені,
Ата ананың рұқсатынсыз көше кезіп кетеді... .
Ана байғұс бармақ тістеп, арылғанша күдіктен,
Ақиқатқа айналады, сорлы ананың секемі... !!!

Өсекші әйел қуанады... Естісе бұл сыбыстан,
Білгем, дейді... Киімінен, шалбарынан тырысқан...
Ертен қызың некесіз ақ сәби тапсын демесең,
Қайтар ана ессіз қызды қара тұнық бұрыштан...!!!

*****
Ойламаймыз өлгеннен соң, өмір қайта келмесін,
Өлшемменен берілгенін ұмытамыз, пендесің!!!
Шындық орнын бұл жалғанда сұмдық жайлап барады,
Түріп қойып көз алдыңда ұятсыздық пердесін!!!

Мәңгі өмір күтер бізді жұмақтағы Көкте шын,
Зинақорды тозақ күтер бұл өмірден өткесін...
Өз парызын ұмытқаны былай тұрсын қыздардың,
Клубта жүр бөкен сынды бүлкілдетіп бөксесін!!!

Үлбіреген қыздарың жүр, жағасында қақпанның,
Айып іздеп киімінен, өз денесін жапқанның...
Қысқа көйлек қызды көрсем бар тәніммен түршігем,
Тоңғанындай солтүстіктің, аязына ақпанның!!!

Ақша үшін тәнін сатқан қарындастан қорланам,
Одан асқан бұл жалғанда жоқ ау сірә сорлы адам...
Бір тамшы жас көзіндегі, өкініштің белгісі,
Бара жатыр тар соқпақта өрмекшілер торлаған... .

Сұрқы қашқан қу заман, қайран заман,
Қайда бастап барады мынау қадам... .
Көзде көрді көркімен топ бастауын,
Отын, судан аспайтын надан адам... .

Айхай заман, келмеске кеткен заман,
Үйректің қаз болғаны неткен жаман!!!
Жаратылыс біз бұзып заңдылығын,
Кеттікпе ақыл тозып, болып надан... .

Неткен біз жалғандағы сорлы адамбыз,
Еркектен әйел жасап сорлатамыз... .
Кончитаға «келін» деп, күні келіп,
Қоладан бір ескерткіш орнатармыз!!!

Күллі әлем азғындауда, бұрыс жолда,
Бұрыс бағыт сілтеуде дүмше молда... .
Алланың ақ жолымен жүрем десең,
Құран Кәрім кітабың болсын қолда!!!

***
Бүгін ЖҰМА, бауырым жұма бүгін,
Тазаратын ғұсылмен тәнің күнің...
Жала басқан жалғанның арасынан,
Естимісің азанның әсем үнін...

Тойынғаннан мешітке кетпеді олар,
Әр қадамға жолыңда сауап толар...
Кілем төсеп қоймаса жүрмейтіндер,
Ақыретін ойлағаны дұрыс болар...

Күні келіп күзеде белден сынар,
Сынған күзе бола алмас меске сыңар...
Құбылаға бет бұрған шын жүректен,
Өзгелерден бір төбел үстем тұрар...

Қуан бауыр, көргенде таң атқанын,
Аспан, жерді біз үшін жаратқан кім?
Адам жасай алмайтын дүниелер бар,
Құдіреті жұмыртқа ЖАРАТҚАННЫҢ!!!

***
Тағдыр – жазу біздегі көңіл мұңы,
Имансыздық – жүректің көңіл кірі...
Пендесіне сыйланған ең ұлы сый,
Көркем мінез ЖАРАТҚАН көрімдігі...

Бар біреудің бересі... Аласы бар,
Біз көнгенмен біреудің таласы бар...
Ақ жүректі біреулер,
Ал біреудің жүрегі,
Қайыңның қабығындай ала шұбар!!!

Кім түбіне жетіпті, кімдер қалған,
Өлгің келмес, тәтті ғой өмір балдан...
Күресеміз, күлеміз Һәм жылаймыз,
Аударыспақ секілді мына жалған...

Қара жер мәнгі пенделердің жатағы,
Біреу келіп, кетіп біреу жатады...
Сынақ үшін белгіленген межені,
Біреу дәлдеп... біреуге нөлге атады... !!!

***
Секта қаптап, пұт біреуді табындырған,
Ұмыттырып Тәңірін сабылдырған...
Неге ұмыттың жаныңды құмнан жасап,
Жұпты жасап бергенін қабырғадан...

Алла алдында ертең қалай тұра аласың,
Меккенің жалған десең мұнарасын...
Жаратушы жарылқап тең бөлгенде,
Нығыметінен жалғыз сен құр қаларсың...

Бос орындық секілді мына жалған,
Орындықта... Жалғанда көптен қалған...
Пұтқа сеніп өмірден озғаныңмен,
Тасың күтіп тұрмайда онда алдан...

Тайды бастан баулысаң тұлпар болар,
Әке көрген ақиқат оқты жонар...
Иман жиып, Аллаға тәубе етсең,
Ақыретте бет бейнең бал бұл жанар!!!

МЕССИ ДОСЫМА
(футбол аңызының бір табынушысы)

Таңдап алып, талдап келген тәуірін,
Талайлардың сынға алар сабырын...
Мен үшінде мундиальда ойнайтын,
Аманбысың Месси атты бауырым....

Сеннен үміт, сеннен жеңіс күтемін,
Үзілмейді сенсіз менің күдерім...
Бразилия жақтан келер құстардан,
«Аргентина жеңді», деген күтем үн...

Менде, сенде ала доптың «жындысы»,
Футболдың біздер нағыз шын досы!!!
Үздіктерден үздіктер бар әлемде,
Месси ғана ең бағалы, құндысы...

Сенсіз маған, жасыл алаң бос алаң,
Ширақсың ғой, ойнамайсың босалаң,
Тосын келер жарақаттан аман бол,
Жүре берсін Мессиімдей, дос аман!!!

Сен жеңгенде сеніменен қуанам,
Жеңілгенде сеннен артық мұңаям...
Тек сәттілік ала доптың шебері,
Тфа, тфа... Месси досым бол аман!!!

ӘКІМ ДОСЫМА ХАТ!!!

Болған жоқ сірә өзіңнен артық сүйеніш,
Өзіңдей қамқор таппадым досым, тіреуіш...
Озаттығыңмен мақтанбай мендей пақырды,
Дос еттің досым, болсада бағам кілең үш...

Қосақталған қоныста егіз қозы секілді,
Қатар өсіп, тең жүрдік бала едік кекілді...
Тентектеумек қандай ек, ақымақтау едікпе,
Қара кемпір күн сайын екеумізді жекірді...

Дала кезіп жаз бойы, гүл терушек қыраттан,
Арқардай тауда секіріп, су ішушек бұлақтан...
Арман қуып қаладан, оқуға бірге аттандық,
Студент сен атандың, құладым ал мен сынақтан...

Арадан зулап ай өтіп, жылдарда өтіп кетіпті,
Кешегі балғын дәуірлер балағатқа да жетіпті...
Табалмай сірә өзіңдей дос іздеп досым келемін,
Есіңдеме бұл досың, сірлеуі жыртық етікті...

Алыста жүрсің, жүрекпен саған жақынмын,
Білемін досым жұмысы қиын әкімнің...
Халқыңды ойлап қамығып бәлкім жүрмісің,
Балалық досы қарапайым бір АҚЫННЫҢ!

Сезімнің шертіп пернесін,
Қарт мүсін отыр сәкіде:
«Оқ ажал жетіп келмесін»,
Қиялы рас әккіме... .

Қарт мүсін қиял шертеді,
Қабығы қашқан қара тал.
Бұл жалған емес ертегі,
Жалғанды өзің жаратар... .

Ұмытып Алла барлығын,
Маңқадай кейде бөседі.
Ұмытпа қабір тарлығын,
Қара жер адам төсегі... .

Тәубе етер ойлап кешені,
Түсінді енді санасы,
Өмірдің өзі өлшеулі,
Есікпен төрдің арасы... .

****
Нәпсінің еріп жетегіне құл болдық,
Иманнан жұрдай, ұяттан безген тұл болдық...
Асқазан қамын ойлаймыз басқа шаруа жоқ,
Нәпсіге құлдық - мұсылман үшін ең сұмдық!

Сауапты әттең, кірпіштей қалап термедік,
Имамға ұйып, иманды жанға ермедік... .
Сылтауда дайын, бастысы жүрек таза деп,
Сәждеге маңдай тигізбей келдік, ПЕНДЕЛІК.

Аптапты жазда ыстық деп күннен терлейміз,
Ыстық деп күнді, ораза ұстай бермейміз...
Ақырет күнгі тозақ шоғының қызуын,
Қаншалық ыстық екендігін біз білмейміз... .

Оншалық қызу таратпас жанған көмірің,
Қашып құтылтпас тебінген темір көлігің.
Жәннатпен тозақ есептер күнә, сауапты,
Есептелмейді мына жалғандағы «нөмірің»!!!

***
Дәрменсіз пенде, ұмытқан Алла барлығын,
Ұмытқан мүлдем, жалғанның мына тарлығын.
Дәрмені қашқан сонаның кешіп бар күйін,
Имансыз қалған, Ұятқада зар бүгін!

Бір күнді ойлар, ақырет естен жойылған,
Араммен байып, хараммен қарын тойынған.
Сауаптан безген, қызықты қуып «той» үшін,
Сауапты жинай алмассың бірақ тойыңнан...

Уағыз деп мынау, тыңдама мейлі, «ұрсабер»,
Ақырет бір күн келері анық тұрса жер... .
Жәннатқа кірер екені анық пенденің,
Иманмен ғана сусындап жүрек тұрса егер.

Мүміннен безіп, дос еткен улы жыланды,
Неліктен олар өзгедей емес шыдамды.
Ақырет күнге жиналсақ ертең бәріміз,
Кетіре алмассың сабындап жуып күнәңді!

БІР СӘТКЕ БОЛСЫҢ АҚЫРЕТ КҮНІН ОЙЛАЙЫҚ... !!!

Ұлым келді ... . Дүниеге ұлым келді,
Аллам сүйген және бір құлың келді.
Әкең жатыр қуанып, сүйіншім – Жыр,
Сүйіншілеп қуантып дүйім елді!!!
Пайғамбардың үмметі, батыр келді,
Халқын қорғар, жауынан қорғар елді... .
Қарашықтай қастерлеп абайлайтын,
Бабалардан аманат байтақ жерді!!!

Ұлым келді... . Дүниеге ұлым келді,
Қазайыншы көсіліп жырдан кенді.
Жанашыры тілімнің, жалғаушысы,
Таусылуға айналған ақтық демді!!!

Сүйенішім, балпағым, балапаным,
Ақтаушысы әкенің аманатын... .
Қос қолымда мәпелеп ер жеткізем,
Күстеніп кеткенінше алақаным!!!

Інгәлаған дүниеге сәби келді... ,
Нұрыменен бөлентіп жұмыр жерді.
Уа, ағайын қуаныш ортақ сезім,
Ұлым келді дүниеге, ұлым келді... !

Қолында Құран, жүрегінде ИМАН,
Бойына иба, намысты жиған... .
Тапталмай қарсы ағымға жүзген,
Шайтан жайлаған жалғанға сиған,
Жәннат перісі, Муслима қыздар!!!

Олар дінімнің дертіне дәрмен,
Адастыра алмас шайтани пәрмен... .
Алладан құлшылық, тілер дуасы:
«О, Аллам бере гөр құлыңа жәрдем,
Тыныштық кетпесін, тып тыныш елден»

Бес уақыт намазын етпеген қаза,
Жүрегі мөп мөлдір, көңілі таза... .
Сендерге тиісті емесі анық,
Ақырет күнінде берілер жаза... ,
Жәннат перісі, Муслима қыздар!!!

Тар шалбар денеге қалған жабысып,
Шаштары ашықтар күлер, қағысып.
Алланың аманат күнін ұмытып,
Шайтанмен көбісі кетті табысып... .
Алладан соларға көмек тілейді,
Сабыр сұрайды, Муслима қыздар!!!

Еуропа самалы елімде есіп,
Қатты жел келеді көптерді «шешіп»... .
Қысқарған юбкалар, кесілген шорти,
Джинсилер топтаған ыңғайсыз тесік,
Зинадан сақтауды Алладан тілеп,
Сабыр сұрайды, Муслима қыздар!!!

Жетімдік көбейіп, елді қаптауда,
Әйелдер арын оңай таптауда... .
Бауыр ет баласын бөтенге сатып,
(Таппайды ешкімде өзіне пайда)
Қиямет күнінің белгісін байқап,
Ескертер ескерту, Муслима қыздар!!!

Жасырып қайтеміз шыққан жараны,
Көп еркек зинаға батып барады... .
Сол үшін Алладан кешірім сұрап,
Алақан жайып көкке қарады... ,
Көзінен тамшы жас төменге құлап,
Кешірім тілейді, Муслима қыздар!!!

Періште кейіпте жүздері жанған,
Муслим сыңары Муслима қыздар ... !!!

Түндерім серік жаныма менің ақша мұң,
Керекте емес өзіңнен өзге басқаның.
Еркелік үшін безінген болсаң сен менен,
Өзгергем мүлде, еркелігімді тастадым!!!

Өзгергем бүгін, өзімнен мүлде басқамын,
Өзгертті өмір бір сәтте ақ, қас қағым.
Еркелігімнің түгіде бүгін қалмаған,
Басқамын мүлдем, еркелігімді тастадым!!!

Есімде әлі беліңе түсен шаш бауың,
Есімде әлі қиылған қиғаш қастарың.
Сен үшін ғана, өзімді мүлдем өзгерттім,
Еркелігім жоқ, еркелігімді тастадым!!!