Откройте свой Мир!

Киесі ертең ұрмаса болды...

Біздер ғой қара, өзгелер аппақ,
Өзгені бүгін жүрмізбе даттап.
Азаттық аппақ таңы атсады,
Өзгенің жүрміз тілдерін жаттап.

Сынақтан өттік алдында талай,
Болмауы керек бүгінде бұлай.
Өзіме өзім өзге үн қатсақ,
Бабамнын тілі сақталар қалай.

Қаралар түгі басшы көнбесе,
Анасын бөбек бүгін ембесе.
Сүтпенен өтер қасиет қайда,
Былдырлап бөбек орысша сөйлесе.

Болармыз қалай әлемнің алды,
Мәселе тіл ғой, ең басты жанды.
Мінбеде тұрған тіліміз орысша,
Тілімде қандай қасиет қалды.

Қазақ тіл бүгін ортанғы жолда,
Тағдырың сенің сенімсіз қолда.
Бабамның қасық қанымен келген,
Берілген саған мәртебе солма.

Жүреміз неге бұлай жасқана,
Немене қалды алар басқада.
Қазақтың бүгін тілін өшірсек,
Боламыз ертең тіпті масқара.

Қаліңді көріп көзге жас толды,
Болармең мұнша менен де сорлы.
Қара сөзімнің қадірі кетіп,
Киесі ертең ұрмаса болды.