Откройте свой Мир!

Ассалам жутдашлар  көп вақиттин бери һеч ким һеч бир мәлумат қалдурмапту. Өз ара хуш хавар вә  йеңилиқлар билән бөлүшүп турушни унтимаңлар!

Йеза нәпәси

Мошу жилниң 1-май күни Кичик Дехан
йезисида Қазақстан хәлқи бирлиги мәрикиси дағдуғилиқ рәвиштә нишанлинип, жутини әлгә тонутқан уруш ветерани, Қазақстан Җумһурийитиниң Хәлиқ Қәһримани Мөрдүн Тейиповниң хатирисигә беғишланған волейбол бойичә наһийәлик турнир өткүзүлди. Йезилиқ Мәдәнийәт өйиниң һойлисида мәрикилик чарә-тәдбирләр уюштурулуп, икки мәйданчида
волейболчилар қәһриман намидики кубок
үчүн күрәшкә чүшти. Бу күни йәттә яштин йәтмиш яшқичә болған жут адәмлиридин бөләк хошна йезилардин кәлгәнләрму Мөрдүн атиниң роһиға баш егип, ярқин симасини
хатирилиди. Нәччә күндин бери ечилмиған һава райиниң қапиғи сүзүлүп, бу күни қуяшму күлүп чиқти. Пакизә тазиланған әтрапта гөдәкләр чуқуришип ойниса, у яки
бу йәрдә бәдәшқан қуруп олтарған мөтивәрләр сөз дукинини ечип, оюнни күзәткәч, өтмүштин сир чекишти. Йезимизда, кеңәш дәври пәйтидә пешқәдәм устаз Марс Ерқараевниң рәһбәрлигидики
волейболчилар вилайәт дәриҗисигә тонулған еди. Һазир у әвлат вәкиллириниң кәйни әлликкә толди. Уларму мусабиқини чәттин күзитип, арилап оюнчиларға мәслиһәт берип қойиду. Хәлиқниң кәйпияти үстүн, һәқиқий әньәнивий мәйрәм овж алмақта.

Топ-топ болушқан спорт ишқивазлириниң шавқуни бир пәс бесилип, көпчилик Мәдәнийәт өйиниң алдиға жиғилди. Риясәтчиләр киришмә сөз билән мәрасимни башлиғандин кейин Дөләт Гимни яңриди. Андин аһалини қош мәрикә мунасивити билән тәбрикләп сөзгә чиққан йеза һакими Ербол Әбшаяқов бирлигимиз,
достанә мунасивәтлиримиз түпәйли қол йәткүзгән утуқларға тохталди. Миллий әнъәниләрни риваҗландуруп, әл арисида тәрғип қилиниватқан роһий қәдрийәтлиримизгә садиқ болуп қелишимизниң муһим әһмийитини тәкитлигән йеза һакими М.Тейипов
намидики турнирниң уюштурғучилири билән һамийлириға миннәтдарлиқ билдүрүп, жутдашларға бәрикәт вә амәт, спортчиларға утуқ тилиди.

Мәзкүр турнирниң өткүзүлүшини қоллап-қувәтлигән наһийәлик тәнтәрбийә вә спорт бөлүминиң башлиғи Адилҗан Қурбаниязов, Қ.Ғоҗамияров намидики җумһурийәтлик дөләт Уйғур музыкилиқ комедия театриниң мудири Савутҗан Сонуров, режиссер-драматург Әкрәм Әхмәтов вә йеза ақсақаллар вә ветеранлар кеңишиниң рәиси Турғун Әсқәров жирақ-йеқиндин кәлгән меһманлар билән жутдашлирини қош мәрикә билән тәбрикләп, өзлириниң алий тиләклирини изһар қилди. Кәчқурунлиғи Қ.Ғожамияров намидики Җумһурийәтлик Дөләт уйғур музыкилиқ комедияда театриниң, «Нава» ансамбли
жутдашларға «Баһар садалири» намлиқ чоң концерти һавалә қилинди. 

Бийил үчинчи мәртә өткүзүлүватқан турнирға наһийәгә қарашлиқ йеза округлириниң 14 командиси иштрак қилди. Наһайити қизиқ вә кәскин шараитта өткән мусабиқә давамида спортчилар өз маһаритини намайиш қилип, һәр команда өз рәқивидин үстүн келишкә тиришти. Оюнниң кәскин өткини шунчилик, бу күни уни аяқлаштуруш мүмкин болмиди. Көз бағланғичә давам қилған мусабиқә әтиси аяқлашти. Униң нәтиҗиси бойичә Чонҗа командиси І
орунға чиқип, кубокни йеңивалди. ІІ орунға баһарлиқ волейболчилар егә болса, ІІІ орунни
чаринлиқ спортчилар вә ІV орунни кичикдеханлиқлар егиләшкә муйәссәр болди.

Мошу турнирни
уюштурушниң тәшәббускари Мунаждин
Мамтушуров билән мошу жуттин учум болған әзимәтләр Савутҗан Сонуров, Хәйруллам Һәмраев, Адилҗан Һәмраев, Зәйнидин Абдурахманов,
ака-ука Шахмурат вә Дилмурат Мәңсүровлар билән Светлана Бишәрованиң уюштуруши вә һамийлиғида өткүзүлгән бу мәрасимға жигитбеши Қудрәтҗан Бишәров башлиған йеза хәлқиниңму һәссиси бар. Чүнки бу жут мәрданә пәрзәнтлирини қәдирләшни билиду. Йеза һакиминиң ейтишичә, кәлгүсидә мәктәп һойлисиға Мөрдүн атиниң бюсти орнитилидиған охшайду. Буни аңлап хошал болдуқ, әлвәттә. Пәқәт нәслимиз пешанисигә пүткән парлақ юлтузимиз, хәлқимизни җумһурийәткә тонутқан бирдин-бир баһадур атимизниң хатирисигә беғишланған иш-чариләр даирисиниң мошундақ көп болғини, әлвәттә, әвзәлдур. 

Мошу йәрдә йәнә бир нәрсини қошумчә қилип, өткән жили йезимизда атқурулған ишлар жәрияниға тоқталмақчимиз. 

2013 жили Кичик
Дехан йезисида бир нәччә йеңилиқлар болди. Тәрипләп ейтидиған болсақ Жумһурийәт бюджетидин сметилиқ баһаси икки йүз жигирмә миллион тәңгә болған «ауыз су»
программиси даирисидә әмәлгә ашурулған су тармақлири йезиға тартилип, ишқа қошулди. Амма бәзи камчилиқлири түпәйли қишниң күни муз тоңлап су чиқмай қалди. Униңға наһийәмиз һакими Көйүмчан Өмәровниң беваситә башчилиғида мәхсус комиссия қурулуп, мошу жили қайтидин ахча бөлүп, камчилиқ йәрлирини қайтидин түзитидиған болди. Йәнә бир тилға алғидәк йеңилиқ М.Теипов намидики
Кичик Дехан оттура мәктивиниң мурәккәп ремонттин өтүши. Вилайәт бюджетидин йүз йәтмиш миллион тәңгә бөлүнүп яз айлирида «ГуНН строй сервис» қурулуш ширкити ишлирини башлавәтти. Йеза мәктивини қайтидин қәләй билән йепип, иссиқлиқ системисини қайтидин алмаштурди. Шундақла мәктәпниң ичи, сиртини қайтидин сугап, ясиди. Ичини еврожөндәштин өткүзди. Ишик,
деризилири йеңиланди. 

Шундақла Кичик Дехандин чоң трассиға қошулуш йолиму(он төрт километр) мурәккәп җөндәштин өтти. Йолдики ойман, чоңқурлар йепилип асфальтланди, шундақла униң үстигә смола арилашқан шехил йейитилди. 



Махмут ИСРАПИЛОВ,
Мурат АБДУЛЛАЕВ

Кимматлик кериндашлар! Силарни 2011-2012 йени окуш жилинлар билан табриклайман! Билим даргаhлирида яхши окуп, мактивимизнин, жутимизнин, халкимизнин аброй-шанини котиришинларга тилакдашман!!!

Сирлиқ Юлтузлар




Декабрь ейиниң  ахирқи кечиси.
Мән йеңи жилни, йеңи әсирни  ата-анам,
қериндашлирим билән, әл-жут, мениң  үчүн
әң  қиммәтлик  кишиләр  
билән  қарши  елиш үчүн 
йезиға  кәлдим.


            Айдиң  кечидә 
йезам  асминидики  юлтузлар билән  билән муңдашқили  талаға 
чиқип, әтрапқа көз ташлидим. 
Мән  кәткәндә   яп-йешил 
қалған   дәл-дәрәқләрниң  йопурмақлири  
көрүнмәйдиғу  таң?!


            Йә,
уларни күз   шамили  жирақларға учирип елип кәттимекин?
Һәжәп,  әнди  болса, 
аппақ  кимхап кийивапту.
Талада  бир хилда аппақ қар яғмақта.


            Әшу
қарни  аллиқинимға алсам, тезла  ерип кәтти. « Немә  дегән таза, 
назук  тәбиәтниң мөжүзисикин  бу?! 
Немишкә  пүткүл адәмләрниң  қәлби 
мошундақ  әмәскин? Тәбиәт  аппақ 
қардәк пак  қилип  яратқан 
болса, қандақ  яхши еди?!»-
дәп  арман  қилип  
қалдим.


« Қизиқ,   биз инсанлар 
бу   дунияға  мошундақ 
ақ йөгәккә  йөгилип келип,  ахирқи 
сәпәргиму  ақ тавутқа  селинип 
кетимиз, һә?!»- дәп 
ойлинипму  қалдим...


Немишкиду  қатар өскән 
суваданлар, дәл-дәрәқләр  қелин
қар  астида қелип,
турмуш-тирикчиликниң  еғир жүкини  көтирип 
келиватқан  инсанлардәк  мүрисини егиз 
көтирип,  еғир нәпәс  елип, 
маңа  жавап  қайтурғандәк, һә, йезам  болса 
толун айниң  йоруқ  нурида 
жим-жит ухлап  қалғандәк  туюлди....


Мана   бүгүн 
кона жилниң  ахирқи  саатлири 
чикилдимақта, жүрүгүмму 
башқичә  илдам  соққандәк!...   Сап һаваға 
чиқип,  юлтузлар  билән 
йәнә  муңдаштим. Йәнә  аппақ қар 
астида  аста  ләпилдәп 
йеғиватиду. Бүгүнки  яққан мамуқ
қар  бөләкчә   чирайлиқ нәқишләнгәндәк.


Қиш  бовай 
йеңи жилға  йеңичә   қарни 
соға  қиливатамду, бәк  чирайлиқ!!! 
Талада  янған   чирақ йориғида  алайтән пақирап  көзни 
чақиду.  Чедирниң  чәтлиридә 
қетип  қалған  чока 
музлар худди  тизип  қойғандәк, жирақтин  әйнәктәк  
ялтирайду.  Көңлүмгә  бу  көрүнүш  чоң 
бир  хошаллиқ  беғишлиди. Турхундин   бир 
хилда  чиқиватқан  исни 
көрсәм,  өйүмиздин  бир 
берикәтчилик    чиқип  турғандәк...


Асманға  бақсам, 
толун  ай  маңа 
хатирижәмлик  беғишлап,  аста  
толғинип нурини чачиду. Юлтузлар 
болса, ялт-юлт қилип 
чимирлишиду.  Улар билән
сирдишишни  яхши көримән. Шунда  бу сансиз юлтузларни  һаят асминидики  инсанларға 
қияс қилип үн  қаттим:


- Еһ,  инсанлар, 
сирлиқ  юлтузлар! Келиңлар  сирдишайли, жүрәк қатлимидики  есил 
гәплиримизни  ейттип,  бир-биримизни чүшинәйли!


 Аппақ 
қардәк  көңүлләргә  азар бәрмәйли, чүнки  бизму 
мошу  сирлиқ  юлтузлардәк 
һаятқа  һәр  биримиз 
қайтиланмас  болуп  бирла 
қетим  келип   изимизни 
қалдуруп   кетимизғу?! – дәп  юлтузларға 
тәлмүрүп  қараймән. Улар  болса 
хижаләт  болғандәк  пәқәт 
сөзлиримни  тиңшап,
чимирлишипла  қойишиду.


Мана  йеңи 
жилму, йеңи  әсирму  кирип 
келиватиду,  барлиқ  кишиләрниң 
йузидә  хошаллиқ  алмәтлири, һәммә  топ-тоғра 12 болғанда  талаға 
чиқишип,  салютлирини «
пақ-пуқ»  қилип  етип,  
асманда  қизил –йешил  ялқунлар 
чечиливатқан, һәммиси 
бир-бирини  йеңи  жили 
билән  тәбрикләватқан...


Уларни  көрүп 
мәнму « үн қатмай»,  пәқәт  мени « қоллапла  турған» 
сирлиқ  юлтузлирим билән  силиқ 
хошлаштимдә, әшу  шаду-хорам  бәхтияр 
инсанлар   қойниға  өзәмни аттим....


 





 


 


 


 


 

   Мән узун
сәпәргә чиққанда хәлқимизниң  лирик,
йеқимлиқ нахшилирини тиңшашни  бәк яхши
көримән, бүгүнму ушбу адитим  бойичә ян
фонумдики уйғур лирик нахшилирини рәт- рети билән тиңшап келиватимән.


  














 


Хиялән ойимда ана жутум Кичик-Дехан, мени һәр
дайим хуш чирай, тақәтсизлик билән күтидиған иллиқ өйүм, меһриван ата-анам
намайән болди.


   Йезам
кириш алдидики «Хуш Кәпсиләр» йезиғи, 
шундақла йолниң икки тәрипидә қәд көтәргән, бүк-барақсан суваданлар гоя
ана жутқа елип кәлгән салимимни егилип қарши алғандәк билиниду маңа. Жутдаш
шаир акам күйлигинидәк:

















   Раст бу
қедимқи жуттин нә-нә талантлиқ шәхсләр, шаир-язғучи, алим, мәрипәтчиләр, әмгәк
сөйгүч, меһнәткәш деханла, чарвилар йетилип чиқти.


Жутумда һәр қетим болғинимда қериндаш уйғур-қазақ
достлуғидин мәмнун болимән. (Илайим, мәңгү шундақ  болғай!) 
Қазақ қериндашлар уйғур тилида, өз нөвитидә бизму қазақ тилида мунасивәт
бағлап, өз ара бирлигимизни, достлуғимизни дәлиллимәктимиз.


   Жиллар
өтүп, һәр бир инсан һаятта өз орнини тапиду, бирлири арман қоғлап жирақ
шәһәрләрдә, мәмликәтларда орунлашса, һә йәнә бирлири ана жутиға хизмәт қилиду.
Амма, һәммимизниң ортақ армини ана жутимизниң аманлиғи, асминимизниң очуқ
болуши, заминимизниң течлиқ болушида әмәсму?!


    Көплигән
вәтәнпәрвәр, милләтпәрвәр, хәлиқпәрвәр ака-һәдилиримиз  өз ана жутлири намида фондларни ечип,
йезилириниң гүллинишигә, тәрәққий етишигә һәссә қошуп келиватқиниға апирин
ейтқум келиду, мошу йәрдә немишкә бизниң жуттин учум болған жутдашлар мошундақ
яхши ишни қолға алмайдекин, бизниң йезидиму йешимини күтиватқан талай
муһим  проблемиларниң барлиғи сир әмәсқу
ахир дәп ойлинип қалимәндә, шу чағ Илия Бәхтияниң мону шеир қурлири әриксиз
ойимға келиду:














Билимгә болған хуштарлиғи зор, талантлиқ
балилиримиз аилә шараитиға бағлиқ  алий
оқуш орунлирида оқалмай қеливатиду, мана шу яшлиримизға бирлишип ярдәм
қолимизни бәрсәк, миллий маарип, билимлик әвлат санини көпәйтишкә қошқан
үлүшимиз әмәсму?!


   Йезам
кочилиридики талай жиллар жөндәш көрмигән асфальтлар аста-аста елинип,йолларниң
егиз дөң  болуп кәткини,  Мәдәнийәт очуғи «Йеза клубиниң» қиш-язда бир
хил температурида болуши, исситиш қураллириниң йоқлуғидиндур, бәзи бир бәтхәш,
бәңваш, барниң қәдригә йәтмәйдиған оқуғучи, яшлар тәрипидин  клуб орундуқлириниң  әксидин кетиши шулар жүмлисидин әмәсму?!


         Ана
мәктәпчу, у йәрдики мәсилиләр өз алдиға бир чоң мавзу әмәсму?!


 Мәктивимизгә  йеңи
мудир Шаһам Важитов  келиши билән  миллий 
синиплар  улардики  бар 
мәсилиләр сәл  болсиму  йешимини 
тепиватиду, мана шундақ башланмиларниң бири, жутумиздин  учум болған жутдашлиримниң  ана мәктәпкә болған  ғәмхорлуғини күчәйтишни қолға еливатиду десәм
артуқ болмас.


  Мана
мошундақ чирмаш ойлар ичидә жүргинимдә, мошу йеқинда жутдаш ака-инилиримизниң
жутимизға, ана мәктәпкә қилған ғәмхорлуғини аңлап, көңлүм сәл болсиму су ичти.
Жүмлидин, йезимизда заманивий услубта той-төкүн өткүзидиған «Қәмирдин» кафеси
З.Абдрахманов тәрипидин селинса, Интернет торида М. Абдуллаев «Кичик Дехан»
бирләшмисини (сообщество) ечип 
жутдашлиримизниң бешини қошса, Хәлиқ 
Қәһримани Мөрдүн Тейипов намидики оттура мәктәпкә  Мунар, Өмәржан Исмаиловлар миллий  саз-әсваплар дутар, тәмбир, равапларни соға
қилса, Абдулла Рәхмидинов  воллейбол сеткиси
билән помзәкләр иана қилди, һә Авған Урушиниң ветерани Равқәт Важитов ДӘТ (НВП)  кабинетини һажжәтлик қураллар билән тәминлиса,
өз вақтида Октябрь оттура мәктивидә кәсип йолини башлиған, жутимизға бөләкчә меһир
бағлиған, бу күнләрдә «Мектеп» нәшрияти уйғур редакциясиниң башлиғи Рәхмәтжан
Ғожамбәрдиев уйғур синиплириға 
дәрисликләрни ианә қилди.


Улуқ мутәппәкүр алим Йүсүп Хас Һажипниң  «Өзәңниң пайдисини ойлима, хәлқиңниң
пайдисини ойла, хәлқиңниң пайдисиниң ичидә сениңму пайдаң бар» дегән дана сөзи
ядимға чүшти вә бу сахавәтлик инсанларға мәктәп мәмурийити, йезам хәлқи намидин
сәммимий миннәтдарлиғимни изһар қилмақчимән. Рәхмәт силәргә, қериндашлар.
Һиммитиңларға һәшқалла! Силәрниң ишиңлар яхши башланма болуп, йезимиз
гүллинишигә һәссә қошудиған жутдашлар саниниң көпийишигә ишәнчим камил.


 

Һаят немә дегән жүгрүк. Маңа билинишичә, техи йеқиндила мән мошу бирләшмигә силәрни 2010-жилиңлар билән тәбриклигән едим. Әнди силәрни 2011-йеңи жилиңлар билән тәбриклимәкчимән. Келиватқан йеңи жилиңлар мубарәк болсун!!! Өмрүңларда пәқәт хошаллиқ, амәт, утуқларға йетивериңлар!!! Саламәтлигиңлар зор болуп, аиләңларда инақ, һаятиңларда бәхитлик болуңлар қәдирлик қериндашлар!!! Жутумиз гүллинип, аватлансун!!! Хәлқимиз аман болсун!!! Яшаватқан мустәқил мәмликитимиз Қазақстан техиму тәрәққий әтсун!!! Тарихий вәтинимизгә азатлиқ тиләймән!!! Йәнә бир қетим ЙЕҢИ ЖИЛИҢЛАР БИЛӘН!!!

Assalam hormatlik  zhutdashlar!!!!! 19-20.09 Zh.Zhabaev  namidiki  Kazakh Filarmoniasida Shapkat  Sow  11  bolidu, kelinlar!!!!!!!!!!!!!!  

2010-жили, 24-июль күни, йезимизда, көрнәклик ижаткар, композитор, нахшичи Абләһәт Исламовниң «Сеғиндиңму» намлиқ концерти болуп өтти. А.Исламовниң рәпиқиси, нәччилигән спектакльларда баш рольларни ойниған атақлиқ актриса Сумбат Ғәниярова мошу концертқа риясәтчилик қилди. Концертта, А. Исламов өзи ижат қилған нахшиларни, хәлиқ нахшилирини вә шундақла тарихий Вәтинимиздә ижат қилинған нахшиларни орунлиди. Концерт давамида, А. Исламовниң қизи, Мурат Насиров намидики мукапатниң баш ғалиби, Рошәнгүл Илахунова намидики конкурсниң ғалиби, Абдулла Розибақиев намидики 153-мәктәп-гимназиясиниң оқуғучиси Муштәри Исламоваму өзиниң әжайип таланти, сүзүк авази билән орунлиған хәлиқ нахшилири, муқамдин парчилар тамашибинларниң көңлидин чиқти. Ахирида Кичик Дехан йезилиқ клубиниң башчиси Мунира Мейдинова сәһнигә чиқип, жирақ йолдин, бизниң жутқа келип концерт қойған Исламовларға апирин ейтип, өзлириниң қиммәт вақтини бөлүп кәлгән жутдашлиримизғиму рәхмитини ейтип, концертни тамамлиди.

 

Zhutimizdiki talantlik jaswhlar!

Оқуғучилар
тәшналиқ билән күтиватқан 25-май күни жутимиз бөләкчә түс алған болуп, һәттаки
қуяшму өзиниң нурини чечип, һәммини хошал қилди. 25-май саат 10 да мәктәп
һойлисиға жиғилған меһманлар наһайити көп болди. Жиғин ечилип, йеза һакими,
мәктәп мудири, ветаранлар, имам, пешқәдәм устазлар вә башқилар көпчиликни
ахирқи қоңғурақ мәрикиси билән қизғин тәбриклиди. Кейин сөз нөвитини бийил
мәктәп пүтәргүчи, 11-а,ә синип оқуғучилириға берилди. Улар 11-жил билим бәргән
устазлириға рәхмитини ейтип, хошлашти. Андин кейин бийил мәктәп пүтәргинигә 20
жил толған 1973-жили туғулған ака-һәдилиримизгә берилип, уларму көпчиликкә
иллиқ салимини йоллап, жутқа атиған нәрсилирини, устазларға өзлириниң
соғилирини тапшурди. Кейин 1-синипқа бийил қәдәм ташлиған сәбиләр 20 жиллиққа
кәлгәнләргә һәжвий шеирлар оқуди. Шундақ қилип, 2009-2010 оқуш жилиму тамам
болди.

     24-май күни, жутимизда чоң бир мәрикә өтти.
Жутимиздин чиққан, нәччә дүркүн
волейбол бойичә СССР чемпиони, һәтта дуния
чемпиони аталған Өмәржан Мунар
оғли Һәмраевниң һөрмитигә жутдишимиз Хәйруллам
Һәмраевниң тәшәббуси билән,
вә шундақла һамийилиғида чоң волейбол мусабиқиси
болди. Наһийәмиздин кәлгән
командилар бир-бири билән күч синашти. Оюнниң йәкүни
чиққанда, Кичик Дехан
командиси 1-орунни егиләп, кубок һәм, 100000 тәңгилик
соға билән тәғдирләнди.
2-орунни Чонжилиқлар, 50000 тәңгә билән тәғдирләнди, 3-орун
болса
Таштиқарасулиқларниң әнчисигә тәгди һәм уларға 30000 тәңгә берилди.
Волейбол
пүткәндин кейин спортчилар һәммиси мәктәпниң мәжлисләр залиға кирип,
тамақлинип,
«Арзу» ансамблиниң концертини тамашилиди. Чүштин кейин футболдин
мусабиқә өтүп,
униңдин 1-орунни йеза талланма командиси елип, Зәйнуллам Һәмраев
тәрипидин 15000
тәңгә ахчилиқ соға алди. 2-орунни болса, мәктәп командисиға
10000 тәңгә берилди. 


     Ахирида, волейболдин һәм футболдин ғалип
чиққан жутдашларни тәбрикләймән!

Ассалам жутдашлар, кериндашлар!!! ЖАС АЛАШ гезитиниң 20,05 санини  окушинларни сорайман. У йарда Уйғур наһийәси һәққидә йезилған қазақча№ Оқуңлар андин муназиришәйли!!! Көп мәсилиләр қаралған. Раст һазир Уйғур яшлири арисида Байрақ сүрити бар кийимләрни кийиш, сүрәтләрни машиниға есиш в.б модиға айланди. Мениңчә бу дурус әмәс  биз қуруқ сөз б.н амас бәлки әмәлий иш билән уйғурлиғимизни көрситәйли!!! Студент, оқуғучи болсақ яхши оқуп , билим билән Шерәли Қадировтәк 28 йешимизда Доктор атинайли

Древо печали ты в сердце своем  не сажай
Книгу веселья, напротив, почаще читай,
Зову хотенья внимай и на зов отвечай,
Миг быстротечный встречай и лозою венчай.
                                                     О. Хайям