Откройте свой Мир!

Мына теңге қай теңге?
Келмейтұғын бір жөнге,
«Тумай туа шөккір!» – деп,
Қарғағандай бір жеңге.
«Теңгем бар!» - деп әйтеуір,
Мақтанады құр кеуде,
Құны жетпей қалды ғой,
Қарынды желмен үрлеуге,
Туылғалы бұл сорлы
Жетпей жатыр күрмеуге.
Келуі де бір демде,
Кетуі де бір демде.

Асыл теңге, ақ теңге,
Қазаққа ғана шақ теңге.
Өзекті жарып шықсаң да,
Үкіметке жат теңге.
Біреулерге күн көріс,
Біреулерге тақ теңге,
Кейбіреге талғажу,
Кейбіреуге бақ теңге.
Өзекті жанға алданыш,
Қомағайға жақ теңге.
Сабан болдың сен дағы,
Енді тыныш жат теңге.

Абай менен Сүйінбай
Теңгеден өшті бұйырмай,
Ұзаққа жетпей қалды ғой,
Құрманғазы күйің де ай!
Шоқан менен Жәңгірдің
Жолы сосын қиылды ай,
Айналайын Фараби
Қалтамызға жиылды ай,
Көмейлерге құйылды ай,
Парақорлар тәп-тәуір,
Фарабиге сыйынды ай,
Енді міне ол күнің 
Теңгетайым қиылды ай!
Көзден ұштың құйындай.

Доллыр, доллыр, доллырды,
Доллырды қолға қондырды,
Теңесе алмай доллырмен,
Теңгетайым болдырды.
Арты кеме тартқандар,
Теңгеден доллыр жондырды.
Құмарын доллыр қандырып,
Теңгемізді солдырды,
Доллыр піскен тандырды,
Теңгеменен жандырды,
Доллырды көкке көтеріп,
Теңгені жерде қалдырды.

Көшемізде желге ұшқан
Теңге көрер ме екенбіз,
Бір доллырға бір арба
Теңге берер ме екенбіз,
Құрбан қып кеден шартына
Көрге берер ме екенбіз,
Доллырдағы суретті
Төрден көрер ме екенбіз,
Қомағайдың қарызын
Мәңгі төлер ме екенбіз,
Болғанда жұрдай бәрінен
Жөнге келер ме екенбіз.

Отар елге жол салып
Тасты да тескен бұл доллыр,
Көк жендеттің қолында
Басты да кескен бұл доллыр,
Жанкештінің белінде
Бомбы да болған бұл доллыр,
Саясат сайқал қолына
Оңды да болған бұл доллыр,
Екі үйді зәулім құлатқан
Ұшақ та болған бұл доллыр,
Шоқпарын жеңге жасырған
«Құшақ» та болған бұл доллыр.
Ту сыртыңнан соғылған
Пышақ та болған бұл доллыр.
Еркін жүрген елікке
Тұсақ та болған бұл доллыр.

Айтарым осы аза еді,
Теңгеге келген жаза еді.
Доллырдың қолы былғанған 
Қаннан теңгем таза еді.
Көргені теңге той болса
Доллырдікі қаза еді.
Мұңайма, теңге, мұңайма,
Тапсырдық бәрін құдайға.
Көктегі бәлкім тәңірім
Біздерді солай сынай ма?
Күндердің күні болғанда
Теңгені қайта сұрай ма,
Обалыңа қалғандар,
Тозақта күйіп, жылай ма,
Тозығы жетіп бір күні
Доллырда жерге құлай ма,
Кім білсін, теңге, кім білсін
Тәңірім солай сынай ма?...

Асқар Наймантаев.

 


            ҚАЙТЕМІН


 


Ойда жоқта мен сен,сүйіп қалдым қайтемін


Жоқ мінезім бұрынғы,тұйықталдым қайтемін


Жалын атып жаныма,бір қараған сондағы


Көздеріңнің отына күйіп қалдым қайтемін


 


Ашық күннің кірпігін,мұңға салдың қайтемін


Есім кетіп тағы да,жынданармын қайтемін


Асықпастан ақырын,айлаңды бір асырып


Тыныштығын жанымның ұрлап алдың қайтемін


 


Тағдыр сені тек маған жаратқандай қайтемін


Ақ жүзіңнен алаулап таң атқандай қайтемін


Сені көріп өмірім жалындаса қайтемін


Сенен жақын жаныма табылмаса қайтемін


 


Қамаудағы асаудай аласұрса жұлқынып


Өз жүрегім өзіме бағынбаса қайтемін


Қайда барып құтылам мен өзіңнен күнімау


Көздеріме елестеп тұрып алдың қайтемін


 


Бәйтерегім басқаны бақытты етсең қайтемін


Асылыңды арзанға сатып кетсең қайтемін


Түндер бойы кірпігім ілінбесе қайтемін


Ұмытайын десемде ұшырасып қалсаң сен


Тоқ соққандай тұла бой дірілдесе қайтемін


Қайтсем ғашық болмаймын маган соның айт емін


                                                            


 


 

4.02.2018 күні, Алматы қаласы, "Алатау" дәстүрлі өнер театрында Қазақстанның еңбек сіңірген қайраткері Асқар Наймантаевтың "Қызық кәнсерт" атты әзіл-сықақ кеші өтеді.Кеш қонақтары: Қазақстанның халық аристі Тұңғышбай Жаманқұлов, Қазақстанның еңбек сіңірген қайраткерлері Бекжан Тұрыс,Асылбек Боранбай, Марат Көккөзов, белгілі актер, сазгер Қадырғали Көбентай, Мәдениет қайраткері Отаралы Көлжан, пантомим өнерінің шебері, актер, ұстаз Ернар Бейсенбек, Ершат Қайырхан, Асқар Наймантаевтың шәкірттері Ринат Уәлиев, Назерке Оралбек, Маржан Әубәкірова сынды өнерпаздар қатысады.
Тәуелсіздігіміздің 25 жылдығына орай басталған бұл жоба Республикамыздың көптеген облыс, аудандарын аралап, жаңарып, қайта өңделіп, "Рухани жаңғыру" бағдарламасы аясында "Елімнің еркін күлкісі" атты ұранмен қайта жаңғырды. Енді міне өзі ғана емес, өнердегі достары, ұстаздары мен шәкірттері қосылып, үлкен кеш өткізгелі отыр

Катал тагдыр сынады мени талай!
Суриндим де жыгылдым талай-талай.
Курыгына киындыктын илингенде,
Болмады сурар пенде,сурар жагдай.

Катал омир сындырар сына берсен
Корге тыгар су журек боп буга берсен
Арман бар ма анамнан кайта туып,
Жана оимрге кайтадан шыга келсем

Окиништин орнын онда толтырар ем
Аткан танмен агарып,жалтырар ем!
Арсыз туган, кара ниет, надандарга
Басымды имей,Кайырылмай катырар ем!

Кайтсем екен кайгысын казагымнын?
Толтырсам гой орнын ар каза,муннын
Биз жазганмен озгерсе егер алем
Колым талмай мен онда жаза берем

Иманды Аллам тогеди ар пендеге
Уккан адам бул жалганда кемде-кем
Бай,кедей боп, бейбак боп болингенмен
Хак алдында барлык пенде тенбе-тен!

Асқар Наймантаевтың "Алтын тордан шыққан ән" және "Конферансье. Актер және көркемсөз шебері" атты екі кітабы "Тұран" баспасынан жарыққа шықты!

"Беймарал"мектебі
Қарсы алды біздерді
Қустардай көктегі
Ұяны іздедік

Келгенде сіздерге
Өнерге беттедім
Үйреткен біздерге
"Беймарал"мектебім

Есігін білімнің
Қуана аттаймыз
Ұзтаздар ілімін
Ардайым ақтаймыз

Есігін біздерге
Айқара ашатын
Мың алғыс сіздерге
"Беймарал"жасасын!

ТҰСАУ КЕСЕРГЕ ШАҚЫРУ.
30-қыркүйек, 11.00. Т.Жүргенов атындағы Қазақ Ұлттық өнер академиясының кітапханасында Қазақстанның еңбек сіңірген қайраткері, актер, режиссер, сатирик Асқар Наймантаевтың «Конферансье. Актер және көркем сөздің шебері» және «Алтын тордан шыққан ән» атты қос кітабының тұсау кесері өтеді. Тұсау кесер қонақтары қазақтың эстрадалық театрларының танымал актерлары мен сатириктер.
Келем деушілерге есік ашық.

ТАЛАНТТАР МЕКТЕБІ көпшіліктің сұрауы бойынша жазғы демалыс күндері "АКТЕР" және "ЭСТРАДАЛЫҚ ВОКАЛ", "КИІМ ТІГУ, ПІШУ" кластарына қабылдайды. Мына суреттегі жарнаманы мұқият оқып, хабарласыңыздар!ДОСТАРЫҢЫЗҒА ТАРАТЫҢЫЗДАР, ӨТІНІШ!

                Интернеттен
келген қызық  хаттар.1)   ... сіздердің қойылымнан кейін үй- ішіміз бәріміз көңілді
қайттық. Мамам шай үстінде қайта-қайта Асқар Наймантаевтың «Әпитөгін» еске
түсіріп күліп отырды. Сіздерді күліп отырып көпке дейін еске алып, ұйықтай алмадық. Ертесі күні мамам ауырмай, жақсы тұрды. Ол кісінің «довлениесі» бареді, жүрегі де нашар болатын. Жаздың ыстығында әрең жүруші еді. Сіздердіңқойылымның әсерінен жақсы болып кетті! Қазір сәл бірдеңе болса, нашарлап қалса
сіздерді еске түсіріп, күліп аламыз. Мамам жазылып кетеді. Рахмет! Бізге тағы
қашан келесіздер?                     
Дикоша.  Батыс Қазақстан облысы.

2)    Ассалаумағалайкум,
«Беймаралдықтар». Мен өткен жолы Үшаралда сендердің концерттеріңе барған Артықбай ағаларыңмын. Естеріңде болса, соңынан барып қолдарыңды алып, батамды беріп, суретке түскемін. Айтар сөздіңқысқасы, сахарный диабетпен ауырғаныма
талай жыл болды. Сол күні немерем қоймай алып барып еді. Сендерге күліп, біржеңілдеп қалғандай болып едім. Соның ертесінен бері қантым төмендеп, салатын
дәрінің қажеті болмай қалды. Қасиеттіңнен айналайын күлкінің арқасында бірнеше
күн сауығып кеттім.
  Жортқанда
жолдарың болсын, Қызыр ата жолдастарың болсын! Халықты күлкімен емдеп жүре
беріңдер!               
Артықбай Қасымбек. Үшарал.

  3)  Сіздердің творчестволарыңыз биіктей берсін!
Сіздерге рахмет! Мен қазақ қызы айтуға арланатын «псориаз» деген дертке
шалдыққам. Сол үшін оқуымнан академия алып келдім. Мойыным, колдарым, ...
көрсетуге ұят еді. «Үйде бұғып қашанғы отырасың» деп, сол күні құрбым
«Беймаралға» алып барды. Артқы жағында отырып мәз болдық. Ернар, Ерғұлан деген
артистер нағыз тамаша талант екен! Сол екеуінің қылығы, билегендері ұнады.
Керемет! Үйге келгенде сол көңіл-күймен ұйықтап қалыппын. Түнімен тәтті ұйықтап шықтым. Ертесінде таң қалдым. Көптен бері түнде тыныш ұйықтағаным осы болды.
Содан бері  денемдегі жаралардың орны
жазылып, жақсарып келеді. Қазір білегі, мойны ашық көйлек кие бастадым.
Сіздерге Алланың нұры жаусын! Асқар аға «Беймаралыңыз»
жайнай берсін!
                  Қазақтың қызы. Алматы облысы.

  4) ... жігітім жыныма тиіп, жынды сияқты ренжітіп жүр еді. Менен кешірім сұрай алмай жүрген
болатын. «Беймаралдың» «Жынды кәнсертіне» дос қыздармен бардық. Ол артымызда
отырды. Қойылым бәрімізге ұнады. Шыққан соң Ернардың «Қиылған қасың, нешеде
жасың» деген әзілін қайталап күліп, бір кафеге келдік. Сіздедің қойылымды еске
алып хахахалап ұзақ отырдық. Бір кезде қолында гүлі бар менің жігітім келіп,
маған «қиылған қасыңды» айтып тұр. Бәріміз күлдік. Мен оны кешірдім!
  Сүйіктіммен қайта
табыстырған «Беймаралға» рахмет! Бізге тағы да келіңіздерші!
         Назира. Ақтөбе.

   5) Асеке,
есіңізде болса біздің қалада 
көрермендердің ішіндегі ең мазасыз бала менің балам болды. Жылады,
жүгірді, ойнады. Сахнаға бір-екі шығып кетуге сәл қалды. Тілі шықпаған балаға
не дейміз. Сіз де оған қарап «мынау болашақ талант қой» - деп едіңіз.
   Сол ұлымыз «ата
та» мен «шака, мака» сияқты былдырлап тілі шықпай жүр еді. Сіздің концертте болдық, бәріміз разы боп қайттық. Сіздің «Әпитөкті» күліп отырып жиі еске
аламыз. Бір күні әлгі ұл «Әпитөк» деп тұр! Баламыздың тілі «Әпитөк»  деп шықты! Енді бізге келгенде Біздің үйден дәм татып шығасыз! Алдымен бізге келіңіз!        
Күдеровтар отбасы. Талды Қорған қаласы.

  6) «Әңгіме бұзау
емізеді, бұзау таяқ жегізеді» дегенді естіп па едіңіз, «Беймаралдық» қалжыңбастар?  Сіздер біздге келіп «Жынды
кәнсерт» деген ойындарыңызды қойғанда бізде сондай оқиға болды. «Жынды кәнсерт»
шынымен «жынды!» болды. Күлеміз деп бәрін ұмытып кеттік. Ата-анам өнер десе ішкен асын жерге қояды. Бәріміз сол ойынға бардық. Сілеміз қатқанша күліп,
«Қиылған қасың» деп, «Еркек толғақ» деп, «Әпитөк» деп үйге келсек, қорадағы
сиырымызды ұрлап кетіпті!
 Нағыз «жынды кәнсерт» болды!
 Тағы да келіңіздерші, мүмкін сиыр табылып қалар.              
Дәулет. Батыс Қаз. Обл.

   7) Құрметті,
Асқар Наймантаев!
Мен екі қыз, екі ұл тәрбиелеп отырған анамын. Ұстазбын.Ұлдың үлкені мен бір қызым үйленді. Немере бар. Кіші қызым өнерге жақын. Онысына
кейде қуанам кейде ренжимін.
 Өткенде «Беймаралдың» концертіне барып келген соң сол қызымнан маза кетті.
«Беймаралдың» қызықтарын көп еске алады. Ерғұлан, Ернар деген актер балаларды
аузынан тастамайды. Айтайын дегенім, сол актерлаыңыздың бірінің телефоны +7702.................. емес пе?
Концерттің басында Ернар мен Ерғұлан сахнадан қалжыңдап
қыздармен танысқанда сол номерлеін айтады ғой. Қызым содан жаттап алған ба кім
білсін.
  Жақында
«межгородқа» 17000 теңге төледім! Тек сол номерге үйден звондай беріпті! Мен
қызымды тиярмын, Сіз жігіттеріңізге ескертіңізші, ұзақ сөйлеспесін! Тіпті мына
номерді 8 - ................. көтермей-ақ қойсын! Рахмет! Ренжімессіз,
түсінесіз ғой.
                                Нұрсила. Оңтүстік
Қазақстан.

        8)  Асқар Наймантаев мырзаға, Қызылжардан! Артур.
(Хат негізі орыс тілінде жазылған, аударып беріп отырмыз)
Құрметті 
Асеке!  Біздің  Петропавловск қаласындағы концертке мен
әке-шешем мен әйелімді, қарындасымды алып бардым! Концерт – классный! Қазақша
шала түсінетін маған да ұнады. Әйелім де «кайфпен» риза болып отырды! Біздің үйленгенімізге үш жыл болған, әлі бала жоқ еді. Сіздердің концеттен алған жақсы
көңіл-күйдің әсерінен кейін,... короче, братан, әйелім бала көтерді! Мен анық
көзім жетті, бұл сіздердің, «Беймарал» сыйлаған күлкінің күші. Алдымен әрине
Аллаға рахмет, сосын Сіздерге. Амандық болса атын өзіңіз қоясыз. Әке-шешем мен
әйелім сіздерді қуанышпен еске алады, асыға күтіп жүр. Сіздерді де, жас сәбиді
де! Сіздерге ұзақ өмір тілейміз!


 


 

Кезінде көпшілік тамсана көретін, бүгінде сағынышқа айналған «Тамаша», «Бауыржан шоу» театрларының актерлары бас қосып «Қазақстан» Ұлттық арнасынан «Бәрекелді!» атты жаңа жоба ашып отыр. Баяғы «Тамашаның» дәстүрі сияқты осы алғашқы қойылымнан кейін желтоқсанда, 8- наурыз, Наурыз мерекелеріне орай жылына төрт мәрте өтетін жобаға айналмақшы.
Кешке «Қуандық пен Бақыт» театры, Мұқаметжан Мырзакеев (Гитеке), Асқар Наймантаев, Алмат Сақатов, Жанатбек Бәйтеков, Нұржан Тұтов, «Күлкістан» театры, Бауыржан Орда мен Кенжебек Шайқақ.
Кештің дайындығы жүріп жатыр. Арнайы «Бәрекелді» жобасының әні жазылып жатыр. Сөзі Асқар Наймантаевтікі, әні және орындаушы Әлішер Каримов. Басқа да қызықтарды осы кештің өзінде көресіздер, келіңіздер! Билеттер М.Әуезов театрының кассасында. Бағасы 2000 теңге. Тел: +7 (727) 378-53-85

ҚЫЗЫҚ КӘНСЕРТ - ҚЫЗЫЛЖАР ӨҢІРІНДЕ!
29.10. күндіз - СМИРНОВО (Аққайың ауд)
29.10. кешке - БЕСКӨЛ (Қызылжар ауд)
30.10. кешке - ЯВЛЕНКА (Есіл ауд)
31.10. кешке - ПЕТРОПАВЛ қаласы.
1.11.- кешке - БУЛАЕВА (Мағжан Жұмабаев ат.ауд)

Сатиралық монологтар кеші. Сыйқыршылар, әншілер, таңғажайып өнер иелері қатысады! Келіңіздер!