Откройте свой Мир!

Друзья, голосуем за группу ''ORDA'' на http://brandring.kz/votes/28/ обязательно!!! До конца голосования осталось совсем немного, поторопитесь! Только группа ''ORDA'' заслуживает звания "лучший бойз-бэнд в Казахстане"=)

Друзья, голосуем за группу ''ORDA'' на Кazakhstan Chosen Music Awards www.cmusicawards.kz
Интервью с Жанболатом можете посмотреть здесь: http://vk.com/video162974504_162148172

Танымал "Орда" тобының белді мүшесі Дастан Оразбеков "Чемпион" тележобасында жаңа амплуада көрінді. Ауыр салмақта өнер көрсеткен әнші сонымен қатар жуырда экранға шыққан режиссер Егор Кончаловскийдің фильмінде рольдердің бірінде ойнайды. Спорт, шығармашылық және кино жайында Дастанның өзі сыр шертеді. - Былғары қолғап шеберінде өнер көрсетуге мүмкін болған жобаның түсірілімі аяқталды. Оның нәтижесін оқырмандар үшін айтпай-ақ қояйық. Өздері біле жатар кейін. Қандай әсер қалды?
- Бір тыныштық орнаған сияқты. Осы уақыт ішінде күндіз-түні сол жобамен ғана басым қатып жүретін. Ал қазір кенеттен босап қалдым. Сондықтан демалып, күш жинап жатқан жайым бар.
- Шоудағы өзінің қатысуыңды қалай бағалайсың? Көңілің толды ма?
- Бағдарламаның түсірілмі өте жоғары деңгейде өтті. Біразына қатысып жүрмін ғой, бұған дейін елімізде мұндай деңгейде дайындалған, түсірілген бағдарламаны көрмеппін. Жобаны ұйымдастыру жағы да, тіпті, түсірілімдер уақытын бекіту де өте ыңғайлы құрылған. Әрине, түсірілімдер екі күнде бір өтіп тұрғандықтан шамалы қиынға соқты бізге. Себебі, мұндай кестеде шаршы алаңғы шығу моральдық тұрғыдан да, дайындық тұрғысынан да оңай емес.




- Жалпы музыкадан ауылы алыс шоуға қатысуға қалай бел будың?
- Мен спорттан ешқашан алыстаған емеспін. Ол үнемі қасымда және жаныма етене жақын. Өмір бойы спортпен байланыста болдым десем қателеспеспін. Онымен кәсіби түрде айналыспасам да, бидің өзі, меніңше, спортқа тікелей қатысты. Себебі бидің өзі тура сол деңгейдегі төзімділік пен дайындықты қажет етеді. Сонымен қатар жұмыс орнымның дәл қасында спорт залы мен хореографиялық зал орналасқан. "Орда" жылына 365 күн спортпен шұғылданады демесем де, кем дегенде 100-күнді спортқа арнайды.

- "Орда" "Тыйым салынған билер" фильмінің түсіру жұмыстарын аяқтады. Тұсаукесерді қашан күтуге болады?
- Картина қалың жұртшылыққа жақын күндері жол тартады деп жоспарлап отырмыз. Бастапқыдан-ақ премьера күнін 22 наурызға белгілеп қойғанбыз, бірақ техникалық себептерге байланысты уақытын ауыстыруға тура келді.
- Фильм түсіру идеясы қалай келді? Неге биді картинаның басты желісі ретінде таңдадыңыз?
- Идеяның негізгі авторы - әріптесім, әрі өмірдегі бауырым, досым - Ерболат ("Орда" тобының мүшесі - авт.). Ол үнемі ізденіс үстінде жүретін адам, сонымен қатар өз мақсаттарын жүзеге асыруға бар күшін салатын шығармашылық иесі. Қолынан көп нәрсе келетінін айта кету керек. Ал біз ("Орда" тобы) оған тек қолдау көрсетеміз.

- Фильмдегі "Орда" тобының ролі қандай?
- Тобымыздың барлық мүшелері фильмнің дүниеге келуіне білек сыбана кірісіп, бір адамдай ат салысты. Сценарийді де жазған өзіміз - Нұрлан Алымбеков, Ерболат Беделхан және Сержан Әли. Сонымен қатар сырттан басқа да жас авторларды тарттық. Ерболат - картинаның бас режиссері. Тобымыздың тағы бір мүшесі - Есболат қоюшы суретші қызметін атқарды. Ал Рүстем екеумізді көрермендер фильм барысында эпизодтық рольдерде тамашалай алады. Рүстем клубтардың бірінің иесі ролін ойнаса, мен би командаларының қатысушысы болдым. Нұрлан да басты рольдердің бірін сомдады.
Дастан Оразбеков Жамбыл облысының Жаңатас қаласында 1982 жылдың 5 ақпанында дүниеге келді. 2000 жылы негізі қаланған "Орда" тобының белді мүшесі. 2010 жылы тұңғыш рет тыңдарман алдына "Айттым сәлем, Қаламқас" жеке әнімен шықты. "Екі жұлдыз" тележобасының екі маусымында өнер көрсетті. Актер ретіндегі алғашқы қадамы Ермек Шынарбаетың "Астана – махаббатым менің" фильмінде жасалды. Отбасы - жұбайы Жанат пен ұлы Алдияр. Соңғы жұмыстарының бірі - "Тыйым салынған билер" фильміне жазылған ән. - Алғашқы кинематографиялық тәжірибеңіздің табысы мен жетістігі жөнінде әзірге айту ерте болар. Дегенмен, бұл істі әрі қарай жалғастыратын ойыңыз бар ма?
- Топтың ішінен ең алғаш болып киноға мен аяқ басқанымен, фильм түсіруге деген үлкен құлқым жоқ. Мен - сахнаның адамымын. Ерболат болса кинематографияға мықтылап кіріспек. Идеялар мен жоспарлар өте көп. Тек оларды жүзеге асыру ғана қалды. Сонымен қатар жуырда барлығымыз да жеке ән айтумен айналысамыз. Бірақ бұл топтан кетеміз дегенді білдірмейді! Бұл - топ шығармашылығының кеңеюі десек болады. Барлығымыз жеке ән айтуды топтағы шығармашылығымызбен бірге алып жүреміз. Өмір бақи түрлі стильдерде ән шырқадық. Жалпы, жан-жақты болу - біз үшін өте маңызды. Сондықтан шеңберіміз одан сайын кеңейіп, барлығымыз таңдаған жанрда өнер көрсетеміз.

- "Астана – махаббатым менің" көпсериялы фильмінің режиссері Ермек Шынарбаев сіздің картинадағы еңбегіңізді өте жоғары бағалап, барлық эпизодтар көбінде бірінші дубльден-ақ түсірілгенін айтады. Дегенмен, сен - кәсіби актер емессің ғой...
- Картинаның түсірілім кезінде мен құлақ асатын, үлгі алатын адамдар көп болды. Режиссер рольді суреттеп қана қоймай, қажет болса, өзі ойнап, көрсетіп беретін. Сондықтан маған жұмыс істеу оңай болды. Өз тарапымнан мен сомдаған кейіпкерге көп қоса қойған жоқпын, себебі режиссер образды толықтай өзі жасап шықты. Фильмнің сериялары рет-ретімен түсірілген жоқ. Мәселен, кейде 8-нші сериядан кейін 3-ншісін түсіруге тура келетін. Әдетте көпсериялы фильмдерді сюжет желісі бойынша рет-ретімен түсіреді. Бірақ режиссердің көмегімен мен көп қиналған жоқпын. Егер де менің ролім жақсы шығып, режиссер жоғары баға беріп жатса, онда мен оның берген сабақтарын жақсы игергенім.
- Сонда біз әлі сізді актер ретінде көреміз ғой?
- Иә, ұсыныстар келіп түсіп жатыр. Жуырда Егор Кончаловскийдің "Жүрегім менің - Астана" фильмінде түсу жұмыстарын аяқтадым. Фильмге бірнеше новелла енген, олардың бірінде мен шағын эпизодтық рольде ойнаймын. Ең қызығы, онда да мен қыдырымпаз, бір арудың көңілін күштеп жаулап алғысы келетін жағымсыз кейіпкердің ролін сомдадым. Фильм желісі бойынша, әрине, бойжеткенді "менен құтқаратын жақсы жігіт" пайда болады.
- Дастан, сіз - танымал әнші, актерсіз, кино түсіресіз. Мұның барлығын бірге алып жүру қиынға соқпай ма?
- Мұның барлығы өмірдің ағысымен бола беретін дүниелер ғой. Қазір жан-жаққа да үлгеріп, қиналмай жұмыс істеп жүрмін. Ал кейде, біраз нәрселерге үлгере алмайтын кездерім болады. Мен қолда бар барлық мүмкіндікке қуаныштымын.
- Ал сахнадан тыс Дастан қандай?
- Сахнадан тыс мен - қарапайым отағасымын. Отбасымыз кәдімгі дәстүрлі қазақтын жанұясы. Үй іші қонақтан босаған емес. Жанат есімді жұбайым мен төрт жасар Алдияр деген балам бар. Жанат шоу-бизнес саласында қызмет етпейді. Дегенмен әрдайым менің шығармашылығыма түсіністікпен қарап, қолдауын көрсетеді. Бұл үшін мен оған мың да бір алғыс айтамын. Қандай сайыстарға қатыспасам да, жұбайым - жанкүйер қауымның бірінші қатарынан табылады.
- Әңгімеңізге рахмет! Сәттілік тілейміз!

Уважаемые друзья))Хотите ли вы узнавать все о казакских звездах?!Ну и шоу-бизнес Казахстана?!(Проект"Екi жулдыз" Шiркiн,life! и другие)Тогда вступите в сообщество StarS of Kz!!!Я только недавно создал его по этому там очень мало участников и записов тоже...Но я уверен что он процветет только вместе с вами=))Вот ссылка http://my.mail.ru/community...  

салам всем

опишите Орду одним словом,старайтесь не повторятся!!!