Откройте свой Мир!

«Ерейментау», «Ереймен» газеттерінің редакция алқасы алдағы Балаларды қорғау күніне және егемен ел тарихындағы айтулы оқиғаларға: мемлекеттік рәміздеріміздің 25 жылдығына, Алаш қозғалысының 100 жылдығына, халықаралық ЭКСПО-2017 көрмесінің өткізілуіне орай шығармашылық конкурсқа қатысуға ықыласты жандарды әріптес болуға шақырады. 
Ауданның қазақ-орыс мектептерінің бастауыш сынып оқушыларына «Менің сүйкімді хайуаным» конкурсына қалам тартуларын ұсынамыз. Сіздер өздеріңіздің сүйікті хайуаныңыз, қызықты оқиғалар, бірге өткерген есте қаларлық сәттеріңіз жайында әңгіме жазыңыздар. Шығармаға сапалы суретті де қосып жіберулеріңізге болады. Қолжазба туындыларыңыз 2017 жылдың 1 сәуірінен 24 мамырына дейін қабылданады. 
Өскелең ұрпақтың патриоттық рухын арттыру, тарихқа, тарихи тұлғаларға, тәуелсіз мемлекеттің мемлекеттік рәміздеріне сыйластық ниет қалыптастыру мақсатында жоғарғы сынып оқ #ушыларының, жастар мен аудан тұрғындарының арасында «Біздің мемлекеттігіміздің рәміздері», «Алаш қозғалысы және уақыт» тақырыбына өлең, эссе жазуға конкурс жарияланады. Дайын шығарма 2017 жылдың 1 сәуірінен 24 мамырына дейін қабылданады. 
Жерлестеріміздің алдағы ЭКСПО-2017 «Болашақ энергиясы» көрмесіне ықыласын арттыру мақсатымен әуесқой фотосуретшілер мен айтулы оқиғаға орайлас өз ойын фотоаппарат әлде ұялы телефон объективі арқылы көрсетуге ниетті жандардың арасында конкурс жарияланады. Әдемі пейзаж, көрме құрылысы алаңындағы жұмысшылар, салынған павильондар, қолданбалы өнер шеберлерінің түрлі тақырыптық жарыстары тағы басқа көріністер тақырыпқа арқау бола алады. Үміткерге қойылатын бірыңғай шарт-талап: түсірілген сапалы сурет рұқсаттамсы 600-800 пиксель және бұдан ауқымдырақ болғаны жөн. Қатысушылардың жас шамасына шек қойылмайды. 
Конкурс қорытындысы ағымдағы жылдың 1 маусымында шығарылады, дайын жұмыстарыңыз жіберілу ретіне қарай «Ерейментау», «Ереймен» газеттерінде жарияланатын болады. 
Аудан мен облыстың қалың оқырман қауымына ұсыну мақсатымен шығармашылық туындыларыңызды асыға күтеміз.
РЕДАКЦИЯ АЛҚАСЫ. 
#Ерейментау