Откройте свой Мир!

Тил журналы не туралы, кимдики?

Бір әріптен басталатын сөздермен кім ұзақ сөйлей алады?


Құрметті «Тіл» журналының оқырмандары!
Журналымыздың
өт­кен санынан бастап оқыр­мандар арасында бәйге жариялаған болатынбыз.
Шұрайлы тілмен шұ­бырта сөйлейтін, орақ ауыз, шешен болсаңыз, қы­зықты
бәйгеден қалыс қалмаңыз! Бәйгенің басты мақсаты — қазақ тіліміздің 
құ­нарлылығын, тілдік қорымыздың молдығын, байлығын паш ету.
Бәйге
жеңімпаздары «Алтынсофт»  сауда белгісі шығарған екі тілді
(қазақша-орысша, орысша-қазақша) электронды қалта сөздігіне ие болады.
Үміткерлер жолдаған хаттарды журналымызда жариялап отырамыз.



Жеңімпаз жүлдесі!!!



Мекен-жайымыз: Астана қаласы, Ш.Иманбаева көшесі, 5, «б» үй. 73-кеңсе.
e-mail: tiljurnaly@mail.ru тел/факс: 87172  411-558


Мысалы:

Қанатты Қазақстаным


Қазақстанның
қанаты қатайды. Қашан­нан қарабайыр қазақтың қазіргі қам-қаракеті
қанағаттанарлық. Қара­пайым­ды­лық, қажырлылық, қонақ­жай­лылық,
қа­на­ғатшылдық қазақ­тың қанындағы қа­сиеттері.
Қашан да
қолындағысын қорек қы­лып, қалтасындағы қаражатын қана­ғат қы­лып,
қарияларын құрметтеп, қыз­да­рын қадірлеп, қанаттыға қақтырмай
қам­қорлық қылған, қошеметшіл, қасын­да­ғы­сының қайғы-қасіретіне
қабырғасы қайыс­қан, қуанышын қуат қылып, құдайға құл­шылық қылған
қазақпыз.
Қазақтың қазіргі қалі қандай? Қазақтың қазіргі қалі қияға
қанат қаққан қырағы қы­рандай. Қоғамдағы қайшылықтарға қарамай,
қиындыққа қаймықпай құл­шы­ныс қылуда. Қандастарымызды қағажу*
қал­дырмай Қытайдан, қия-қиядан Қазақ­станға қайтарып, қонақжайлық
қылып, құшағымызға қысып, Қызылорда, Қара­ғанды, Қарқаралы, Қызылжар,
Қостанай, қалған қоныстарға қондырдық.
 Қалың қазақтың қасиетті
қонысы Қазақстанды құдайым қауіп-қатерден, қайғы-қасіреттен,
қаныпездіктен қорға­сын. Қозымыз қоздап, қазымыз қаң­қыл­дап,
қуларымыз* Қорқыттың қыл қобы­зындай қиқулап, қазанымыз қайнап,
құр­сағымыз қурамай, қорғанымыз құ­ла­май, қырандарымыз* қылыштай
қыл­пылдап, қыздарымыз қырдағы қызыл қыр­мызыдай құлпырып, қойнауымыз
қа­зынаға қайнап, Қазақстанымыз қияға қанат қаққай.

Жанар Өтебаева
Өскемен қаласы,