1. Автор мақаланың басында Қабаң құрастырған шежіреге тоқталамын деп, ал аяғында Қабдолла ақсақал деп көрсеткен екен. Ол қай Қабаң және не жазғанын түсіне алмадым.
2. «Қаракерей Қабанбайдан: Айрам, Мейрам туады» делініпті. Ол қате.Тарихта қазақтың даңқты батыры Қаракерей Қабанбай бар. Шежіре бойынша Қабанбай Қаракерей абыздың сегізінші ұрпағы. Ал Айрам, Мейрам Қаракерей абыздың немерелері болғандықтан, оларды Қабанбайдан тарайды деуге еш негіз жоқ.
3.Төлегетай бабамыздан Қытай, одан Қаракерей. Қаракерейден Байторы. Байторыдан Мейрам, Мейрамнан Байыс, Байыстан Сарыжомарт (МҰРЫН), одан Жолымбет бабамыз. Жолымбет бабамыздың кенжесі Ақнайман.
4. Жолымбет бабаның ұлы Назар 1628 жылы Есім хан қатаған Тұрсын ханды Тәшкенде шапқанда қатысып, тоқалдыққа Жәмбикені алғаны тарихтан белгілі. Олай болса, Жолымбет бабамызды 1545 жылы туды деп шамалауға болады. Бірақ, Жолымбет баба кенже ұлы Ақнайманға өзі аралап жүріп Қалғұтты, Балықшы, Сарыөлең, Күршім жерін таңдап берді деу қисынсыз. Себебі, біздің ата-бабаларымыздың бұл өңірге он сегізінші ғасырдың екінші жартысында келгені анық.

Сіз Ақнайманның қай сарысысыз, Байсары, Қойсары, немесе Тайсарысызба? Сізде Ақнаймандар туралы қандай деректер бар? Ақнаймандар жырын білесіз бе? Мен Ақнайман Қырықмылтықпын. Қалғұты менің төртінші атам. Ол кісінің аты. Ол кісі сол жерде жерленген. Дүйсен деген байдың баласы. Ол кісі Жарма жаққа көшкенде қал құтым осында қалсын деп, сол жерге кіші ұлы Қалқұтты тастап 7кетіпті. Кеңес өкіметі кезінде ұрпақтары көп қудалауға ұшырады.