ХИДЖАБ

Аса Қамқор, ерекше Мейрімді Алла тағаланың атымен бастаймын. Қазақ халқының тегі Түрік, діні Ислам екенін жастар, балаларымыз, немерелеріміз ең бірінші ата-аналарынан біліп, тәрбие көріп өсулері керек. Ислам дінін арғы аталарымыздан бастап қабылдаған уақыттан санасақ 1300 мың жылдан асып кетті. Әлем мұсылмандарының үштен екісі ұстанатын Ханафи Мәзһабының негізін салушы имам Ағзам Әбу Ханифаның туғанына 1350 жыл толып кетті. Қазақ халқы Ханафи Мазхабын ұстанған және одан айныған емес, сондықтан әлем жұртшылығы Қазақ елін Сүннит Ханафиттер елі деп таниды. Дін жолындағы ғылымдар жастарға Қазақ еліндегі Ислам тарихын түсіндіргендері жөн. Үкімет жастарды шет елдерге оқуға жібергенде, шет тілін оқытып жібергендері дұрыс, бірақ, қазақ елінің тарихын, Қазақ еліндегі Ислам тарихын шет тілінде оқыу керек. Сол кезде шет елге оқуға барған жастарымыз елін де, жерін де, тілін де, дінін де, ата-баба салт-дәстүрін де қорғап сөйлесе алады, білімдеріне білім қосылып, Қазақ еліне керек білімді алып келеді.

Аса Қамқор, ерекше Мейрімді Алла тағаланың атымен бастаймын!
Ұлтты қыз сақтайды деп қазақ атамыз бекер айтпаған.
Хиджаб араб-парсы(Тұмар-Томириспен соғысқан) әйелдерінің ұлттық киімі десек, ҚАЗАҚ қыз-келіншектері мен апа-әжелерімізде соған ұқсас ұлттық киімдер атам заманнан бар екенін хиджаб киіп жүрген «адасқан қыз-келіншектер» білмейтін сияқты, не әдейі істейді. Білмей, түсінбей, адасып хиджаб киіп жүргендерді кешіруге болады. Адасқанның айыбы жоқ, қайтып елін тапқасын дегендей. Ал әдейі хиджаб киіп жүрген «адасқан қыз-келіншектерді» қазақ халқына жау демегенде кім деуге болады?
Әйелдер қоғамы хиджаб киетін қыз-келіншектерді жөнге салғандары дұрыс.
Сақал қоятын «адасқан жастардың» айтатыны Абай атамыз да сақал қойған дейді. Абай атамыз ғұлама, оқымысты атағын алғасын, ел ағасы болғасын сақал қойған. Төле би, Қазыбек би, Әйтеке би, Абай, Шәкарім, Ыбырай т.б. Аталарымыз ел билеген, елге еңбегі сіңген, Қазақ елінің бірлігін нығайтуға үлес қосқан, ислам дінін, құқық, қазақ елінің тарихын, салт-дәстүрімізді, өнерімізді, мәдениетімізді білген, бірнеше шет ел тілдерін меңгерген, мемлекет қайраткерлері болған. Сол аталарымызбен өздерін салыстыратын ерсі сақалды сауатсыз жастар пайда болды, ата-анасын тыңдамай, ата-баба әруағын елемейтін, қазақ халқының салт-дәстүрін бұзғысы келетін пиғылдар танытуда. Іштен шыққан жау жаман деп атамыз қазақ осыларды айтқан.
Елді мекендердегі ақсақалдар қоғамы жергілікті имамдармен бірігіп адасқан жастарды тәртіпке шақырғандары жөн.
Қазақ қыз-келіншектерінің арасында хиджаб киетіндер, ерсі сақалды жас мұсылмансымақ қазақтар көбейіп кетті. Ол аз дегендей жаназа кезінде, намаз оқығанда, қазақтың салт-дәстүрін мойындағысы келмейтін, кері тартпа әр түрлі, қазақ елінің ішкі саясатына араласқысы келетін, неше түрлі мұсылман елдерінің киімдерін киген, қазақ жастарынан құрылған, бір-біріне жау діни ағымдар пайда болды.
Әлде біз білмейтін АРАБтану саясаты жүріп жатыр ма?
Қазақстан Республикасы Конституциясының 1-бабында: «Қазақстан Республикасы өзiн демократиялық, зайырлы, құқықтық және әлеуметтiк мемлекет ретiнде орнықтырады» деп белгіленген, яғни, Қазақстан Республикасы өзін:
1) демократиялық, яғни демократия сипаттары мен қағидаттары бар;
2) зайырлы, яғни дін мен мемлекеттің арасы ажыратылған;
3) құқықтық, яғни құқықтық мемлекеттің бірден бір белгісі - биліктің үш тармағы дараланған;
4) сондай-ақ әлеуметтік, яғни адам және азамат құқықтары мен бостандықтарының басымдылығы қағидаты орын алған мемлекет ретінде жариялайды.
Осы аталғандарды қорыта келе, «оның ең қымбат қазынасы - адам және адамның өмiрi, құқықтары мен бостандықтары» деп бекіткен.
Хиджаб киген қазақ қыз-келіншектермен және тәртіпсіз(шектен тыс өсіргендер) сақал қойған жас жігіттермен пікірлесіп көрсеңіз, олардың көбі қазақ тарихын, Қазақ еліндегі Ислам тарихын, қазақ халқының салт-дәстүрін, өнерін, яғни рухани-мәдени құндылықтарымызды білмейтіндер. Бұның бәріне жауапты ата-анасы, бала-бақша мен мектеп және Үкімет.
Мысалға: шет елде оқып келген жастарды кінәлаймыз, ол дұрыс емес. Жастар шет елге оқуға барғасын сол елдің дінін, салт-дәстүрін, өнерін, модасын оқып үйренеді, сосын оқығынын, білгенін, көргенін халыққа үйреткісі келеді.
Шет елдердің тілдерін балаларымызға, немерелерімізге үйретеміз, оқытамыз деп жүріп ҚАЗАҚ екенін ұмытып қалмау жағын да ойластырған жөн!
Шет ел тілдерін балаларға жас кезінен ынтасы болса оқыту дұрыс, бірақ, шет ел тілдерінде қазақ елінің тарихын, ислам тарихын, өнерімізді, салт-дәстүрімізді т.б. құндылықтарымызды оқыту керек.
Сосын таң қаламыз, қазақ тілін, тарихын, өнерін білмейтін, ата-баба салт-дәстүріне қарсы, ата-анасын сыйламайтын, мәдениетсіз, яғни, рухани-мәдени санасыз жастар қайдан пайда болды деп.
Не істеу керек?
1. Шет елге оқуға баратын жастарды қазақ және оқуға баратын шет елдің тілінде қазақ тарихы, өнері, Қазақ еліндегі Ислам тарихы, қазақ салт-дәстүрін оқытып, емтиханды қазақ тілінде жақсы тапсырғандарын, көзі ашық, көкірегі ояуларын ғана шет елден білім алуға жіберу;
2. Қазақ елінің салт-дәстүрі мен Ислам тәртіптеріне сай жас ерекшеліктеріне қарай ұлтық киімдер шығару;
3. ҚР-ың «Діни сенім білдірген және діни бірлестіктер туралы» Заңын толықтыру.

Қазақстан мұсылмандары діни басқармасының төрағасы Бас мүфти Шейх Әбсаттар қажы Дербісәлінің және түрлі діни тақырыптарға қалам тартып, БАҚ-тағы үгіт-насихат жұмыстарымен халықтың рухани санасын арттыру жұмыстарына белсене кірісіп жүрген дінтанушы Қайрат Жолдыбайұлының қазіргі қазақ халқының сұранысы мен талабынан туған еңбектерін(Ислам ғылымхалы, Ақиқат шуағы, Күдікпен күрес, Дін мен Діл т.б. кітаптарын) оқыңыздар.